( ̄▽ ̄)ノ 新加入: 精華 - 追星見學

2014年6月1日

伊豆秋田﹝十二﹞ペンション マリンメイツ

這天會從伊東經中伊豆到西伊豆,遊覽過藍天下的「城ヶ崎海岸」、在「修善寺」散策及午餐、黃昏走過「恋人岬」後,這晚會〝挑戰〞一間位於恋人岬的 Pension Marinemates。

其實在西伊豆恋人岬、土肥也有不少溫泉旅館,當然大家最想入住的自不然是『富岳群青』,奈何入場費不菲,加上當天更是星期六。大型旅館如非必要也想避免,最後揀了這間位置方便的 Pension,一同回味年青時住離島渡假屋的感覺... ... 縱使 Pension 有點歷史﹝舊﹞,一泊二食每位卻超過一萬円。大家已經吃定心理藥物,不過踏入 reception、房間、唯有不斷說服自己〝只是住一晚...只是住一晚...只是住一晚...只是住一晚...只是住一晚...只是住一晚...只是住一晚...只是住一晚...只是住一晚...只是住一晚...只是住一晚...只是住一晚...〞
Pension 建於山邊,下層有兩個家族風呂,晚餐前我們便往樓下探險去。
露天風呂要沿樓梯再往下走,晚上又冷又大風、坐下來洗澡簡直是在荒野一樣。還好水夠熱,浴場又夠大。
這裡主打情侶入住,結果晚餐我們要分開二人一桌來坐。
刺身、沙律
蕃茄咖哩海鮮鍋,出奇地好味
鰈魚 meunière 無論賣相、醬汁及味道完全出乎意料,竟然弄到這樣出色。很難相信是來自這個家庭式廚房,這道魚料理是整晚 #1。
紅酒燒牛肉也不錯,沒有用上甚麼高級牛肉但入口依然鮮嫩。
又有和食的味噌汁、漬物
甜品亦有板有眼,晚餐以 Pension 來說真的不錯。
餐後還有大量糖分脂肪幫助增肥
第二朝六時多又去浸一次,這天卻下起雨來。
另一個家族風呂
簡單的西式早餐,又是老土的同一句、以 Pension 來說真的收貨有餘。
天氣預報全日下雨,前往下一間旅館之前我們先要趕路去吃一頓午餐。

10 則留言:

コーさん 說...

估唔到讚多過彈喎!
呢間我經過兩次,估唔到荒山野嶺真係有人入住?

jokelib 說...

只要當佢係長州渡假屋, 無時無刻記住"只是住一晚....只是住一晚....只是住一晚...."

開頭見 Jalan 無人 book, 點知當日都有唔少情侶入住.

コーさん 說...

我一直唔明,係咪西伊豆無乜景點,夾硬整個恋人岬出來。

記得當年遊完呢度,走咗出土肥住漁師民宿,食食食食食。

jokelib 說...

都唔係吖, 我 N年前去過堂ヶ島, 黄金崎睇日落都幾靚. 可能整個恋人岬等人可以望到富士山.

Niseko2000 說...

真係好有歷史,尤其個廁所,不過最緊要乾淨就得啦

jokelib 說...

好彩我無在房內沖涼, 據聞係頂頭頂手

Hitomi Poon 說...

伊豆2011年地震後幾個月去過一次~
印象中果度好多特色溫泉旅館~果次訓兩晚都好難決擇,不過呢相對真係有長洲feel XD
但晚餐個STYLE又完全同間屋&房不同級數XD

jokelib 說...

成個伊豆半島當然有好多靚旅館, 閑閑地都可以 shortlist 十間八間.

好彩個晚餐正常, 好過一般 Pension, 否則我分分鐘又自動將所有記憶 deleted.

Stone 說...

個廁所.....真係會感覺周身唔聚財, 硬係覺得洗唔乾淨, 可能真係心理作用啦~

jokelib 說...

但係風中懸崖邊沖涼係越沖越凍....

Related Posts Plugin for WordPress, Blogger...