( ̄▽ ̄)ノ 新加入: 精華 - 追星見學

2014年3月20日

丹後城崎﹝三﹞間人蟹大作戰 一人一杯半

這場期待以已久的間人蟹大戰終於也要上演,雖然黑洞神功還停留在起步階段,但也不能阻礙我倆挑戰的決心。為了珍惜這次難得的切磋機會、好好去領教間人蟹的各種招式,兩個人也豁了出去、一次過邀請了三杯間人蟹赴約。

間人蟹フルコース
先付的地魚刺身轉瞬間已被 KO,我們志不在此。
【茹コッペガニ】
先吃雌蟹,内子與外子、當然是邪惡的蟹膏勝。
【蟹刺し】
最原始的吃法去感受蟹肉的幼細纖維,不過味道又沒有想像般鮮甜。
【熟成茹で蟹】
為了要嘗到整隻蟹煮熟的鮮味,這亦是唯一的方法。雖然這樣便用了整整一杯,但也別無它法。
先吃蟹足,單是將蟹肉取出來已經感覺不同,一絲絲又粗大的蟹肉入口是前所未有的感覺、原來這才是真的 ズワイガニ!究竟我這幾十年在吃甚麼 A貨?那種肉質、鮮味、甜味,好像是從來未吃過的食物一樣。
【蟹みそ】
雌雄對比
【蟹炭火焼】
吃不到一半,炭火焼已經準備好,也是來點飲品的時候。
炭火蟹香充斥房間每個角落,半熟的蟹肉火候剛剛好,就連鹽也不用下。
【蟹甲羅焼】
雖然生吃亦可,但還是燒過比較對味。
蟹身可以用來炸天婦羅,不過這時已經開始吃不下。
吃到這裡已經差不多投降,勉強只能夠說與兩杯打成平手不分高下。不過似乎那時忘記了還有最後 Boss ....
【蟹しゃぶ】
【蟹ちり鍋】
仲居さん用奇技便輕易地把肉殼分離,我倆看得目瞪口呆。
輕輕在出汁拖一拖,纖維變成松葉般。入口又爽又彈,戰鬥力即時又回復過來。邊吃邊想之前吃過的蟹しゃぶしゃぶ究竟是甚麼來。
【みそしゃぶ】
再來痛快一點的蟹味噌しゃぶしゃぶ
剩下來還有很多前足要對付,反正已經吃不下,唯有邊休息邊慢慢把肉拆出來,留待宵夜吃。
戰後屍橫遍野
【蟹雑炊】鍋出汁に特A丹後こしひかり
還有終極一招,無論如何也要接!
比預期順利,只是吃了差不多四個小時。
不枉我們花那麼多時間專程走來,終於也如願以償吃到這『幻之蟹』,總算了結多年來的心願。雖然所費不菲,但每次有網友問我是否值得,我也只能引用 Mさん那一句〝去吃過便知道囉〞。老實說有些東西並不能以平常的 C/P 值去衡量,既然收得這個價位依然其門如市,而且每年的解禁期亦有限,還是乖乖奉上一疊福澤諭吉吧。

41 則留言:

3J 家庭 說...

請問拆蟹高人解禁期是那段時間呢???

Helen Lam 說...

其實係總共幾隻蟹?
睇肉質,真係同一般的不同....
等我儲定銀彈,今年年尾一戰..

btw, 點解唔自駕去?

jokelib 說...

3J, 每年的 11月頭到下年 3月尾.
無記錯 2013 係 7/11, 2012 就係 6/11.
3月尾之後有得食都係養住的. 根據高人指點, 每一個港口的質素可以差好遠好遠....

Helen, 一人一杯半, 兩個人咪 3隻.
雌蟹唔計啦, 都唔值錢.

自駕都要好遠路, 時間唔慳得幾多.

jokelib 說...

3J, 咪住, 你考返我轉頭?

2013 復活節日本中部、滋賀、北陸自駕遊 (六)︰尋找越前蟹

3J 家庭 說...

最初無諗過會同越前蟹一樣,以為唔同種解禁期係唔同,後來上過官網睇過先知,D plan好貴,就算住最平嘅房都好貴,暫時未有能力去,希望將來有機會

jokelib 說...

根據小道消息, 你食嗰隻都係好野嚟架, 拍得住間人.

我記得 book 嗰時佢有講 3月中至尾會平啲, 不過依啲去到京都/東京可以賣到好高價錢, 只會越搶越貴, 無辦法.

食過返唔到轉頭, 以後去北海道應該只會食毛蟹.

Niseko2000 說...

出得咁快, 趕住下個trip...
睇到我眼都突埋
每一個港口的質素可以差好遠好遠, 咁點知边個港口最好? 旅館會講明d蟹由边個港口黎?

jokelib 說...

放心, 係點都唔會趕得切.....
依一篇係成個旅程的主要目的, 所以寫咗先.

每個港用唔同 tag, 都寫得好清楚, 當然都要講個信字, 否則佢用錯/假 tag 都無人知.

粉紅色, 藍色, 綠色, 黃色, 每個地區用一隻色, 再細分邊個港, 邊隻船, 全部都在 tag 睇到.

小小 說...

食飽早餐睇都邊睇邊流口水......
人一世物一世,儲夠銀彈有機會都要會一會

jokelib 說...

我依啲係不負責任的遊記, 唔啱你食返嚟唔好淋我紅油......

CK鼠 說...

魔鬼呀 ~ 睇到人o的口水流到一地都係

コーさん 說...

所以睇完title,click入前要有“心理準備”。XD

jokelib 說...

睇相係想像唔到味道架喎.
我去之前都有睇過唔少相, 不過都係估唔到同以前食過的蟹差咁遠. 難怪網友食過之後, 去北海道都無再食嗰啲唔知邊度產的松葉蟹.

CK鼠 說...

コーさん:所以我睇o左個 title 兩日,想入又唔入咁,做好晒心理準備先敢入o黎囉,哈哈 ~

Helen Lam 說...

死啦,我未食過間人已覺得北海道D松葉蟹一般般...
我都係主打食毛蟹

請問可否透露邊D港口正呢?

jokelib 說...

咁可能唔啱你食喎, 你喜歡食大閘蟹?

我食得太少, 未有得比較住. 小道消息未經確認唔敢講.

Helen Lam 說...

大閘蟹都鍾意食

基本上我係海鮮人
咩海鮮都0岩

jokelib 說...

總之唔好以 C/P值去計, 點都唔會十倍好食過普通松葉蟹嘅.

kaykay 說...

讚!讚!讚!
好毒呀,一入嚟又流晒口水!
幻の蟹,食過就知好味道!

jokelib 說...

我都係跟人去食架咋.

Katie 說...

Jokelib,我想問下炭平有個日歸plan,隻間人蟹係米一樣呢?活越前蟹我已經覺得好正,今年秋天個trip忽然又可以返鄉下,之前睇完你呢篇一直心心念念呢隻幻之蟹,雖然交通真係煩到無倫,都好想試下^o^

jokelib 說...

留意丹後厳選蟹並非間人蟹,你 book 時 check 清楚。記得都唔平得幾多喎,而且一餐食成 3hrs+ , 點解唔住呢?

Katie 說...

謝謝,甘要check清楚先book,甘辛苦搭甘耐車都係為左他隻幻之蟹^o^

其實唔住主要都係呢度好似沒乜野玩,旅館又似乎唔太吸引,我諗住食完返出大阪或者京都,跟蟹作戰完再另一種作戰,哈哈!上次蘆原溫泉好d,叫做有d景點行下^^

我的目標要收集到唔同顏色的蟹牌仔=o=

jokelib 說...

食飯都食咁耐, 而且都有得浸吓, 點會無野做呢?

除咗唔同顏色, 仲有分唔同港口, 況且同一個 trip 唔會食得幾多餐, 有排食.

Katie 說...

哈哈等我再睇睇,或者去埋天橋立個邊!係啊,我通常一個trip只會食一種蟹,活蟹解禁期又短,所以有排食哈哈!

jokelib 說...

另一個問題係如果你一開始已經去"打大佬", 之後再去食嘍囉會有危機......

Katie Yu 說...

哈哈我諗緊之後吃其他都沒乜味,會唔會慳唔少呢?不過日本的活蟹又的確海水味重好多,我係好多其他地方吃過的活蟹味道差好遠...我最鍾意的大閘蟹除外=o=

jokelib 說...

最麻煩反而係每當你好想食蟹, 又或者在其他地方食蟹覺得唔滿意, 個腦就只會聯想到北陸.... 咁要去解毒又要遷就季節山長水遠去...

Katie Yu 說...

雖然真係幾山長水遠,不過東京大阪就算食到都太貴啦,都係要去北陸解毒好d=o=

jokelib 說...

隻蟹搭車途車唔開心架,都係我搭車過去會佢好啲.

joeyee 說...

book左隔離果間, 1.2kg, 最多得1.2杯, 應該都夠食! ^^

Tim 說...

請教請教,如果在可見將來只能去一次一嚐終極滋味,你會選間人還是越前町?

jokelib 說...

鮮度保證首選間人、其實單睇產量與定價都略知一二。間人難入手當然有其理由,你比較一下各旅館的 plan 應該都推斷得到。

或者我咁講、再去的話我都會返去搵間人。

Tim 說...

收到收到,多謝指教,Jackson。

jokelib 說...

希望你都可以吃得盡興,暫時朋友當中未曾有人失望過。喜歡吃蟹的話應該都會 enjoy

Tim 說...

唔 ... 超級期待

Tim 說...

唔好意思,想再請教,請問間人有沒有最鮮味/好味月份?
如果十一月尾或二月任何時間比較,你會選擇哪個時間?

jokelib 說...

其實整個季節, 價錢上落不大, 只有 3月水尾價錢先會稍為回落。

邊個月份最鮮我就唔肯定, 可能啲買手會清楚啲, 不過一隻蟹生長都要十年八年, 我估差嗰一兩個月分別不大。

你嗰兩段日子, 最大分別係雌蟹去到 1月頭就禁止捕獲. 即係話 2月去就唔會再有香蟹箱食, 值唔值得試就睇你自己. 留意雌蟹就算游水貨都唔值錢的, 800-1000円有交易, 所以唔好太大期望, 至在試吓.

Anyway, 11月天氣應該比較少風雨, 風險低啲. 因為如果連續幾日大風出唔到海, 間人因為日日清, 係會無貨供應的......


Tim 說...

多謝Jackson超詳盡回應��

小小 說...

一直念念不忘你呢隻幻之蟹,卒之等到有機會去丹後城崎果邊,但實在唔捨得八萬幾円住一晚兼食間人蟹,最重要係埋財政大臣唔批准...睇嚟同幻之蟹無緣啦

jokelib 說...

咁唔得喎, 山長水遠上到去丹後半島, 一定會後悔, 因為個價只會年年加....

依家兌 6.3左右, 相對已經平咗好多. 除非要食到特大蟹一人一杯半, 否則兩個人 share 一隻中/大蟹我見有啲平啲架喎. 又或者考慮其他旅館, 有幾間都係專食間人蟹.

再唔係去城崎搵間試吓津居山先.

Related Posts Plugin for WordPress, Blogger...