2012年2月17日

嘗味七泊﹝六﹞再再再訪三余庵

因為這次配合到十勝川温泉観光協会的「モール温泉号」,三個多小時便把我們從札幌駅帶到三余庵。

每人的喜好各有不同,總而言之感覺這東西沒有辦法去解釋,所以暫時還未找到可以不來的藉口。
雖然明知道這兩天會碰到一團 XX遊的富貴團,幸好他們只顧在放內享受,完全沒有在大浴場遇見過。
浸浴後最喜歡坐在「道草」休息及貪貪小便宜。
「春秋」曾經多次令到我們感動流淚。
離開的一天早上氣溫降至零下 25度,我還是頭一次連露天風呂的門也沒有勇氣去推。

37 則留言:

3J 家庭 說...

我都好想再訪三余庵,不過要二人行及等淡季先得。唔好意思想問一D題外話,道後溫泉有咩旅館可推介,不需要溫泉附客室。

joeyee 說...

你又連泊呀? 返扎幌有無搭迎送車?

吾好意思搭個咀:
3J家庭, 請問你幾時出發.

3J 家庭 說...

joeyee

復活節

jokelib 說...

3J 家庭,

其實一年中好多個月都係淡季, 再講佢個價位咁多年都未加過, 相比其他旅館已經唔再算貴架喇.

道後無咩心水, 貴野就有.....

joeyee 好似同你都係 Easter 去喎, 大家交流吓都好.

jokelib 說...

joeyee,

我無搭回程, 因為之後係去富良野, 自己搭巴士.

jokelib 說...

3J 家庭, 話時話, Easter 去我覺得住松山仲好, 因為好多時間都會去咗睇櫻花, 我上次去都係住 business hotel.

zason 2T 說...

三余庵~雖然只住過一次,但有說不出的親切感。 J少應該係有返屋企的感覺添啦! 3J家庭, 我都係睇吓幾時淡季可以再去一住,仲要大小姐12歲前即兩年內,一家四口真係好"金",但又想再去! 其實最平又有學校假會係幾時呢呵?

zason 2T 說...

咁Easter又好似幾好喎! 出年諗吓先!

jokelib 說...

zason 2T,

係其他旅館比唔到的感覺~ 好恐怖架, 越耐唔去就越想去....

最平又有學校假 = CNY or Easter

zason 2T 說...

哈!中毒囉,好難有旅館可以令住客中毒咁恐怖架,難得,難得!其實在自己喜歡的溫泉旅館/酒店住上三數天真係唔錯,不過呢d日子要等退休先lu! 我上次咪CNY囉,Easter帶廣十勝應該未有櫻花噃,你4月住過老家嗎?

jokelib 說...

zason 2T,

4月頭應該都仲有殘雪, 花都未有啦~ 我次次都係冬季去的, 所以咪叫三余庵冬物語.

快啲 plan 2013 Easter 啦, 定係你又想搞個 2012?

Jackson

zason 2T 說...

我又上三余庵的網頁計吓數,我上次CNY的價同暑假唔差太遠喎?! 我4月去京都睇櫻花,唔會去北海道,諗緊如果暑假去唔成九州,可能聖誕去北海道,未試過聖誕出遊,睇吓大少走唔走得先。我想住春之海有露天風呂又有兩層可以玩捉迷藏...

jokelib 說...

聖誕唔算貴, 我有一次都係聖誕去, 只係要早啲 book 房.

春之海四個人就啱, 我地上次住, 大部分時間都係留喺下層, 行上行落有時都感覺唔方便.

四月行程出咗未? 見你無 update Yahoo Blog.

3J 家庭 說...

淡季都係其次,最緊要係兩個人囉,上次我5月去住都唔錯,天氣又唔凍,冬天北海道去過3次,嚟緊夏天又會去,再去想搵次係秋天去。

道後無心水唔緊要,去到松山我會想住道後,話哂都出名,今次日子唔多所以四國都係揀幾個主要景點去就算,總覺得今次去完四國未必會翻炒。

jokelib 說...

3J 家庭,

四國最好玩都係祖谷+鳴門, 其他地方真係去過就算.... 道後溫泉太過近普通繁華街, 所以唔係好啱我 feel.

zason 2T 說...

4月行程得8天7晚,又要去小朋友想去的遊園地,神戶都只係路過,去京都賞櫻只有2兩天半,要在那些賞櫻熱點取捨,又要睇開花情況,未係好確定,所以唔出blog先lu,等3月下旬有櫻花情報先啦! 不過應該會去整吓和果子,穿吓和服,踏吓單車遊鴨川一帶咁,住就以方便為原則。

我同大少都唔太喜歡行上行落,行李在下層,在上層浸溫泉又要攞野上去都幾麻煩,但小朋友喜歡嘛,做阿爸阿媽係咁架啦...

3J,5月去咪可以去埋睇芝櫻囉?

jokelib 說...

zason 2T,

又會咁啱, 我主要去係為咗食食食. 不過四月頭旅館好鬼貴呀, 你 book 晒未架? 如果唔係就要住大阪架喇.

賞櫻推介:
哲學之道
嵐山公園
醍醐寺
清水寺
圓山公園
白川巽橋
蹴上傾斜鐵道

zason 2T 說...

咪就係去你列出那些地方囉! 穿和服就去清水寺,平安神宮,醍醐寺(櫻祭);單車行就鴨川再殺入蹴上,在哲學之道推車(多人);一天早上遊嵐山一帶,多數唔坐小火車因團友唔好,去野餐好過喎!在京都的第一晚就住圓山公園附近的"舞風館", 會行白川同圓山。 酒店訂晒啦,真係幾貴而且我家小姐唔太o岩町家式的住宿,所以住方面就最緊要價錢合理又就腳。

jokelib 說...

zason 2T,

Plan 得咁好, 我都未有時間去搞佢住. 下個月先算........

zason 2T 說...

你主要食食食嘛,plan晒食得好的住宿咪係行程囉! 等睇你的和味介紹呀!咔..咔..咔...

jokelib 說...

京旅館住唔起, 只係 business hotel 再自己出去搵食罷了~

3J 家庭 說...

祖谷+鳴門一定去,道後只係冒名而去,近繁華街我唔介意。

原來你Easter去京都賞櫻,可惜我無時間去埋京都。

舊年地震好多人都去唔到日本賞櫻,今年應該會有好多人去,加上又有Easter假期。

jokelib 說...

3J 家庭,

鳴門記得 check 清楚春分呀~ 正好多的. (P.S. Hardsell 我之前的遊記)

舊年去幾好吖~ 全程只遇到幾丁香港人.

joeyee 說...

我三月底去, 四月頭就返, 店吾倒個長假期.
亦吾會去鳴門+祖谷, 只去愛媛, 係米巧勁呢??!! 哈哈哈!
我有偏好要住源流無加消毒劑的溫泉旅館, 所以道後無乜得揀. 睇雲得兩間, 激氣!
希望睇倒桜花啦, 如果嚮松山見倒3J, 我請你地食松山名物じゃこ天.^^

3J 家庭 說...

最衰你個遊記爛尾呢..春分點計呀? 淨係睇渦之道個潮見表得唔得,不過我個行程已經定咗4月4日去喎,好難改

joeyee

你3月尾去應該見唔到,我要就阿仔放假4月3日先出發,4月5日先去到松山,我對溫泉水質和種類唔係好識,咁即係邊兩間?じゃこ天好味架?

J少唔好意思,明明你篇blog講緊北海道,點知俾我扯咗去四國添。

jokelib 說...

2012年春分是03月20日, 不過唔緊要, 4/4 係十四, 近十五就得啦! 總之朝早去就一定睇到大潮, 放心!

大家隨便傾, 反正平時都無咩人留言, 哈哈.

Niseko2000 說...

哈哈,我上個月hold咗今年聖誕,帶多2個人去,因上次住最平的房(洋室),所以今次想試和室

3J 家庭 說...

一定要朝早? 我下午先到喎,下午應該都唔會太差卦...

jokelib 說...

Niseko2000, 咁好~ 多人咪住春之海o羅~

3J 家庭, 當日干潮係朝早, 下晝好晏先係滿潮. 但我估計只要係初一十五, 點都會有得睇, 唔駛太擔心.

Niseko2000 說...

我諗唔會住春之海,分開房間方便d...

jokelib 說...

Niseko2000, 唔計"桜の園", 假如有得揀和室, 我最喜歡都係草枕. 因為最好 view.

Niseko2000 說...

原來草枕個view最正, 等我試下request 先...

jokelib 說...

Niseko2000, 你睇返三余庵 check-in 時比你的卡仔, 有旅館的 floorplan, 睇完你就明.

joeyee 說...

無花睇???!!!(震撼驚恐的哀傷中)
我4月5日10點松山走, 應該都睇倒少少花掛.

旅庵浪六同埋谷屋, 若果吾係咁介意溫泉水質, 就住J少介紹的別邸朧月夜! ^^

じゃご天係名物黎架, 其實係雜魚餅, 試下無防. 朋友家鄉在松山, 佢叫我一定要試, 最好去居酒屋食現炸的.

3J 家庭 說...

joyee, 我唔係話你見唔到櫻花,係見唔到我啫,你5號朝早走,我5號下午先到。
可惜你講嗰3間旅館都唔係好啱我依D三人家庭。
有機會我會試吓じゃご天,thank you.

匿名 說...

剛剛3月初去了三余奄,住春の海, 2人住太大, 有點空虛,但個露天個室風呂真係好正;三余奄確實令人有一再回味感受,一生人有機會一定要去一次~~~ 另外我還住了鹤雅定山溪,又另一番感受 ^^
P.S. 三余奄既西式早餐真係一生難忘~~~~

t_totoro

jokelib 說...

t_totoro, 第一次去住春の海咁豪? 哈哈真係太大上上落落好唔方便, 個 bathroom 又唔合比例細咗啲.

森之歌 cottage? 最衰佢係食 buffet, 唔係我都想去 K.O. 埋佢.

一生難忘咁嚴重? 小心上癮呀哈哈

Related Posts Plugin for WordPress, Blogger...