2011年10月12日

九州東北﹝三十四﹞東北最難忘 長岡花火大会 1日目

究竟全國三大花火之一的「長岡花火大会」如何值得我們專程遠道而來、花上高昂的住宿費用、及苦候三個多小時呢?
我只能說相片只可以記錄有限的畫面、反映部分的過程。說到底沒有去感受臨場震撼的花火爆發聲、去體驗整個上空被燦爛的花火包圍、與在場 420,000人一同分享美好的光景,很難會明白當中的一切。

7:30 復興祈願花火「フェニックス」
7:43 10号57発
8:00 超大型ワイドスターマイン
8:15 天地人花火
8:45 超大型ミラクルスターマイン
9:02 米百俵花火・尺玉100発
最後連結一段我最喜歡的天地人花火 @YouTube

2011長岡まつり大花火大会 天地人花火8月2日 by plum1853


2011年長岡まつり大花火大会
来場者数 8月2日 420,000人

42 則留言:

Manatree 說...

雖然淨睇相同片好難完全感受現場氣氛,但感覺已經係好ok,起碼好過十一煙花,尤其是今年感覺特別流...

jokelib 說...

最震撼係花火喺頭頂爆發時的震耳欲聾巨響。

香港太多高樓大廈喇, 而且廣告燈光污染又多.

lau2tang 說...

Jackson,
又到我黎問功課了。
長岡花火係咪最好連睇兩日?
係咪下午二時先至開始畀人入場霸位?
咁右岸好啲定左岸位置較佳呢?
遲咗會唔唔會真係插針都唔入呢?
我訂咗2/8飛羽田,有想過第一天留係東京去sky tree, 第二日先上新潟放低行李,才去長岡,因為訂唔到長岡酒店,頭痛中~

jokelib 說...

第一次去都唔建議, 因為未必人人喜歡. 雖然兩日的重點花火的確有分別, 但代價實在不少, 除非真係有多餘時間.

二時正開始畀人入場霸位, 但係當地居民會朝早 6am 就去霸排隊位.... 我地 2pm 過後入去, 都仲可以搵到兩人位置. 唔駛太擔心, 除非你要最好的位置放腳架影相啦.

我地 3次都係坐近長岡駅嗰邊, 經過我多次參考 YouTube video, 應該係近花火多啲的. 至於咩位置係最好, 遲啲有機會再攞個會場地圖你睇.

好多 area 遲過 5pm 後已經唔比人入去, 因為已經 full 晒, 霸唔到好位就會好似我地第一年去, 只有 side view.... >_<

努力啲試訂長岡酒店, 可以 2/5 做一次先, 3/5 都會容易啲.

lau2tang 說...

明白晒!
果然係我盞明燈。謝謝!
會場地圖,係咪呢張?
http://nagaokamatsuri.com/2011/pdf/kisei4.pdf
長岡真係好少酒店,貴夾無乜得揀,我好大機會會住番新潟。

jokelib 說...

與其東京新潟長岡新潟, 你倒不如上野長岡上野, 反正有 Pass. 嗰兩日都有加班新幹線的.

我覺得咁仲慳時間過你先去新潟酒店 check-in 再返轉頭.

This one:
http://3.bp.blogspot.com/-2rDIIeYiyiQ/TpJu_ubsmrI/AAAAAAAAXys/626o47__NhY/s1600/20110802-154605_TX5DSC05926.jpg

lau2tang 說...

係喎!
無想過可以住上野添~
等我又再度吓先,唔該晒!

jokelib 說...

不過要留意返東京的新幹線 9pm 後都有限, 如果要睇埋 Phoenix 再行到長岡駅、都幾趕的.

而且好大機會滿席.

https://docs.google.com/viewer?url=http%3A%2F%2Fnagaokamatsuri.com%2F2011%2Fpdf%2Fkisei5.pdf

我都係建議試 book Route Inn, 完全無趕車壓力真係好好多, 貴都值得!

lau2tang 說...

睇吓到咗2/5時,訂唔訂到房先~
其實真係唔想同人搶房。

jokelib 說...

唔想搶?咁你不如唔好去其他任何東北夏祭....

lau2tang 說...

有架!
我諗緊放棄秋田立竿祭,慢慢嘆番幾日溫泉酒店先上青森,青森方面暫時就訂咗弘前住宿,如果唔係換機票時揀咗青森機場轉羽田走,我可能連青森都唔去!

jokelib 說...

東北四大祭當中, 秋田竿燈まつり 及 青森ねぶた祭 係我認為絕對不能錯過的祭典. 當中青森ねぶた祭我仲分兩年睇咗三晚~

大熱天時唔駛浸咁多啦.

lau2tang 說...

你咁講,即係我唔睇就係損失啦~
睇黎個行程都係要唔好咁貪心,少去幾度地方。
或者今年暑假唔會熱到爆呢?

jokelib 說...

若果唔去, 為乜要夏天去東北同人逼?

lau2tang 說...

揀東北係因為我真係無乜點玩過呢幾個縣,暑假去無咁凍,無咁早天黑,又因為睇咗你呢個遊記......

jokelib 說...

咁 8月頭去咪就係要同人逼吓, 感受吓夏祭的氣氛~

lau2tang 說...

好鬼想知你係咪談判專家黎?
點解你總會想到說話去令人信服ge? ^b^

jokelib 說...

我係「振興日本經濟非官方大使」及「推動本地生產力及促進社員努力工作聯合會」的主席.

joeyee 說...

哈哈哈哈哈, 頂你吾順!

jokelib 說...

多謝~

lau2tang 說...

哈哈~
我都話你地兩個好搞鬼架啦!

jokelib 說...

同鄉下係咪上下架喇....

幾時搞大食會 or 吹水會記得叫我.

lau2tang 說...

搶房失敗了!
最後兩分鐘先上到個版面,得最後兩間Double Room,要19000Yen,所以,唔想按個掣落去~~ ^___^!!!
另外,原來入了Route Inn Porta Card的會員,可以預先訂房的。

jokelib 說...

吓? 你做咩唔 2/5 練習下先?

我都話咗你見到有 19000 都照 book 先, 再打算嘛!

乜你係 Route Inn member?

lau2tang 說...

我有練習到,仲特登試訂房登記埋個email address添。今朝,我專登入去個網頁係度等,一見十一點,就refresh個版面,想訂房,但一路都出唔到個訂房版面可以畀我加個剔,其實我懷疑佢有一半房間已經一早畀咗Porta Member預先訂咗。因為今朝我見到個網頁有一句話,Porta Member可於2013年x月x日預訂2013年的房間。
19000円住間商務客房,我覺得好唔值,過唔到自己個關,我寧願辛苦的,住新潟好過。

lau2tang 說...

我當然唔係member啦!
我見個網頁話,要有日本住址先可以做member架。

jokelib 說...

有幾多房放出嚟我就唔清楚,不過我第一次都係 book 唔到的,Twin room 直頭連影都見唔到呢.

第一年去我咪覺得貴,但係唔駛趕車,霸完位有地方休息,已經值回票價啦,人地一年得兩日旺季,都要比人賺吓.

所以第二年我就搶晒兩日,都算好彩,住完之後就覺得抵比.你到時行吓就知味道 (長岡駅 <-> 會場).....

lau2tang 說...

我諗住霸完位,走去附近間Jusco坐吓,賴吓時間咁囉~

jokelib 說...

ウオロク長岡店、到時你就會見識到咩叫人山人海的超級市場.....

lau2tang 說...

真係未出發都畀你打沉。^b^
搞搞吓,我有啲想放棄睇花火,專攻東北夏祭,長岡花火就留多一年,等出年同立山黑部同長野一次過。

jokelib 說...

Well.....

http://www.maisiejackson.com/2010/07/blog-post.html

一個星期去晒都得啦, 最多你由南玩到北o羅

lau2tang 說...

你呢個遊記我一早追咗啦。
就係唔想咁趕吖嘛。難得去到東北,想去山寺、想去藏王,想食米沢牛......

jokelib 說...

我 2010 年嗰個係無寫到架喎....

lau2tang 說...

咪追咗你個plan同飲食摘要囉~~

jokelib 說...

好懷念福島もも狩り、不過相信十年內都唔會再去食了.....

米沢牛又真係東北最強的美食, 有 JR Pass 必去.

lau2tang 說...

唔去福島もも狩り,咪改去山梨囉!
山梨的もも咪仲出名過福島!

jokelib 說...

我知、只不過有所感慨。邊會估到 2010 夏天會係最後機會。2011 年去時、福島もも在百貨公司任人試食,寫明測試過,一樣冇日本人去食呢.....

lau2tang 說...

你都叫做去過福島吖!
我連福島係點,都未有機會見就搞成咁!
有生之年都唔知仲可唔可以去一次~

jokelib 說...

咁去都無問題, 上年我咪照食隔離的宮城海產!

五色沼, 大內宿, 花見山, 好多地方都無受影響喎.

lau2tang 說...

我都覺得無問題,但屋企人會畀壓力我囉!
如果我話去福島,實畀人鬧到死都得,一係就瞞住佢地,但咁樣,我驚我再老啲會無晒的牙呀!

jokelib 說...

講輻射, 我去立山黑部, 肯定仲高過福島內陸啦....

lau2tang 說...

有得去日本玩ge話,仲邊理得幅射高唔高吖~
係我啲家人先咁唔理解啫。

Related Posts Plugin for WordPress, Blogger...