( ̄▽ ̄)ノ 新加入: 精華 - 追星見學

2012年2月23日

嘗味七泊﹝九﹞六花亭本店 十勝川白鳥飛来地

這天我們決定不再懶惰,下午到六花亭本店去吃個午餐,順道到超市補給物資及買些土産。

在帯広駅的「とかち物産センター」發現這個翻版的『幸福駅』
六花亭本店
目標當然是樓上的喫茶店,這次終於可以試試這裡的 pizza,不過還是先來一件「サクサクパイ」。
剛巧又是午餐時間,食物等了二三十分鐘才來到。Pizza 味道又不怎凸出,幸好芝士也不錯吃。
還追加未試過的 hotcake
在帯広逗留了三個小時,又乘車回到十勝川溫泉。上年因為禽流感而封閉了的『白鳥飛来地』,今年已經重開,更有新建的通道。
不過為了安全而搭建了這個高台、以避免傳播禽流感。
晚飯前再 K.O. 這件外帶的「サクサクパイ」,只想一試三個小時對其口感有沒有影響,結果還可以、下次可以放心外帶。

57 則留言:

Manatree 說...

白鳥飛来地啲相好靚~like

匿名 說...

又多個景點,,正,,!!^ ^"""

匿名 說...

mi..

Niseko2000 說...

白鳥係边到行出去睇架? 要係十勝第一? 你去六花亭洗唔洗等位?

Jackson 說...

上次去仲可以近距離接觸:
http://www.maisiejackson.com/2010/01/day-6.html

mi, 你去唔去住三余庵架?

Niseko2000, 我見你有去十勝第一的賣店. 行出門口十分鐘就去到. 六花亭又唔駛等位, 只係等食o者.

匿名 說...

三余庵, 唔知架...好貴但又好正..
>,<
仲有時間..可以慢慢考慮下!! ^ ^
mi

Jackson 說...

mi, 你係下個月去?定係下年?

匿名 說...

下年... 咁早問你...應該唔過份??
:P
要諗定去邊個機場出入會慳時間,車錢.
mi

Jackson 說...

依家都係時候計劃 2013 啦, 差不多. 不過旅館就唔駛咁早揀, 大把時間.

Niseko2000 說...

我去十勝第一時係着拖鞋過去行咗一陣, 諗緊Dec住完三余庵然後住十勝第一(最cheap的房), 因我見佢最cheap 的plan 唔貴, 屋企人就返Sapporo shopping, 帶住2個小朋友好難shop 到, 而且冬天浸温泉比較好

Jackson 說...

Niseko2000,

無錯, 係要問三余庵攞返對鞋先得....

"諗緊Dec住完三余庵然後住十勝第一"
邊有人會先天堂後地獄架.... 係都掉轉吖. 但係點解要咁對待自己呢.... 十勝第一除非住最新 renew 的豊洲亭, 否則真係唔好玩. 你仲要指定最平的房.....

Jackson

Niseko2000 說...

因我見最平的plan 好抵麻, 边有咁多budget住renew 的豊洲亭, 要預2晚ski resort, d ski resort 唔平, 可能又搭正日本假期, 唉

Jackson 說...

Niseko2000,

咁不如先苦後甜, 落差無咁大.

當然又唔好講到"苦"咁嚴重, 只要有心理準備就得, 因為假期保證會遇到一團又一團的香港及台灣客.

Niseko2000 說...

咁恐怖呀, 我最怕見到旅行團, 咁唔諗十勝第一了, 唔怪得要住豊洲亭啦, 咁十勝第一個露天風呂咪有好多團友? 上次因為冇時間行去試, 所以諗住下次去試吓

Jackson 說...

我每次住三余庵食飽飯過去散步, 在賣店永遠只聽到 bilibara 的廣東話.

大浴場只曾經下午三點去過, 當時無咩人就勉強 okay.

3J 家庭 說...

Niseko2000

十勝第一係有台灣和香港團住架,舊年農曆年去時我都見到有幾團,仲遇著D極無品嘅台灣客,影響哂D心情,不過酒店質素都唔差,個大浴場幾好架(住三余庵都可以過去浸喎),如果係budget限嘅話都可以接受,當然同三余庵比就緊係無得比喇~~

largeheadboy 說...

喺雪地上賣廣白咁 hard sell 呀(笑~)

有冇留返啲 hotcake 餵雀呀?

Jackson 說...

大頭, 有免費供應餵雀的飼料, 每人限一杯.

joeyee 說...

噢, 原來白鳥腳仔係黑色架! 真係大鄉里!

Jackson 說...

joeyee,

吓? 唔通白色? 你都有食鹵水鵝掌架....

zason 2T 說...

如果我出年真係可以冬遊道東,都想先住十勝第一,之後住三余庵, 因為十勝第一都唔錯吖,而且第二天可以等各團走晒時先去試第一的大浴場,(三余庵住客可以用吖嘛)再去三余庵checkin,好hea咁歎個夠! 我的朋友農曆年都係跟東x遊住十勝第一。

Jackson 說...

zason 2T,

大浴場有得避, 但係 dinner buffet + breakfast 則避無可避......

或者揀非 buffet plan 會感覺好啲.

不過十勝第一係有優點的, 就係房間面向十勝川及大橋景.

zason 2T 說...

咁第一的buffet得唔得呢?如果唔太得咪可以揀其他plan囉! 不過,就算揀buffet,晚餐早少少,早餐晏少少可能會好d。 我就係好鬼鍾意她的房間對正十勝川同大橋,好靚!

Jackson 說...

我記得有網友係食過唔係 buffet 的, 我無住過所以答你唔到.

3J 家庭 說...

哈..我咪係其中一個唔係食buffet嘅網友囉!

zason 2T

如果你想避開旅行團,唔建議你食buffet,舊年我住豆陽亭食會席都係10,500yen/人,不過房間就細D但面向十勝川大橋,你可以睇番我舊年個遊記(條link太長,唔post)。

早餐如果唔趕時間可以遲少少食,旅行團通常會早出發,就算未食完都應該食得七七八八。

舊年我見香港團嘅人都OK唔太差,反而D台灣團嘅人勁乞人憎,又無禮貌,睇完彩凛華又唔準時上車,我老公浸溫泉時仲見到有個台灣佬响溫泉吐口水,幾無品。

lau2tang 說...

我好好彩,舊年暑假住十勝第一時,無遇到香港團。我懷疑佢地係好遲先到,又好早就check-out,所以我遇唔到。
我都係揀咗個buffet plan, 食物水準中上,應該有的都有,牛扒仲幾好味添,我就食咗好多新鮮ge藍苺。另外,最得意係有得玩煮飯仔,自己煲釜飯,鍾意落乜餸都得!

Jackson 說...

3J 家庭,

咁好的 reference 等我幫你 post:
2011春節北海道賞雪之旅 (十勝、彩凛華)

以你個價錢又真係好抵, 唔怪得旅行團一定住佢, 應該每位唔駛 HK$600.

Jackson

Jackson 說...

lau2tang,

你仲好講, 寫完飲飲食食, 換咗個幸福 banner 後就完咗遊記.

不過暑假比較少機會見到啦, 我次次去都係 Christmas/CNY, 保證會遇到的.

Jackson

lau2tang 說...

唉!無辦法啦!忙溫書、忙考試、忙編復活同暑假個行程呀~

Jackson 說...

lau2tang,

咁好! 去多啲去多啲

lau2tang 說...

仲好講!咪因為睇咗你個長岡花火同東北祭遊記, 攪到我心思思。你知啦,睇祭啲房幾緊張先得架,所以咪要依家準備定囉!

Jackson 說...

lau2tang,

你 book 晒房喇? 依家應該已經無晒喎, 我係六個月前 midnight 一出即訂的.

長岡最好 5月頭去搶 Route Inn.

其實我地 2010 夏天去咗仲多祭呀, 只不過無時間寫遊記......

Jackson

lau2tang 說...

我換晒機票先知個難度係咁大ge!
又驚青森太多人好擠迫好辛苦,都有少少後悔咁囉。
我只搶咗新潟住宿,長岡就點都訂唔到。
東北方面,就訂了秋田東橫Inn(超貴又唔值)同弘前東橫Inn,睇下到五月時有無其他酒店放房出黎再算。

Jackson 說...

lau2tang,

青森係最最最最最最最困難的.... 不過依家新幹線通咗去新青森, 你訂住八戶做 backup 先.

秋田有就 okay, 東橫已經算好架喇... Richmond 到時要近 20000yen 一晚架.

新潟做 backup, 我 2010去都係住新潟, 不過花火大會完咗再去趕車, 你都可以想像到會幾辛苦..... ルートイン長岡駅前真係超難搶..... 遲啲佢會公佈幾時開始預訂 2/8 & 3/8 的特別 plan.

其他野你可以去我啲有關遊記留 message 問, 例如霸位呀, 位置等等.

Jackson

Niseko2000 說...

聖誕一定多團, 我真係好怕團, 自從住過萬世閣, 以後都盡量避免住團入住的酒店, 想靜靜地享受浸温泉都唔得, 所以好大機會唔住十勝第一, 或者下次check-in 完三余庵即刻走過去浸一轉, 可能d團冇咁快黎到, 仲有要就屋企人要住三余庵先, 因第二日佢地要返Sapporo, 如住十勝第一先佢地又住唔到三余庵......

lau2tang 說...

Jackson,
謝謝你先~
到時一定問你。
我查過JR時間表,由青森去八戸的新幹線,夜晚九點打後,無幾多班車,上車會唔會有困難?另外,如果坐在來線,個JR Pass好似係唔包架,係咪?

Jackson 說...

Niseko2000,

原來要安排屋企人第一日一齊住, sorry 之前無留意. 咁無辦法啦, 你又唔想遇到香港團, 依家只有一個辦法, 咩問題都解決晒.

第二日又可以去十勝第一浸, 又順路去白鳥飛来地. 你都知我想講乜架啦, 哈哈哈~

Jackson

Jackson 說...

lau2tang,

唔好忘記 JR 有夏之增發列車, 不過我又無留意新青森有冇加開落東京的.....

JR Pass 當然搭得在來線. 以前未通到新青森, 好多人住弘前做 backup 添!

Jackson

Niseko2000 說...

咁帶廣返Sapporo 途中有冇d平靚正的溫泉酒店? 好似係廢話....

Jackson 說...

Niseko2000,

唔好逃避啦.....

依個世界永遠唔會有晒平+靚+正, 一定要犧牲一樣. 眼前既然已經有靚+正, 你仲搵咩?

駛唔駛我繼續放毒出埋下篇夕食?

Jackson

lau2tang 說...

我意思係,自從開通了八戸去新青森的新幹線,青森去八戸的在來線係由青い森鉄道經營,我無詳細睇個JR East Pass包唔包呢程,但知道坐新幹線就無問題囉。
好,見八戸東橫Inn都仲有房,一於訂埋先。

Jackson 說...

lau2tang、係喎, 你唔講我都唔記得..... 全中, Pass 係唔搭得青い森鉄道.....

http://www.jreast.co.jp/e/routemaps/index.html?bar=line

Niseko2000 說...

住2晚會唔會有discount 架? 都要睇吓個價錢接唔接受到先得麻....咁你快d post 下篇夕食, 真係好想知有咩唔同, 其實原本諗住住森の旅亭, 見價錢相差不大,房間好似三余庵正d, 所以揀三余庵, 好彩有揀佢, 見你地係FB 的 discussion, 嚇到我呀.....

Jackson 說...

Niseko2000,

以前好抵架, 有九折, 不過依家得每晚 -1000yen, 叫做好過無啦..... 而且夕食會好少少的. 你去睇返我之前的連泊夕食咪知.
http://www.maisiejackson.com/p/blog-page_08.html

至於森の旅亭, 又未差到貼地.....

lau2tang 說...

搭訕下先~
Niseko2000, Jackson個版頭間富良野寶亭留又啱唔啱心水呢?

Jackson 說...

フラノ寶亭留:咪就係得個樣..... 遲啲會寫到.

lau2tang 說...

吓!間嘢夏季貴到嘔,等我想住都唔捨得,原來......
快啲寫黎睇吓~

匿名 說...

lau2tang:

富良野寶亭留not accept kids ga.

Jackson 說...

lau2tang, 你估冬天平呀? 同三余庵一樣咋! 你話係咪插大肶

joeyee 說...

吾係插大比, 你呢D叫做福人群. heehee....

Jackson 說...

。・゚゚・(>д<;)・゚゚・。

Niseko2000 說...

唔記得寫番Niseko2000個名
係上面個留言添

lau2tang:

富良野寶亭留not accept kids ga.

lau2tang 說...

Oh ! I see.
咁真係無乜得揀囉~

Jackson 說...

同小朋友去新得 Yorkshire Farm 玩肥羊? 或者你有冇去過然別湖?

Stone 說...

咁寶亭留差定森之旅亭差呢??

Jackson 說...

フラノ寶亭留朝食+環境+服務搭森之旅亭房間+夕食= Like

Niseko2000 說...

J少, good idea, let me think about it sin.

Related Posts Plugin for WordPress, Blogger...