午餐回到国內缐解決,一幻又排長龍。轉吃第一天考慮過的 pasta pizza,吃飽再去入少少貨。
咦?為什麼看不到橙色糞?Oh! 礼文利尻產下年請早!見到北紫非常吸引,極大片新鮮又不貴。
也是時候回到現實,為下一次旅程好好努力。當第一口飛機餐放入口嘴饞之時,味雷告訴我這個假期已經完結了。CX 的 New Regional Business Class 簡直是搵笨,與 Premium Economy 差不多一樣。
兩個人的行李要兩架手推車,幸好有預約到車,否則連搭的士也有困難。回到家花了很多時間去清理新鮮食品,其他手信只是過關後買了少量。最後飲了小半碗糖水凍湯,希望可以延續假期的味道多幾天。
破天荒寫到最後一日,好幾晚也是捱到半夜才有空閒動筆,多謝大家支持。這個旅程應該不會寫詳細版本,有需要才追加值得寫的篇幅吧。
~ 第十五天完 ~
51 則留言:
北紫可以用保温袋帶回家?寄倉都得?
我都係越黎越懶拉住行李坐火車出機場,情願預多啲時間坐巴士點對點,唔駛拎餐懵。
15日 , 超羨慕 , 利害 !
唔記得要恭喜J少完成創舉,全程寫哂。
我都好幾天兩三點先睇。XD
多謝十五天帶大家食好野。
コーさん,
佢可以比保冷濟你夠捱 8hrs, 不過我覺得最多頂到 4hrs, 寄倉點解唔得? Hand carry 就唔得.
多謝比面嚟睇, 今次只係測試性質, 目標係每日都要寫完, 否則一停就唔會追番.
Nerissa,
其實係兩對手拎唔到咁多行李, 根本無可能搭 JR 上上落落, 巴士成架車得 5個客, 佢仲要 15分鐘一班.
man wai,
你都得架喎~~~
你都好勁, 日日寫, 不過我要花d時間追返之前個d, 之前睇d唔睇d.....
都唔係咩詳細遊記,係用 iPhone 分開再影多一批相比 Blog 用花時間.
因為北紫包裝似易爛,擔心寄倉。除非買十盒八盒入發泡盒原箱啦。XD
我見有三箱melon,兩箱corn都上到巴士?定係全部宅急便去CTS?
鹽水包裝無咁容易爛,當然個膠盒都有機會爆開啦,要小心 pack.佢都有發泡膠盒,可惜我地真係食夠,無謂再買.
你見到只係部分,總之係好恐怖的螞蟻搬家大行動,全部四隻手兩個膊頭發揮人體極限.
另外呢樣可能啱你。
MAGNA CART
收合時全平3.3kg
耐荷重量:68kg
通常我地兩個 22"已經夠,極少會帶咁多.
コーさん,呢架法拉利好得喎,最緊要收埋慳位.
日本amazon賣都唔貴,香港百貨好似有得賣,不過要揾。
我都係amazon買算了。
吓你講真架?我以為你玩野 post 比我睇咋.
成3箱蜜瓜2箱粟米,大豐收呢.勁
係自己攞苦嚟辛~
是講真的。我一人拉三人行李,如果再買箱melon,就要諗用cart。
你無我依次咁瘋狂,我唔計 hand carry,寄倉已超出依架車仔上限有凸......
我每日都有追你呢個遊記,好精彩!
另外,我係睇咗你篇北廣島outlet報道,先識跟尾走去買粟米。
你,造福人詳,但就令我老公唔多高興,既傷荷包,又要做苦力!
Corn 都唔會好重啫、メロン先甘。
仲有部叫「MAGNA CART キャリーカート MC2」硬淨啲,size差不多,本体重量:4.8kg,耐過重量:91kg
幾好呀...遊記唔駛爛尾
睇睇吓你好似D強國人/水貨客,佢哋嚟香港一箱二箱抬番去,你就一箱二箱由北海道抬嘢番嚟,係自用定係賣架..
コーさん,
唔好喇, 極少會帶咁重野.
3J 家庭,
好多晚都用睡前時間寫, @_@
其實係啲夕張太重, 其他都無咩買過野, 比親朋好友食, 咁辛苦點會賣.
夕張無可能轉售,太幸苦了。
想問白corn室温存放約幾耐?我都有興趣買啲考敬母親外母大人。
講吓笑啫...做你D親朋好友都幾好,唔錯..
コーさん,
日本放耐啲, 一搭過飛機侷過頂多一兩日, 好快乾水.
3J 家庭,
佢地有苦自己知就真.......
今日返工切比同事食.
嘩,好壯觀~
無overlaod!? 唔係JAL喎~
我見過一對係CTS對住d LC 好無奈...
我通常用最大size0急
買的東西不一樣啊!
CX 無限件數, 況且我當時 hand carry 仲未用晒每人 10kg quota.
大喼唔方便因為滿咗太重.
極速完成一個咁精彩的遊記,叻x100
整個旅程不停食食食,睇咁多曰就流足咁多日囗水,成個旅程有冇食咗 10 個蜜瓜呀?
今次食得少咗, 因為開頭一個星期啲瓜都偏貴, 又在北部又無夕張. 反而西瓜食多咗, 一個 Densuke 都食咗幾日.
我想問下你啲夕張瓜係原箱寄倉定係放入行李內寄呢? 你好犀利!3箱夕張!勁呀!
我叫佢轉細盒再放入喼寄倉,其實如果買一箱4-5個 8kg都可以直接寄倉.
有好多人一次買十個八個啦,我依啲小兒科.
以前試過細0急加N袋野拎唔掂
索性大0急宅急便囉
我好多時搭 JR, 大喼好唔方便, 所以近年都係細喼走天涯.
剛剛發現原本我們有common friend....:)
e? e? e?
我唔知o既, 快啲講我知好喎.
HX Fong
Oh! 清酒顧問!
下次問佢先, 哈哈~~
哈哈,佢係我酒友.
剛剛想看一下你的facebook, 但咩都睇唔到呢.
22/8有個Sake Event呢~
因為我一次連半合都飲唔到, 通常依啲局都享受唔到.
半合 only?!
我酒量係 BB 級, 無辦法......
見你D Post成日有Sake,以為神級.
好明顯係呃神騙鬼級。
我仲好想試坐new regional business class tim.... 原來只係比PE好少少... 不過我都唔係好鍾意PE,因為無LEG REST, 得第一行先有, 吊住隻腳唔舒服嘛
Regional 真係咪搞, 佢有 leg rest 的可以伸出來.
Jokelib你好,
SeeWide特搜網是一個全新互動生活分享平台,集齊各地遊山玩水好去處及講玩、講食、講扮靚、講生活,讓大家分享不同的生活體驗。
你的網誌十分切合我們網站主題,內容及相片也很有質素,請問可否讓我們轉載網誌內的相片及內容?(會注明出處及不作改動)
我們的目的,是盡力網羅優質的相片及內容,建立一個包含豐富生活資訊的玩樂休閒分享平台,讓一眾志同道合的網友可更輕易獲得寶貴的參考資料。現階段,SeeWide 已擁有超過十萬篇生活攻略,瀏覽量亦超過數十萬。
希望你能成為我們平台的一份子,助我們更有效地集結各樣不同的好玩好食生活資訊!
另外,我們亦設有「稿費」制度,透過發表文章所累積的本地瀏覽量,即可兌換稿費!
而我們亦可以你的名義,將稿費捐到香港宣明會,或你指定的慈善機構
詳情可參閱:http://www.seewide.com/space.php?do=help&essay_id=22#001
如有任何查詢, 歡迎電郵至: info@seewide.com
你好想請教一下預計明年8月前往北海道
這時的季節好像已經沒什麼可看了
但還是想問一下我預計從札幌進
在札幌待一天看看小樽那邊
之後隔天一早前往支笏湖再到登別潼乃家1晚
隔天一早到洞爺湖再轉移到涵館(1晚)主要為了夜景
之後繞回札幌住一天隔天走人
想請教您您認為這樣合適麼?
還是說有哪幾個區域的風景很美應該要走一下呢
以上想請教您打擾了
Aio,
8月還有很多花, 月頭更是太陽花的燦爛季節.
你的路線也算順路, 但支笏湖及洞爺湖個人意見很值得住上一晚. 否則整個旅程有點趕.
不過我喜歡住旅館, 否則純觀光而言你的計劃亦未嘗不可.
Jackson
住了倉庫, 硬件80分, 可惜服務真的一般, 而且當日竟然有班泰國團住.....
OMG!!
不過現在定價低過幾年前, 都算可接受喇.
遇到團真係掃興....
發佈留言