2011年8月24日

九州東北﹝七﹞九州最精彩 溫泉旅館 二泊

【二泊、最經濟而食物又不錯的露天風呂付客室入門版】

之所以稱它為入門版,因為以每位 ¥13800 的價格便可以住到露天風呂付客室。而且這個並非甚麼特價 plan,而是通年的價錢。

這間在 2009年10月才開業的小旅館,全館只有三間客室、全部也是設有客室露天風呂的。因為價格便宜,經常也會長期滿室,入住時更無意中看到它的 7月 booking 是全 Full。旅館可以安排往來由布院駅接送,不過我們自行乘的士從另一間旅館過來。
露天風呂,足夠兩個人同時浸浴。
除了夠新夠平,我們一向重視的食物質素亦不弱。當然以這個價錢定位,別期望會有甚麼昂貴高級食材,可是偏偏它的夕食及朝食也有不錯的水準。
隔天早上的由布岳,吃過豐富的朝食後我們便暫別湯布院。

11 則留言:

匿名 說...

睇你咁講,依間似乎都好唔錯喎,又平又有露天風呂附,食物水準不錯(以你嘅要求),Jalan評分有成4.9,可惜始終都係比較啱兩個人多D囉..

3J家庭

jokelib 說...

3J家庭,

當初只想搵一間有接送, 平平地而食物又 okay 的旅館. 出奇地以佢個價位又真係幾抵住. 除咗無公共空間、大浴場, 我覺得你哋一家人都 okay 喎. 最多阿仔同 Daddy 一齊浸, 大家分時段都得架~

Jackson

Manatree 說...

如果J少都話得啲嘢食OK,對我地呢啲普通人嚟講應該係上品~

jokelib 說...

咪玩啦,我係話以佢依個價錢,食物質素算係好食.並唔係指啲食物係咩上品.

Manatree 說...

我嘅意思係,呢個價錢嘅食物質素過到J少果關,我地要求應該比你低,所以以呢啲食物質素會變成我地嘅上品~

jokelib 說...

熱食係整好先送過黎, 夠新鮮. 起碼天婦羅係啱啱炸好的, 比起一般的部屋食好好多. 

但係你哋喜歡食自助餐, 小品又點夠填兩個黑洞呢... ...

P.S.
走呀 ε=ε=ε=ε=ε=┏( @_@)┛

largeheadboy 說...

咁大個仔都未住過露天風呂付嘅客室
呢間價錢好相宜喎確係~

jokelib 說...

咁就一定要試喇~ 其實好多露天風呂付都唔一定好貴.

匿名 說...

不過我總是覺得依種風呂始終係啱夫婦或情侶浸,兩個男人(我個仔唔係細路,成個男人咁)感覺怪怪,响大浴場又唔同,雖然有時可能都只係得佢兩個人,但空間會大D,等將來有機會兩個人去時再考慮,thanks.

3J家庭

niseko2000 說...

真係好抵呀, 有機會去湯布院要試呢間, 呢個價錢有私人露天風呂真係好正.....

jokelib 說...

niseko2000, 我見隔離都係一家四口, 即係夠大放四張布団啦~

抵還抵, 可能你哋鍾意其他旅館, 由布院實在有太多選擇.

Related Posts Plugin for WordPress, Blogger...