大風雪已經停止,昨晚的降雪量比想像中低,天色依然昏暗。

這裡的早餐一樣有不錯的水準。




民宿主人還要開動剷泥車剷雪。

這天要一早還車再搭上 09:20發的 JR 快速狩勝往帯広駅。

火車上的暖氣實在太利害,我也要倚在窗邊才能降溫。兩個多小時的車程,窗外的風景亦不錯。﹝當然不能與美瑛作比較﹞



來到「帯広」,還有三個小時才接駁旅館的送迎巴士,當然爭取時間出外吃東西。

最懷念的始終是「六花亭 本店」

不敢吃太飽,只要了 Waffle、紅豆軟雪糕、及 sakusaku pie。



六花亭對面即將開業的 Dormy Inn

來到「吟寿司 金ちゃんの店」門前,心大心細究竟應否給它機會?又怕吃得太飽,於是打算外賣。

怎料『みそ入り牛とろ寿司』只可以堂食,唯有坐下來。店內沒有其他客人,我倆亦只點了一客來嘗試。



怎說好呢?不是不好吃,只是沒有甚麼驚喜。不明白為何 Rickyさん要推介這間小店。

吃飽走到「長崎屋」,我們又在這間大型超市作補給水果、飲料。



時間差不多,便回到帯広駅。經過エスタ西館的『桔梗』,還是要放棄吃豚丼的念頭。


接著便乘車前往「十勝川温泉」,迎接這次旅程的重點『三余庵』。
在三余庵的第一夜

P.S. 由於 Day 5 - Day 7 連續兩日的『三余庵』不能草草交待,詳細食評不日推出。
14 則留言:
haha~你竟然打算停喎~~~會比人拋雞蛋喎~~~~我看了六花亭的那個ice...原來是紅弄來架,我睇來睇去都唔知係乜,lee個是不是一定要上2樓食架...2樓要比service charge喎,我都想摼錢
唔駛 service charge 架~ 又有得坐又有水飲.
保持神秘感嘛, 遲 D 等佢地去完先寫
咁你又話你都摼錢所以在2/f買完落番來1/f坐,難道只為了free coffee...我唔飲coffee,我會學網友一樣只飲奶 hahahaaaaa
傻架...2/13 觀月苑竟收我10500只包早餐!! 我 2/14 book佢都有2餐啦,都係9500...睇怕...我那9500包的2餐一定都會好難食....
但係 1/F 無得坐喎,只有企位。你上去 2/F 食個 sakusaku pie,加杯雪糕都只係 390yen 埋單o者。
因為 2/13 係 Sat 嘛..... 唔優無人住。
haha~~等我仲以為2層都有得坐,只係上面要收service charge添...我睇晒六花亭的野食...好意外,連cake都係百幾二百幾日圓!!住帶廣的人真幸福...平時在百貨公司下面d cake都要成5百幾一件啦!!!我會努力食多d...
2/13係好日!!我只能那樣說~~有個地方近帶廣的,2/14有情人節活動,叫芽x/x芽,我仲想緊去唔去,不過去到一個人又好似怪怪,我覺得我會比人成日叫我幫佢地影相!!
我就無試過 cut cake,因為太平又未必有驚喜。我都見唔少當地人入去真係買塊餅,飲杯免費咖啡就走人。
2/14 芽室「氷灯夜」? 芽室近帶廣,我就無去過喇,只係對佢新美食 Corn 炒飯有興趣o者。
http://memurocorn.web.fc2.com/
Jackson
我見日本人差不多只係買死佢地某2款手信食品,一種係"6成"定叫"8成"2塊飯皮夾住黃黃的cream???另一種就係塊餅四方型有4個(??)漢字 haha~~不過你係六花亭迷應該猜到我說什麼...我今次去都會買回家比家人試試!!!
係呀 就是這個活動!!好似坐4個站仔...你真係對食好敏感~我就麻麻架咋...
問你一個傻問題,我未試過轉機啦,之前問人,人地係講轉機係中間不用取行李,行的方向就係唔好跟大隊去離境果邊,你行去轉機那邊...但係茶會果日佢地講,改左要好似其他人一樣清關取行李,再由頭做過check-in手續...是這樣嗎?
我只係知你講"マルセイバターサンド",亦係每次都會買。
去程就要在羽田國際線取行李,再到 T1 or T2 寄。
如果係搭內陸機當天即日回香港(帯広>羽田>香港),在帯広機場一次過寄晒所有行李,到羽田唔駛 pick up。連到國際線排隊 check-in 都免。
Jackson
咁未次次都唔知個機場點安排囉?!我這次去程係飛成田架,so未必跟羽田一樣lu...
想問一下...是不是風水好過福原好多?!我現在想緊轉住風水
頭先打左去日本航空問...小姐話"只要係從國際線轉國內線,就需要清關/拿行李/再做check-in! 相反從國內線轉國際線,就無需再清關/拿行李/做check-in" 小姐話其實睇張行李貼紙就會知要不要取行李再做check-in喎!!!
少許更正,佢話 "Check-in" 又唔係完全正確,因為如果你無行李寄,轉國內線就乜都唔駛做。在香港已經出晒兩張登機証。
tks for your information!!!!
thanks for the info, what software did you use for the photo wallpaper? very nice!
rc,
Do you mean the title background? I just crop it from one of my photos taken in Biei, no modifications made.
Jackson
發佈留言