2011年8月26日

九州東北﹝九﹞九州最精彩 溫泉旅館 四泊

【四泊、舒適度最高的客室加上設備最好的浴室】

從來沒有想過會這麼快便走訪這裡朝聖,趕緊在它於 10月1日改名前先住一趟。出發前個多星期才更改行程,放棄了住宿南阿蘇、到「白川水源」及「高千穂峡」,將時間全部放在這間聞名已久的旅館。

這天遊走過阿蘇山後,三時前便回來 check-in、誓要好好利用這 21個小時。
佔地 8000坪﹝約 238,000 平方尺﹞、全館共 12間獨立屋。分別為 63平方米的 A Type 及 78平方米的 B Type。我們住進的 A Type 已經非常寬敞。
Custom order 的原創寢具是來自東京銀座 CROSSENSE 家具,緞面布料與羽絨被的舒適度絕對可以令人不願起床。
陽台
浴室亦是我們住過的旅館當中最好的,它並非單純去堆砌一些豪華的設備、或過大的空間。而是以使用者的角度去設計每一樣東西,梳洗、淋浴、泡湯、按摩浴,總會令人不以為意地花掉大部分時間在這裡。
同樣是原創設計的毛巾與浴袍,由今治『七福タオル』製作。採用超微細纖維,除了特別柔軟外、還擁有極佳的吸水性與速乾性。至於能否如他們所說的可以適度除去身體角質的神奇美肌效果,我還沒有時間去驗證。露天風呂唯一的缺點是不適宜在晚間使用,因為森林地區的昆蟲實在多得可怕,或者冬季會比較好一些吧。盡管沒有廣闊的景色,但的確與在森林內的野天風呂感覺沒有兩樣。
夕食方面,可以看到料理長花了不少心思在食客的視覺與味覺﹝氣味﹞享受,去提昇對每一道菜的整體感覺。如果可以在當中的食材運用多下些功夫,加添複雜的味道層次去刺激客人的味雷。從而增加驚喜度,應該可以令人再難忘一些。
朝食的豆腐豆乳是我們吃過最精彩的
雖然這裡的 check-out 時間已經是比平常要晚的 12pm,但待在這裡真的有捨不得離開的感覺。
最後、

如果不是入住當天碰到當地超級富豪,些微影響整體服務質素;

又如果住宿費不是那麼難負擔,可以親民一些;

再如果它的夕食可以進步一點,相信我們還是會再見的。

22 則留言:

Manatree 說...

我成日都覺得呢類旅館唔係(普通)人住,而我亦夠膽講句,呢類旅館99.99%唔會出現係我行程中....,都係睇人住完介紹感覺良好啲。

jokelib 說...

Manatree,

各人追求唔同o者, 正如你鍾意影相, 換機買鏡頭都係一樣無止境的..... 住旅館亦都係一樣, 洗濕咗個頭已經無得返轉頭. 幾年前我都同你一樣心態, 邊有人咁戇居花差不多一張機票的價錢去住一晚。但係慢慢當 1字頭的旅館越住越無特別, 你就會去試吓 2字頭, 跟住試過 3字頭又想再睇吓 4字頭會去到咩境界。

當然我又未有錢到可以次次都去住最豪最貴嗰啲旅館,例如九州我哋都係四晚普通加一晚依間o者。日本就係有太多出名的旅館, 總會令人唔住過唔心息的.

Jackson

Manatree 說...

你都講得啱,咸魚青菜、各有所愛,不過我都要澄清我唔係追機/鏡人haha,我都係夠用就算,同樣地旅館/酒店夠住就算,重有我之前都驚有你嘅心態(試過番唔到轉頭),而且我對住嘅要求唔高,所以唔會住高級嘢,但我又唔覺比幾萬(1人)住宿果啲人係戇居,因為有得揀先至係老板haha。

jokelib 說...

唔係架~ 我比"神"人暗示我戇居, 淨係識乜都極上旅館, 揀旅館無難度喎.... 人哋話要發掘無人識、又超值的住宿先叫高明同埋可以造福全港喎....

(迷之聲:無人識的住宿?你自己開架?)

五千幾円一泊二食的溫泉旅館我都住唔少啦, 好似今次去十和田湖, 仲要連住兩晚添呀.

Jackson

Manatree 說...

呀"神"人初時都唔覺佢有問題,不過愈睇佢啲blog就愈發覺有問題,其實佢寫啲嘢無咩參考價值,但又真係好多fan屎當佢係"神",可能因為咁搞到佢覺得自己責任好大(迷之聲:即係啲fan屎累咗佢?),有時睇啲旅遊blog,都會覺得寫果個係咩心態呢?好似好紅果個"富婆"blog,對我嚟講又係唔吸引,唯一係我覺得佢啲相影得幾靚囉,對我嚟講J少呢類blog起碼睇得舒服(我唔係擦鞋),唔係好似有時我睇番自己啲blog,都會覺得唔掂。

jokelib 說...

以前都 okay 架~ 不過依家走火入魔寫埋晒啲深奧迷幻無人能及的神級後現代主意論文, 只係我未夠 level 去領會個中奧義、先忍痛放棄唔再去追求"真理"咋。

至於你同另一半的 blog 我就睇得明兼有追開, 無乜邊個寫得咁詳細. 同一個旅程, 兩個相人分開寫相輔相成, 一個精要一個慢工出細貨, 夠特別.

話時話, 我都好似未 meet 過你. 人哋睇見以為我哋兩個傻佬做媒互相擦鞋呀, 一陣又比人鬧架喇.

我個 blog 越嚟越無參考價值, 變成為"自我分享"網誌多啲.

Jackson

匿名 說...

咩無參考價值呀! 其實你未發現我個blog前,我已經有睇你個blog,仲偷咗唔少料,希望你唔介意。有時真係好鬼佩服你,你可以好詳細咁介紹房間嘅設計、傢俬擺設、用具及至食物嘅材料、烹調方式及味道都可以好細緻咁敘述出嚟。對我嚟講只係覺得好大呀、好靚呀、好舒服呀、好好味呀,好嘅程度有幾好呢,完全表達唔到囉,我會繼續捧你場架,因為我仲要繼續偷料,hehe...

3J家庭

jokelib 說...

3J家庭, 依家越寫就越比以前寫得少 tips, 因為太多遊記爛尾, 唔可以寫太詳細呢....

其實最有心機咪只有寫三余庵的幾篇食記?食材要花時間去搵資料, 當時真係花唔少時間.

今次都係簡單寫吓, post 相, 唔係又會無咗件事....

多謝你一路以黎捧場~

Jackson

largeheadboy 說...

63 平方米,好大啊!
我都仲未捨得一晚住咁貴~

jokelib 說...

93 平方米的鄙の座我都住過, 不過得個大字都無用. 空間要利用得好並非容易.

PIGGYBREAD 說...

你嘅意思即係話d職員一見個超級富豪就個個走晒去招呼佢而唔理你地其他客??
仲有可唔可以講下呢間野收幾多$$呀?

jokelib 說...

PIGGYBREAD,

1) Yes, 不過唔係唔理, 係照顧 VVIP 先.
2) 可以直接 check 你打算入住日期的價錢:
https://room-reservation.jp/kai-aso/search/search_plan_list.asp

3J 家庭 說...

我book咗依間下個月去住,係咪應該仲得呢?

jokelib 說...

今時今日的匯率去住簡直係超值, 而且佢唔知搞咩依家個定價仲平過幾年前.

客室環境無得輸.

3J 家庭 說...

乜幾年前仲貴咩...
依間暫時係我住過嘅最貴一間
錢已經俾咗喇,因為早割價錢要online payment,仲要係今日book過兩日就過咗數,以為佢只係要嚟做guarantee,宜家想唔住都唔得

不過一個月後室外環境唔知係點,紅葉就應該無哂,變哂禿樹了

jokelib 說...

以前正價四萬中一位.

90日 early bird 先平得嗰 3000yen, 我就唔會比了, 因為 flexibility 仲值錢. 佢有寫到明無得取消.

睇過大部分冬天都有少少雪, 嗰度高原都幾凍.

3J 家庭 說...

我無90日咁多,得45日每人平2,000yen
減咗都接近四萬,算喇俾哂錢等我唔駛心大心細,宜家疊埋心中唔駛再諗

凍就預咗,係驚落雪啫..

jokelib 說...

你比錢嗰日可能係最低位 6.7 都未定.

我曾經見過有落雪架, 唔係仲好咩?

3J 家庭 說...

45日前點會係6.7呢...
算喇可能到下個月去住時又升番上7幾都唔定
除非宜家換定錢到時去俾cash,無理由俾cash嘛

我租架車無要雪軚,落雪咪好麻煩囉...

jokelib 說...

搞乜鬼唔要雪胎, 又唔駛加錢. 九住高原無論你由邊個方向去都唔少得過幾個山喎, 點會唔剔雪胎.....

Anyway, 唔知你係月頭定月尾, 又可能 12月都未開始有雪都未定. 況且九州即使有雪都唔大得去邊.

3J 家庭 說...

9/12去九住
租車時唔醒起高原會有機會落雪,但其他我去嘅地方應該唔會有雪落囉

Anyway, 希望無問題喇

jokelib 說...

咁早, 九州應該都未有雪.

Related Posts Plugin for WordPress, Blogger...