2014年7月16日

伊豆秋田﹝三十﹞平成26年豪雪

昨晚已經有留意到新聞,豪雪這天會來到關東一帶,羽田空港亦大早預告下午會停止升降。

打開窗簾,銀座也開始有少量積雪。再上 CX website 查詢航班資料,依然未受影響。
在酒店吃過早點便開始最後買物衝刺。

11:08am @ 銀座二丁目
11:13am @ 銀座三丁目
11:46am @ 銀座三丁目
12:00pm @ 外堀通り
12:04pm @ 有楽町マルイ
12:08pm @ ルミネ 有楽町店
12:50pm @ 有楽町駅
12:53pm @ 東京交通会館
1:06pm @ 有楽町 Muji
回到酒店準備出發去羽田,再 check 一次 CX website 依舊沒有任何通知。於是在雪地上花盡力氣拖行李,走了近 20分鐘才捱到地鐵站。
京急空港線也沒有幾個乘客,因為這時所有國內線已全面停飛。
來到 CX counter 照樣 check-in,我們也懶理那麼多,如常去購物及 Lounge 吃東西。
可恨 First Class Sakura Lounge 在裝修,只有到 Business Class 去。
我一直留意到羽田外面的情況,當時應該已經禁止升降,但 3:52pm 竟然還顯示這個更新來騙人。
又繼續吃吃喝喝,到過了原定起飛時間亦沒有任何公佈,在 Lounge 只有我們這班機的乘客、大家亦開始不耐煩。5:05pm 更改為等消息.....
外面橫風橫雪,已經知道沒有可能會有奇蹟,天氣預報亦說明入夜後天氣只有轉壞,其實大家也只想 CX 能早一點宣佈延遲。

見有咖哩飯吃也預早吃晚餐。
到七時左右才正式宣佈,但我大早已經查看過東京的酒店,當日全部也沒有房,航空公司亦說明不能安排。但最慘痛的是要延遲到明早八時!﹝後來再改為上午九時﹞,無奈只有在機場內渡過。這時亦只有化悲痛為食量,這裡還可以洗澡來殺一點時間。
之後又到免稅店及食店,再吃吃吃夜宵。P.S. 不要問我為何可以一路不停吃.....
DIY 了這晚的〝床〞出來,怎樣也要睡一下。斷斷續續被半夜不停的廣播吵醒了無限次,直到朝早 Lounge 爆滿亦也要被逼清場。
再來一次 shower 及吃早餐,轉眼原來已經要登機,一切又來得太突然。
又是這隻宿命的 777!每次遇到也是瘋狂 delay...... 北国尋虹﹝五十七﹞空港一天遊
其實登了機我們也不再計較何時才起飛,這種環境坐下來也比候機室好上 N 倍。望著窗外慢慢溶化的積雪,難得天氣變得這麼快,不用再逗留可以回港。
結果 10:45am 才起飛,告別這個與別不同的東京,同時亦完結了這趟伊豆秋田東京吃星之旅。

2014伊豆秋田
~完~

21 則留言:

コー 說...

好彩,今次Business Lounge幫你解決了不少麻煩。

jokelib 說...

其實嗰日唔算太多旅客滯留, 即使在出面候機室我見人地都可以霸幾個位瞓低.

當然有 Lounge 真係比較幸運.

Hitomi - 郭太生活及日本遊記 說...

唔係睇新聞+fb有人問我有無影響~
都唔知果幾日原來豪雪中XD

--> 當時正在中部天氣正常中XD


我妹當時在東北就乃晒野XD

jokelib 說...

朋友大阪冇受影響,就連近在成田空港當日CX全部都飛到,整定。

3J 家庭 說...

羽田個business class lounge有咁多嘢食架咩?

jokelib 說...

Sakura lounge 點都有啲野食吓, 不過最尾幾張相 (Udon/茶漬) 係樓下食店的.

3J 家庭 說...

老公話成田、關西嘅lounge係無咩嘢食架..

jokelib 說...

新千歲, 中部咪又係一樣.... 只係普通 Waiting lounge 比杯野飲, 頂多都係飯團.

3J 家庭 說...

福岡都係,最衰老公只可帶一個guest入去

jokelib 說...

如果可以的話, 近年都係揀羽田轉機. 不過有時未必會飛回頭路就真.

3J 家庭 說...

如果換機票我都儘量揀羽田,但係俾錢買的話成田會平D囉..(唔係講LCC)

jokelib 說...

講開成田, 應該係 3年無去過了....

最後一次係 311之後一個月, 我仲記得當時 NEX/Skyliner 停駛, 要搭慢車出東京.

Fai&The City 說...

噢,我未試過因天氣唔好無得飛。但壞機留多晚就試過兩次,航空公司都包食宿。呢個lounge啲嘢食睇落真係好得。

jokelib 說...

如果係平時航空公司都會包酒店, 但幾十年一遇的大雪仲邊會有房, 一早爆晒.

Nerissa 說...

原來我上次delay四粒鐘係小小小兒科:P

jokelib 說...

咁天氣都無得投訴啦, 幾十年一遇都撞正算好彩了.

Unknown 說...

我9級地震, 東京暴風雪, 春之嵐, 北海道打風全部撞正, 邊有人好似我咁好彩, 六合彩又唔中

jokelib 說...

但好似去睇 concert 的 trip 就無事?

Unknown 說...

Touch Wood... 睇CON無出事, 唔係就大鑊, 張飛好X貴, 睇唔到喊都無謂

jokelib 說...

我意思係叫你專心去睇 show, 或者睇多幾個, 咁有嵐照住就唔會遇到春之嵐....

Unknown 說...

咁又係, 通常嵐CON都係五大DOME香港有直航機到,同埋知道自己睇CON行程都唔會安排咁多XDDD 佢地自己已經係嵐啦...真個D嵐都唔敢黎

Related Posts Plugin for WordPress, Blogger...