2012年6月4日

極上湯宿﹝二十七﹞旅亭花ゆら

在登別的第二晚,來到另一間旅館「旅亭花ゆら」。

當初要在大型溫泉旅館林立的登別去揀選心儀的住宿,最重要還是取決於旅館的規模。最後看到這裡只有総部屋数 37室,而且夕食的評價也不錯、既可以使用 Jalan 績分、又包含隔天的道南巴士到空港。即使旅館本身沒有豪華的設備、客室亦很普通,我們也決定一試。
雖然這次只是住進最普通的 和室,但空間比想像中大。可惜一如所料,客室的設施已經有點老舊的感覺。
窗外已經刮起大風雪,下面便是露天風呂。
每次來到大浴場,一次也未碰見其他住客。而且浴場洗澡的地面多數也是乾涸的,可想而知當天的入住率何其低。以全館只有 37客室的旅館規模,大浴場的地方也真的有點過大。
室外正刮起大風雪,正好到露天風呂去。
浸過浴後,見雪勢弱了點,在晚餐前我們更到溫泉街走走。

20 則留言:

Manatree 說...

係大型溫泉旅館林立嘅地方,都比你搵到兩間你接受到嘅旅館,真係佩服到五體投地。

而你果間入住率低,可能啲人都去晒大型果啲住?但對你嚟講係一件好事。

jokelib 說...

其實依間都係屬於 Toho Resort Groups, 佢集團在登別有三間溫泉旅館. 如果我講 まほろば相信都無咩人唔識.

當中的 旅亭花ゆら應該係比較少人入住的, 因為你睇佢個價位好似偏高, 未必人人有興趣在食物方面.

natnatchow 說...

lee間夕食評分都幾高下..

jokelib 說...

對, 下一篇就會寫到.

Manatree 說...

都係多得J少有呢種堅持,令到我地呢啲好少會住呢類旅館嘅人,眼界都擴闊咗啲,唔使咁井底之蛙~

jokelib 說...

分享同 show off 在一些人眼中只有一線之差. 不過我已經多次強調, 條界線在讀者手中, 我唔會去騎劫閣下的睇法.

啱傾留言我無任歡迎, 批評意見一樣接受, 只要不是無理取鬧便可.

邊有人明知間舖頭啲野唔啱自己食, 仲日日走去幫櫬. 但係食完又要發癲反枱要求回水.

Manatree 說...

呢個世界真係咩人都有,好彩你唔會因為咁唔寫,講真你介紹嘅旅館,雖然未必人人啱住(個人喜好嘛),但對會住嘅人真係好有參考價值,所以支持你保持風格繼續寫~

jokelib 說...

將 Haters 變化為 motivation, 你無見我近期好努力咩? 連 2010 & 2011 的爛尾北海道遊記都攞番出嚟 K.O.

依個 Blog 有冇人睇我心裡有數的. :P

Manatree 說...

我唯一係有啲意見,就係想睇多啲冬天以外嘅遊記,我諗睇開呢個blog嘅fans應該唔上我一個係咁諗啩~

jokelib 說...

我上年咪已經出奇地完成了夏季的遊記....

無錯我大多數都係集中寫冬季的北海道, 睇得多都會感覺悶. 次次別人的反應都係: 吓?又去呀!

等我整理一下京都, 睇睇有咩好寫.

Manatree 說...

所以我咪話想"睇多啲"囉,因為我都係多數冬天去,所以唔係話睇得多而覺得悶,而係見你一年四季都有機會去到,當然係"恨"睇啦,至於果句"吓?又去呀!"對你固之然啱用,即使我地呢啲一年一度(近年重要無去),都成日比人話 : 吓!你地又去日本?唔悶嘅咩?有時都真係幾無奈,不過會明嘅人始終都會明嘅....

jokelib 說...

更正, 秋季係無得去的, 退休後先有得睇紅葉.

近年亦好少 Christmas 去, 因為嗰段時間啲旅館又 full 又貴.

natnatchow 說...

等你大阪同京都...慢慢啦,我有時間等,最緊要有得睇

Niseko2000 說...

講真, 雖然你寫的旅館大多數都比較貴, 真係唔係人人都啱(e.g 有小朋友的因要比多d), 而且大多數食材我都唔識, 但係呢到可以大開眼界, 所以你仲有咩爛尾遊記就繼續寫啦...BTW, 原來你係Jalan 有留comment, 啱啱昨日發現....

jokelib 說...

natnatchow,
你有時間等, 我無時間寫呢~

Niseko2000,
大路或者大熱的旅館都唔駛我介紹啦, 我都係專攻小型旅館, 但係只限中級的, 再貴啲留番遲啲慢慢挑戰.

我極少在 Jalan 留 feedback, 通常只有唔滿意或者有個 message 想比旅館方面留意, 先會去寫.

Stone 說...

大阪京都我都啱喎....等你^^

jokelib 說...

Stone,
但係我去食的地方唔能夠滿足你的要求... ...

Stone 說...

可以架可以架....^^你知我對大阪京都係接近零認知架啦!!

jokelib 說...

只有吉兆嵐山本店先櫬得起你.
住宿亦只有俵屋+柊家.

閃~

shuibobo 說...

支持J大繼續寫!

Related Posts Plugin for WordPress, Blogger...