( ̄▽ ̄)ノ 新加入: 精華 - 追星見學

2014年3月30日

丹後城崎﹝七﹞翠泉 京会席

另一個吸引我們入住的原因,當然又是食事了。翠泉的京会席評分很高,縱使房間不貴、明白沒有用上昂貴食材,但對京料理的細膩一向也十分欣賞。

みかんのカクテル 柑橘 cocktail
雲丹のロワイヤル
雖然冬天不是吃雲丹的季節,但這個茶碗蒸又滑又甜,食器亦很精緻。
蟹たっぶりの真丈 
用蟹肉弄成丸狀、鮮甜無比,而且這個白味噌是用上自家品牌,順喉幼滑又清甜、有點豆乳的感覺。晚飯後更即時買了一盒帶回家。
お造り
車海老、鯛、鮪、鰤,冬季還是鰤魚最肥美。
鴨のくわ焼き 
鍬焼鴨胸肉、配芥子米麴,入口鮮嫩。烤洋蔥及煙燻芝士也好吃。
甘鯛かぶら鍋
高湯內放了蕪菁蓉,入口有點似冬瓜蓉湯,甘鯛是預先燒過的所以鮮味沒有流失到湯裡。柚子皮帶出淡淡清新香味,還有京都水菜及大根,這個鍋飲到一滴不剩。
京野菜 海老芋の湯葉あんかけ
繼續來演繹京野菜,鼎鼎大名的海老芋配上湯葉。炸過的海老芋入口超綿滑,雖然在其他地方吃過海老芋,但只有京都產的才有這種獨特口感,完全不像平時吃的芋頭類。吃過這兩件海老芋終於也明白,非常難忘。
丹波牛しゃぶしゃぶ
丹波牛不算出名,雖然賣相不錯但只有幼滑口感而欠缺牛肉味。
百合根御飯 赤だし汁 京漬物
飯也煮得不錯,放了冬季當造的百合根。
冬デザート
差不多吃完的時候料理長過來問我們意見,我倆也大讚那個蟹真丈、白味噌、及海老芋。這餐完全是憑料理長的技巧去發揮當地食材的獨特處,似乎我們往後要再花多點時間在京都,出色的料亭旅館還有太多。
朝食也出色,白味噌、野菜、豆腐通通好吃,湯葉豆味超濃,燒魚有きんき,連米飯也有焦,大滿足。

8 則留言:

3J 家庭 說...

食具好精緻,特別喜歡放お造り那個器皿,成間芧屋的設計外形

京都好多年都未去過了,上次已經是08年時路過住了一晚,總覺得在櫻花紅葉時間去係最適合,可惜又會是最貴最多人的時間

jokelib 說...

近年食過唔錯的地方, 食具同樣都係非常用心的. 當你連食具都放咗心思, 食物都唔會差得去邊.

紅葉季節最吸引, 但要預咗人逼人. 櫻花又的確比其他地方集中, 睇到你唔睇為止.

3J 家庭 說...

所以寧願去第二度睇,感覺無咁逼人,而且住宿唔單只要一早book,仲要貴到好唔合理,就係咁嘅原因以致還未有衝動再去京都

jokelib 說...

夏天又太熱, 其實我一直想搵個冬天避開啲觀光客住平旅館又可以去食餐飽, 努力計劃中.

M 說...

お造り上那個橙色的圈是甚麼?

jokelib 說...

問得好, 我都唔知.
一見到就掉埋一邊, 無理到. 好似係類似「たまたま」柑仔的皮, 不過我都無食, 唔肯定.

joeyee 說...

但呢餐, 又俾你講到好吸引喎

jokelib 說...

可能早兩日食蟹食到傻咗, 當晚食咩都好食.

Related Posts Plugin for WordPress, Blogger...