屋頂有個展望台，不過陰天只可隱約眺望羊碲山。
知道整天會下雨，加上是星期六，積丹藍或橙糞已肯定沒有機會。遲一點離開ニセコ，雨下得越來越大，宿命...
11時來到，人氣店品切已是預期之內。中村屋亦一樣只有北紫供應，但因為兩年前吃過所以想試另一間。
中村屋不用等，人氣店卻要登記排隊。北紫供應同樣少，只能點 いくら、うに丼。其實這星期已吃了太多 いくら、所以另外點了 甘エビ丼。
北紫也算新鮮、比中村屋好，只是要連 いくら吃有點不是味兒。
甜蝦抵吃。
之後再往另一間查詢亦只有北紫，只有放棄。雨亦下得更大，沿海邊這段路完全變成痛苦自駕遊。
想找個地方殺時間、或在車上來個午睡。可惜附近亦沒有合適地方，於是多走 20km 到余市，超人氣海鮮市場排隊由二樓延申到地下。余市仁木町櫻桃今年大造。
神威岬、黃金岬去不成，捱到下午二時，還是先到旅館去。今晚住沒有 toilet/bathroom 和室，浴場亦細小得可憐。在 tatami 上睡了個午覺。
住這裡目標當然又是為了吃。
燒鮑魚最好吃！
但主角還是屬於雲丹！雖然沒有馬糞，但這裡的北紫更出色。二人共有七個、新鮮粒粒分明放久了亦不會溶。每一片亦是超巨大厚肉、稚內/利尻/午餐吃過的全部敗陣。
大滿足，這個旅程亦已經吃夠了。
～ 第七天完 ～
31 則留言:
果然好戲在後頭。＼(^o^)／
今日預咗三四個鐘、可惜全部去唔成，慘情。
竟然在閣下blog中出現呢d細房普通旅館~望唔慣XD
正所謂有圖有真相，唔好比我呃到。靚旅館只係虛浮的一面，好多時我都係平民。
有時住旅館為咗食，住平民少少都無所謂，反正好嘅旅館你都住唔少喇..
3J,
入住目標清晰，有心理準備就 Okay.
其實我夏天好少會入住好旅館，大部分以觀光為主。
同你一樣,上次由中村屋開始揸沿海這段路都係大風大雨,覺得架車吹到震吓震吓.
我已經係第二次.....
呢一刻ge千歲站都橫風橫雨。
差不多全個北海道都受大雨影響。
你又啱啱開始？
我夏天都好少住溫泉旅館，主要唔太喜歡夏天浸溫泉，北海道都還可以接受，上次去鳥取島根都只限一晚，仲要一開始就走出露天，不過真係唔浸得耐，始終春秋冬浸會舒服D
況且夏天比較少做特價，又多人去北海道，更加唔願花錢。倒不如將 budget 放在其他美食。
話時話、今日得 18-19度，凍到呢。
今天剛到。
Lucky! 明天開始𨍭好天
對！太陽高掛。
北海道一落雨就凍好多，上次我响網走知床又係遇著落雨天，得12、13度添，凍到傻
我仲晚晚食西瓜，依幾晚冷氣都唔駛開。
好大雨喎...但係好多人去食海膽,好似度度都要掛隊..
尤其今年產量少、貴咗好多。積丹產每日都要搶食。
佢哋個浴場太細了, 我一家四口去岬の湯浸溫泉. 而個晚餐實在太豐富, 令我至今還很回味呢!
Check in 落雨到 check out
已經完全冇心情出去。
我出發前已經等緊你寫到去晚餐..... ^_^
積丹 …… 上年臨時放棄了，改了去小樽 ，積丹藍沒緣見一眼
如果係巴士的話真係極之唔方便，亦好花時間。
請問呢間食海膽的旅館叫什麼名? 謝
美国應該只得一間有兩星的.
謝謝已找到。想請問個海膽餐係邊個plan? 唔識分，係咪最貴果個就係? 謝謝!
因8月份7号or8号已full. 以你之意見，值唔值得用行程去遷就呢? 响官網又唔見佢有淨晚餐提供。
佢無分的, 總之夏天就一定會有海膽食, 個餐其實以海鮮做主題, 海膽只係一部分. 最貴個 plan 包咗寶樂燒, 即係個燒海鮮.
佢唔係餐廳, 唔對外開放, 要住先有得食. 或者你搵吓另外有冇其他旅館有供應類似的餐, 我記得鱗晃莊都有, 睇過都有海膽. 只係份量少啲, 不過佢又平好多.
美国旅館新裝修後多咗洋室同埋包 toilet 的, 吸引好多, 不過佢地料理真係無咩技巧可言, 全靠食材的. 老實講一星都比多佢, 唔明啲評審係咩原因比兩星.
因為我唔清楚你之前食過咩海膽, 如果有心去食可能要到另外兩間名店先會食到馬糞. 分分鐘好過你改行程去住一晚.
謝意見! 其實已排行程响積丹食赤海膽丼，不過睇你遊記寫到都好缺貨，費事到時去到賣晒，又見你講到美國果間海膽餐咁正，所以想買多個保險保證一定食倒，不過你講到唔值得大調動行程去遷就，咁我就煩少好多了。
另外，你講果兩間名店，唔知係咪中村屋&お食事処 みさき呢? 敬請指教!
今年供應量好難估計，2013年仲少、中村屋連個雙拼飯都取消咗，2014就好D但價錢升到傻咗。我在市場見到美國町產馬糞 100g 去到 6800円！
兩間人氣店只係限量供應，因為咁平比你食、真係蝕比你的。總之避開 weekend, 一早去到就安全。
反正旅館得北紫、無必要改行程了。
明白晒，感謝回覆!
發佈留言