( ̄▽ ̄)ノ 新加入: 精華 - 追星見學

2014年6月19日

伊豆秋田﹝二十一﹞米芝蓮三星 神楽坂 石かわ

回到東京這晚氣溫急降,下午在銀座更下起濕雪來。雖然只會短暫停留東京一晚,但也不忘延續這次星星見學旅程。從三星店當中揀了「神楽坂 石かわ」,主要原因是看到網上食評水準很平均,屬於傳統的和食懷石。
可惜只能預約到九時以後,而且入座時間還要等待當日通知。六時多收到電話,告知可以安排七點半入席,二話不說便乘車過去。

神楽坂這區有很多隱世食店,門面不起眼、就連招牌也不容易看到。
被安排坐到個室,這裡的日本酒選擇不多,但勝在很多也是限定品。難得見到熟悉的生原酒,當然要一合來回味一下。
十四代 槽垂れ 本生原酒おりからみ
菜單有兩款可選,冬季更供應活松葉蟹料理。預約時只得知價錢的分別,既然預約這麼困難當然要選貴一點的 course。

【先付】
津合かに 菜花

松葉蟹肉質還保存得非常新鮮,腦細胞自然勾起個多月前吃過的間人蟹味道。蟹醋 jelly 調味極佳,將蟹肉蟹膏融合起來提升鮮味,不會被醋的酸味蓋過。

【揚物】
金目鯛 鮟肝 蓮根揚げ

將金目鯛、鮟鱇魚肝、紫蘇葉夾在兩片蓮藕中間去炸,不同口感及味道在口腔爆發、爽脆、鮮甜、油膶。

【椀物】
穴子真薯
蕪 三つ葉

將穴子肉打成肉醬再用燒過的穴子包起來,出色的出汁無論配大根或蕪菁也是極品。

【造り】
鯛 ふく

鯛魚吃起來比起平時的多點魚鮮味,而且伴紫蘇絲、蔥、海草吃更能帶出甜味。追問之下原來鯛魚是當日從九州運過來的。
河豚肉一向也不懂得欣賞,比較不同的是這裡用上厚切的方法,伴蘿蔔蓉醋及細蔥。說到底還是它的皮比較好吃。

【焼物】
のど黒 舞茸

這道炭燒喉黒油香皮脆,舞茸被魚油滋潤過更香口。

【中皿】
甘鯛 白子
湯葉 鼇甲あん

白子入口當然滑、但竟然連熟了的甘鯛亦一樣。但最好吃的還是湯汁及湯葉。

【煮物】
牛しゃぶ 生うに
豆腐 小松菜

牛肉配海胆,相信看照片也能想像得到其味。

【食事】
新米の釜炊き
鯛の身 香の物

不要少看只是一鍋白米飯,這釜飯是我所吃過數一數二的,看它粒粒晶瑩通透,根本上單吃也令人滿足。
當然有好的漬物更可以錦上添花,這一碟漬物好吃到連平時不吃青瓜的我亦搶來吃。侍者好像知道我們喜歡吃似的,連忙追加一碟過來。
最後還有鯛魚肉鬆茶漬,怎樣飽亦能輕鬆 KO 一鍋飯。

【デザート】
苺 最中
焦がし砂糖のアイス
ラム酒のゼリー

Caramel sorbet 及 rum jelly,這個苺最中 wafer 簡單得來又滿足。
離開時 石川さん出來送客,當然趁機會合照及讚賞一下。即使先前看過別人的菜單及料理相片並不特別吸引,但吃過後才能體驗到每道菜的神髓。

另外要讚賞一下這裡的服務及用餐體驗,雖然我們坐到獨立個室,但侍者每每經過也會細心從門縫看一看。所以無論是茶或酒亦不需要揚聲,他們自然會在適當時間進來幫忙。而且每一道菜之間的間隔亦控制得宜,大約不會等候多過五分鐘。當晚人客不少,況且每道菜上桌亦是剛剛準備好的,實在佩服侍者與廚師之間的合作。最終九道菜只吃了兩個半小時,相對已經算短了。

22 則留言:

コーさん 說...

呢個唔明,預約九時後,但又call你七時半入席?

呢幾日出現過幾次金目鯛、穴子、鮟肝⋯⋯

jokelib 說...

其實九點後就有位, 但我叫佢早咗都 call 我, 就唔駛食到咁夜.

同季節當造食材通常都離不開依啲.

Helen Lam 說...

呢類傳統和食0岩我口味D, 又煙又沙又石個D唔係太0岩我

jokelib 說...

但有時在旅館食得多傳統味, 都想試吓 innovative / fusion 料理. 當然太過玩份子的就唔啱我.

Fai&The City 說...

焦糖雪葩,睇見都流口水.....

Hitomi Poon 說...

你本身"好"不"好"漬物?
很少可見到人有大讚漬物XD

果碗牛肉海瞻應該連水都可以成碗飲晒

jokelib 說...

以前完全唔掂, 但年紀越大就慢慢喜歡食. 依家無咗漬物埋尾的話就唔想食飯.

都係嗰句, 未喜歡可能係未遇到好食的, 又或者太年青. XD

Katie Yu 說...

碗飯好靚,係唔係新瀉的米呢?

jokelib 說...

我又無問產地,不過老實講米的品種唔係最重要,係煮飯技巧取勝.我試過買靚米,再配埋靚水,但屋企個電飯煲太水皮,煮唔到好飯.

Katie Yu 說...

他地其實用乜野煲煮到d飯甘好味呢?我以為靚米加靚水就ok。我有次都有衝動托包米返香港,不過俾人阻止左,仲要好不滿甘問,唔係嘛,抬米返香港?=o=

jokelib 說...

一個靚的釜(鐵器或窯), 再用炭火高溫高壓煮, 米飯短時間熟透.

靚米通常都係 1kg-2kg 包裝購買時即場精米, 都唔會好重啦.

Yang 說...

你好,我上次日本行回來直接到大陸出差,沒法給網址,現在在香港機場等我回去之後在把網址給你

jokelib 說...

Yang さん、
先謝, 慢慢也不遲~

Chieh Cheng Yang 說...

http://blog.xuite.net/wsearstie/blog/218019301

網址,還有三篇未出來...

Chieh Cheng Yang 說...

對了,麤皮是禁止拍照的,所以無拍攝
但是兩者的差距實在有限
個人認為差別在於前菜而已
麤皮的前菜等實在是比哥利歐強的許多
個人是認為牛排館就是牛排出色即可

かわむら個人認為牛排普普,無特別喜愛
但食材用的真的是很好,但一樣不能拍照
他們希望第一次去時可以用心品嘗料理
之後再拍....

jokelib 說...

精彩精彩!! 謝謝!

Katie Yu 說...

多謝Jokelib解釋,唔怪得係日本d米會特別好食!所以我好鍾意睇你個blog,有好野食又有靚旅館,好過個d鱔稿feel濃厚的飲食blog,有人請就係好食=o=

jokelib 說...

口味非常個人, 有時我都係參考日本其他 Blog, 搵返近似自己口味的 blogger 去追.

我相信日本遊記食記(香港人寫嗰啲)都比較少鱔稿. 台灣依家都越嚟越多"邀請旅行團", 有時都幾 hardsell. 都係嗰句, 我啱食唔等於其他人啱食, 哈哈~~~~ 不過起碼我係好食就讚, 唔好食都唔會同佢客氣.

Katie Yu 說...

哈哈,我同意口味好個人,我亦相信香港人寫的日本遊記很少鱔稿,我針對係某位本地自稱很識食的blogger(費事開名得罪人),以前跟他介紹幾次都中招,好難用口味個人呢個point來講!不過又真係好多人跟他食野,可能係我唔夠高級,領略唔到他境界=o=

jokelib 說...

亦只能這樣安慰自己. 不過正面啲去睇, 當佢係明燈做參考都唔錯, 佢越讚的就唔好有期望, 越寫得衰的就列入必吃名單.

Katie Yu 說...

甘又係wor!沒期望唔會有失望^^不過我繼續book唔到Quintessence,唯有book咗L'effervescence,Jokelib有沒吃過呢?

jokelib 說...

我未有機會, 你可以參考樓上朋友最近吃過的食記:

http://blog.xuite.net/wsearstie/blog/218830993

Related Posts Plugin for WordPress, Blogger...