我只能說相片只可以記錄有限的畫面、反映部分的過程。說到底沒有去感受臨場震撼的花火爆發聲、去體驗整個上空被燦爛的花火包圍、與在場 420,000人一同分享美好的光景，很難會明白當中的一切。7:30 復興祈願花火「フェニックス」
7:43 １０号５７発
8:00 超大型ワイドスターマイン
8:15 天地人花火
8:45 超大型ミラクルスターマイン
9:02 米百俵花火・尺玉１００発
最後連結一段我最喜歡的天地人花火 @YouTube2011長岡まつり大花火大会 天地人花火8月2日 by plum1853
2011年長岡まつり大花火大会
来場者数 8月2日 420,000人
42 則留言:
雖然淨睇相同片好難完全感受現場氣氛,但感覺已經係好ok,起碼好過十一煙花,尤其是今年感覺特別流...
最震撼係花火喺頭頂爆發時的震耳欲聾巨響。
香港太多高樓大廈喇, 而且廣告燈光污染又多.
Jackson,
又到我黎問功課了。
長岡花火係咪最好連睇兩日?
係咪下午二時先至開始畀人入場霸位?
咁右岸好啲定左岸位置較佳呢?
遲咗會唔唔會真係插針都唔入呢?
我訂咗2/8飛羽田，有想過第一天留係東京去sky tree, 第二日先上新潟放低行李，才去長岡，因為訂唔到長岡酒店，頭痛中~
第一次去都唔建議, 因為未必人人喜歡. 雖然兩日的重點花火的確有分別, 但代價實在不少, 除非真係有多餘時間.
二時正開始畀人入場霸位, 但係當地居民會朝早 6am 就去霸排隊位.... 我地 2pm 過後入去, 都仲可以搵到兩人位置. 唔駛太擔心, 除非你要最好的位置放腳架影相啦.
我地 3次都係坐近長岡駅嗰邊, 經過我多次參考 YouTube video, 應該係近花火多啲的. 至於咩位置係最好, 遲啲有機會再攞個會場地圖你睇.
好多 area 遲過 5pm 後已經唔比人入去, 因為已經 full 晒, 霸唔到好位就會好似我地第一年去, 只有 side view.... >_<
努力啲試訂長岡酒店, 可以 2/5 做一次先, 3/5 都會容易啲.
明白晒！
果然係我盞明燈。謝謝！
會場地圖，係咪呢張?
http://nagaokamatsuri.com/2011/pdf/kisei4.pdf
長岡真係好少酒店，貴夾無乜得揀，我好大機會會住番新潟。
與其東京新潟長岡新潟, 你倒不如上野長岡上野, 反正有 Pass. 嗰兩日都有加班新幹線的.
我覺得咁仲慳時間過你先去新潟酒店 check-in 再返轉頭.
This one:
http://3.bp.blogspot.com/-2rDIIeYiyiQ/TpJu_ubsmrI/AAAAAAAAXys/626o47__NhY/s1600/20110802-154605_TX5DSC05926.jpg
係喎！
無想過可以住上野添~
等我又再度吓先，唔該晒！
不過要留意返東京的新幹線 9pm 後都有限, 如果要睇埋 Phoenix 再行到長岡駅、都幾趕的.
而且好大機會滿席.
https://docs.google.com/viewer?url=http%3A%2F%2Fnagaokamatsuri.com%2F2011%2Fpdf%2Fkisei5.pdf
我都係建議試 book Route Inn, 完全無趕車壓力真係好好多, 貴都值得!
睇吓到咗2/5時，訂唔訂到房先~
其實真係唔想同人搶房。
唔想搶？咁你不如唔好去其他任何東北夏祭....
有架！
我諗緊放棄秋田立竿祭，慢慢嘆番幾日溫泉酒店先上青森，青森方面暫時就訂咗弘前住宿，如果唔係換機票時揀咗青森機場轉羽田走，我可能連青森都唔去！
東北四大祭當中, 秋田竿燈まつり 及 青森ねぶた祭 係我認為絕對不能錯過的祭典. 當中青森ねぶた祭我仲分兩年睇咗三晚~
大熱天時唔駛浸咁多啦.
你咁講，即係我唔睇就係損失啦~
睇黎個行程都係要唔好咁貪心，少去幾度地方。
或者今年暑假唔會熱到爆呢?
若果唔去, 為乜要夏天去東北同人逼?
揀東北係因為我真係無乜點玩過呢幾個縣，暑假去無咁凍，無咁早天黑，又因為睇咗你呢個遊記......
咁 8月頭去咪就係要同人逼吓, 感受吓夏祭的氣氛~
好鬼想知你係咪談判專家黎?
點解你總會想到說話去令人信服ge? ^b^
我係「振興日本經濟非官方大使」及「推動本地生產力及促進社員努力工作聯合會」的主席.
哈哈哈哈哈, 頂你吾順!
多謝~
哈哈~
我都話你地兩個好搞鬼架啦！
同鄉下係咪上下架喇....
幾時搞大食會 or 吹水會記得叫我.
搶房失敗了！
最後兩分鐘先上到個版面，得最後兩間Double Room，要19000Yen，所以，唔想按個掣落去~~ ^___^!!!
另外，原來入了Route Inn Porta Card的會員，可以預先訂房的。
吓? 你做咩唔 2/5 練習下先?
我都話咗你見到有 19000 都照 book 先, 再打算嘛!
乜你係 Route Inn member?
我有練習到，仲特登試訂房登記埋個email address添。今朝，我專登入去個網頁係度等，一見十一點，就refresh個版面，想訂房，但一路都出唔到個訂房版面可以畀我加個剔，其實我懷疑佢有一半房間已經一早畀咗Porta Member預先訂咗。因為今朝我見到個網頁有一句話，Porta Member可於2013年x月x日預訂2013年的房間。
19000円住間商務客房，我覺得好唔值，過唔到自己個關，我寧願辛苦的，住新潟好過。
我當然唔係member啦！
我見個網頁話，要有日本住址先可以做member架。
有幾多房放出嚟我就唔清楚，不過我第一次都係 book 唔到的，Twin room 直頭連影都見唔到呢．
第一年去我咪覺得貴，但係唔駛趕車，霸完位有地方休息，已經值回票價啦，人地一年得兩日旺季，都要比人賺吓．
所以第二年我就搶晒兩日，都算好彩，住完之後就覺得抵比．你到時行吓就知味道 (長岡駅 <-> 會場）.....
我諗住霸完位，走去附近間Jusco坐吓，賴吓時間咁囉~
ウオロク長岡店、到時你就會見識到咩叫人山人海的超級市場.....
真係未出發都畀你打沉。^b^
搞搞吓，我有啲想放棄睇花火，專攻東北夏祭，長岡花火就留多一年，等出年同立山黑部同長野一次過。
Well.....
http://www.maisiejackson.com/2010/07/blog-post.html
一個星期去晒都得啦, 最多你由南玩到北o羅
你呢個遊記我一早追咗啦。
就係唔想咁趕吖嘛。難得去到東北，想去山寺、想去藏王，想食米沢牛......
我 2010 年嗰個係無寫到架喎....
咪追咗你個plan同飲食摘要囉~~
好懷念福島もも狩り、不過相信十年內都唔會再去食了.....
米沢牛又真係東北最強的美食, 有 JR Pass 必去.
唔去福島もも狩り，咪改去山梨囉！
山梨的もも咪仲出名過福島！
我知、只不過有所感慨。邊會估到 2010 夏天會係最後機會。2011 年去時、福島もも在百貨公司任人試食，寫明測試過，一樣冇日本人去食呢.....
你都叫做去過福島吖！
我連福島係點，都未有機會見就搞成咁！
有生之年都唔知仲可唔可以去一次~
咁去都無問題, 上年我咪照食隔離的宮城海產!
五色沼, 大內宿, 花見山, 好多地方都無受影響喎.
我都覺得無問題，但屋企人會畀壓力我囉！
如果我話去福島，實畀人鬧到死都得，一係就瞞住佢地，但咁樣，我驚我再老啲會無晒的牙呀！
講輻射, 我去立山黑部, 肯定仲高過福島內陸啦....
有得去日本玩ge話，仲邊理得幅射高唔高吖~
係我啲家人先咁唔理解啫。
發佈留言