2015年5月2日

京都薩摩﹝十二﹞ 京都御三家 炭屋旅館

一直以來也想找個機會入住京都的御三家,這次剛巧又遇上櫻花季節;雖然幾個月前已經嘗試預約,最後亦只有入門級的當中一間有房。這個旅程短暫停留京都一晚,主要也是為了吃、而並非賞櫻。反正旺季的商務旅館亦偏貴,住到三条附近正好鄰近我們想去的地方。
御三家或是「炭屋旅館」的歷史不多說了,入住目的是想証實一下旅館方面的料理及服務質素,對於環境及室內設備一早已經做足心理準備。

Check-in 前經過時順道放低行李,怎料報上姓名後花了超過十分鐘才找到我們的預約......
房間是最普通的和室,沒有庭園景。不過保養得的確不錯,完全沒有過時或任何殘舊感覺。
浴室雖然細,但那個檜風呂的木香及保溫效能極佳。
甚有名氣的庭園,每次經過亦想駐足細看一會。
夕食屈膝在房內,節奏及料理的溫度也算可以接受、沒有受到房間與廚房的距離所影響。
白飯魚、よもぎ豆腐
鯛、イカ、鮪
イカ肉質外爽內Q,トロ亦交足貨。
貝真丈、這裡的出汁當然有水準得多。
燒鰆、始終不能改變這魚的肉質,慶幸魚皮下的油脂發揮起死回生之效。
筍、甘鯛、わかめ,也不錯、筍鮮、甘鯛亦夠滑。
関西風天麩羅,厚身粉漿、欠溫度欠脆口、真的不懂欣賞関西風。
半生蛸、味噌,生熟度佳。
食事、白味噌
水菓子
整體平穩,但又沒有任何一道叫人難忘。

話說夕食期間女將亦有進來用流利英語打招呼,不過要一晚短時間應付近三十租客人,任你如何有熱誠亦會漸漸變成例行公事。再者入住的大多是外國人,寒暄幾句又要急急趕下一場。最爆笑是連續幾句 "Where are you from?" "How long you staying in Japan?" "Where will you go?" 連我們未答完便問定下一句,已經變成機械式對答。起碼我完全感受不到她的心有任何真誠服務態度。
朝食亦不錯,在房內 check out 同時送上抹茶 say goodbye。
老實說如果不是冠上京都御三家之名,這裡的住宿費根本不會吸引到客人入住。不過反正連老外也前仆後繼自動送上門,又何必計算這麼多。

11 則留言:

SamsoNg 說...

係老外眼中, 呢 D 就係佢地想搵既 "Traditional"


jokelib 說...

仲有、女將竟然問我地點解識穿浴衣,可想而知平時的外國住客係幾......

SamsoNg 說...

不折不扣既人形機器..

Unknown 說...

呢個天婦羅令我諗起某兩星名店=o=唔通關西風的都係甘野樣?真係十個唔明...

jokelib 說...

做咩又提我啲傷心事........

Unknown 說...

係邊度跌倒,係邊度爬翻起身嘛^o^

不過上次東京食過一間叫深町的,係東京駅附近,除左book位好煩,佢地成日唔聽電話,d炸物件件都好好味=o=

jokelib 說...

你都識講東京, 咁就唔算啦.

てんぷら深町緊係好啦, 不過我每次排食野都永遠無 quota 比てんぷら.....

Unknown 說...

因為你食個d更好嘛^o^係東京想食的太多,quota再多幾次都唔夠用=o=

jokelib 說...

係老人家唔受得熱氣炸物, 冬天食完好容易病.

lau2tang 說...

老人家!!
睇完我笑咗~~
你每一篇BLOG我都有睇架!
加油~~

jokelib 說...

總之全部係個人主觀意見、不喜隨便插,唔啱睇可以𨍭台,多謝。

Related Posts Plugin for WordPress, Blogger...