2010年1月29日

極上湯宿﹝一﹞緣起東北冬祭

早在 2009 年頭,我已經草擬好一個 2010 農曆新年的東北雪祭行程。包括「弘前城雪燈籠まつり」、八甲田山看樹冰、「十和田湖冬物語」、到小岩井農場的「岩手雪まつり」、「横手かまくら」、八食センター、乳頭溫泉鄉、銀山温泉、山寺、藏王、会津若松「会津絵ろうそくまつり」、米沢「上杉雪灯篭まつり」、「大内宿雪まつり」等等。期間斷斷續續的修改,最後得出一個 Plan F 的第六版本 13 天行程來。

不過最大問題便出在機票方面,因為一早已經訂不到 AsiaMiles 的機票,只有白白的等待。又因為行程長達 13 天,機票 package 一直要等到 9月才找到 ANA Sky Holiday 的東北 17天 package。可是回程日期偏偏客滿,雖然其餘三程機位確認、也只有繼續苦候。

其實 2009 年尾已經有一個 11天的旅程,所以 2010 農曆新年也不一定會成行。一直到十月頭、變數又再出現。

與網友 Pace 及 Fiona 組隊參加了「全港日本文化常識問答大賽 2009」,幸運地贏了冠軍。結果得到一套日本航空的來回機票,但是有效期只到 2010 年 3月底。可是我們一早已經 confirm 了聖誕節與復活節所有機票,唯獨是農曆新年,於是打算好好利用這張免費機票。奈何即使我努力去避免機票的 blackout dates,其餘日子亦不能確認機位,究竟這是甚麼免費機票呢?﹝當時不知咒罵了日航多少遍﹞

這樣一來再次燃燒我們成行的慾望,始終不想在香港過年。但同時我的假期亦出了問題,不能放肆地再放十多天的長假。直到十月底,當我如火如荼炮製聖誕節北海道的行程;給我看到集中在道東發展的「鶴雅集團」,收購了位於支笏湖的「支笏湖観光ホテル」、並改造成 2009-5-15 OPEN 的「しこつ湖鶴雅リゾートスパ 水の謌」。當我看到它的「露天風呂付レイクビュースイート Lake view suite」便被它深深吸引... ...

可是聖誕節行程的路線已經加插了十勝川溫泉,不可能再到支笏湖住上一晚,否則便要放棄在札幌僅有的兩天。

既然經東京到東北還未確認,於是我們便查詢北海道的 package。怎料 ANA 經關西空港還有機位,可能是晏機去早機返的緣故吧。即時先留位,然後我便花兩天時間火速計劃一個全新行程出來。

20 則留言:

mandy 說...

未有正題呢~~~等行程中...即係你現在無得去東北?!!!!

joeyee 說...

本來我都諗住住呢間, 但係睇JALAN評價吾係咁高, 所以改左住第二間.

nat 說...

我都睇中LEE間

jokelib 說...

Mandy, 繼續睇落去啦~

Joeyee, 哈哈, 最麻煩係佢有普通客室+自助餐, 所以拉低平均分. 於是我就去搵日本人住過之後寫o既遊記, 睇完先得到一點啟示. 我想問你後未住邊一間呢?

Nat, 你 2011 年個 trip?

Niseko2000 說...

咁即是話個懷石料理唔差?不過我真係覺得間房唔差,夠大又有按摩椅,最正都係個露天風呂。你會CNY去住呀?

nat 說...

係呀要等2011呀成功HOLD到去程名古屋掙回程
今年我只去東京+長野乍 ^^

jokelib 說...

Niseko2000, 根據我睇過兩篇日本遊記,都係話個晚餐不及想像中o甘好。我想知道間房唔錯,唔知道張按摩椅係咩牌子呢?

Nat, 你就好啦 hold 到位,今年你係咪復活節去呀?

joeyee 說...

Jackson, 我都有睇日本人寫GE遊記(以我GE經驗, JALAN吾可以盡信^.^), 你住一間旅館最高質素GE房間, 當然應該好"正"啦, 呢個價錢, 我吾敢高攀, 吾係扮謙, 如果搵得倒, 我都好讚成住好D, 好好享受.
如無意外, 我會住翠明閣, 最初諗住平平地住丸駒, 但以佢房間GE質素, 一晚湖邊房要13,000yen, 有得比較就真係......

jokelib 說...

Joeyee, 當然 Jalan feedback/comment 不能盡信啦,有時我直頭會細心去睇o下佢地寫乜o添。

講番水の謌,當初吸引我o既並唔係上面o個間,而係正如你所講最高級o既"露天風呂付特別室"
http://www.mizunouta.com/rooms/presidential.html
不過呢.... 平日每人 50,400yen,我都仲未捨得.....

翠明閣我見佢係最近湖的一間,不過我想入住當晚要 27,000yen。都叫做貴o架喇,當初都有考慮,不過有少少擔心個 dinner,所以都係放棄。

丸駒呢、其實同一日有另外 8位網友會入住。只不過我對於野天風呂興趣不大,亦唔想住對面岸,所以又放棄....

Jackson

nat 說...

我HOLD年初一早機名古屋,果晚等左35MIN算快喇,但回程想札幌直航返..><機會好低la
我3月31出發呀連埋復活節麻..但輕井澤住宿未揀到啦,好鬼難揀,間間都好似麻麻地咁

jokelib 說...

Nat,

直航, 我都好想, 不過 CX 成日都唔肯放位.

麻麻地, o甘不如:
星のや 軽井沢
http://www.hoshinoya.com/

最緊要唔好睇價錢.....

Jackson

nat 說...

我問左價喇 包早4人一房 2萬幾yen ,but 超正咁囉,但巧貴啦只包早

jokelib 說...

Nat,

o甘係你話民宿/Pension 麻麻地,咪整間正o野你去試。Dinner 要另計架~

Jackson

Niseko2000 說...

按摩椅咩牌子? 我就唔係好記得, 聽其他blog 友講昨晚蔡瀾都有介紹呢間, 仲有丸善。

mandy 說...

我平時唔睇電視,昨天汁行李時正好睇到最後15分鐘,我邊睇邊罵...xsan真係幫人賣廣告(拉面),我真係唔太喜歡咁樣,之後去水之哥d女仔又踏晒對腳去人地d石春擺設度,我又罵...同埋xsan講埋d"三文魚有虫"o既理論,邊睇邊媽媽聲...罵到我都忘了仲有乜野睇唔過眼!!!還有,前集的食提子事件,後面是不是有段文字"道歉"呀...唉~xsan讓我無眼睇!

jokelib 說...

因為連 TVB 節目監製都怕佢,所以明知條片出街會有事都唔敢剪..........

lau2tang 說...

你個東北雪祭行程一定唔會晒咗ge~
下年咪可以慳番的時間plan囉~

jokelib 說...

Lau2tang,

果然比你睇穿 !!!

Jackson

Benjamin 說...

好利害, 攞冠軍!!!

jokelib 說...

Benjamin,

實情係全靠隊友利害~

多謝你的連結, 我又可以去睇你個 Yahoo Blog.

Jackson

Related Posts Plugin for WordPress, Blogger...