2010年5月7日

四国山陽﹝十九﹞うずしお汽船 觀潮船

離開渦の道後我們便走回停車場取車,趕往即興加插的行程 ─ 乘船近距離觀看漩渦。

鳴門大橋附近分別有兩間船公司提供定期遊覽船航線,分別是「鳴門観光汽船」及「うずしお汽船」。雖然出發前我們並沒有打算乘搭,不過也做足資料搜集。「鳴門観光汽船」使用大型観潮船,亦即是我們從孫埼灯台看到的那一艘。
相對「うずしお汽船」使用細小的高速船,可以近距離駛近漩渦。當然我們在渦の道觀看時亦能了解那一間公司的觀潮船比較吸引。

幾分鐘車程來到鳴門公園亀浦漁港,亦即是「うずしお汽船」的乘船地方。
還可以趕得及 12時出發的一班船,買過船票便即時到登船口排隊,希望可以找到好位置。
我們堅守船尾正中央的位置,因為那便可以看到左右兩旁及船尾的海面。高速船只要短短的三分鐘,便駛到鳴門大橋的底下。
船長熟練的駕駛技術,將船尾靠向最多漩渦產生的位置。大家左顧右盼,只見潮湧卻不見漩渦。
不過稍候一會,漩渦便在幾公尺外的海面浮現。
近距離觀看漩渦當然比 45米上空的渦之道來得震撼。而且角度不一樣,可以清楚看到漩渦的中心。
而原來漩渦是會走動的,不時從我們的左邊走過右邊,鏡頭要追著它拍照也不易。連環圖:
大鳴門橋 + 漩渦
剛才的渦之道,可以見到其他遊客的身影
南北流潮汐的變化,令到海面波濤洶湧。
大約過了十五分鐘便啟程回航,也是時候走入船艙休息一會。
鳴門海峽的風力有多強?看到這些大型風力發電機組便可以估計。
半小時的觀潮船飛快便結束,親身體驗過便明白、假如沒有乘坐絕對是損失!

23 則留言:

Manatree 說...

近距離睇震撼好多~

jokelib 說...

Yes, 所以缺一不可。之前睇人地遊記仲話搭船太近會睇唔到,可能只係唔o岩季節時間。

Niskeo2000 說...

真係好震揻, 我想會暈浪的人一定唔可以坐呢類船, right?

jokelib 說...

又唔係好搖喎,即使架船好細、不過都唔覺暈。我認為潮汐同海浪唔同啦,漩渦又唔會話吸o左隻船入水

Ellen老師 說...

坐船好似好睇好多喎!

jokelib 說...

老師, 我地原本無打算坐. 因為曾經睇過其他網友寫, 坐船係乜都睇唔到的.

不過在渦之道時見到 うずしお汽船 隻船仔不斷駛向漩渦, 應該都值得睇, 所以先加插去坐船.

joeyee 說...

精彩, 這次係我第一次睇關於鳴門的遊記有想去看看的感覺.

jokelib 說...

joeyee, 那麼一定要春分或者秋分時節先好去, 免得失望呢!

kitty2002 說...

還打算唔去,但又驚後悔!要親身試下

jokelib 說...

都要睇吓你去時係咩日子, 最好 check 清楚先. 一定要日期時間夾得好先去.

PIGGYBREAD 說...

師兄,如果時間上只可二選一,你覺得乘船還是在渦之道上看較好?

jokelib 說...

點答到你呀... 渦之道上時間容易控制, 而且可以睇多啲. 但係搭船就可以好近距離見到漩渦走動, 不過就要夾航班時間.

都係嗰句: 睇吓你去時係咩日子,初幾呢?

PIGGYBREAD 說...

十月頭...
你呢個四國山陽遊爛尾,真令人失望(笑)

jokelib 說...

唔係,係要留意去當日係初幾.只有初一十五滿月,啲漩渦先最明顯,平時只有啲”浪”.

え?你個油燈之宿遊記呢?

PIGGYBREAD 說...

我不嬲所有遊記都爛尾啦...
十六,都應該睇到dd掛??
話時話成日要打驗証好鬼煩!!

jokelib 說...

好喎!如果你係秋分去、好大機會大潮,搭船啦。

因為近期太多 spam, 逼不得先加,見諒。

由莉詩 說...

如果我剛剛去個日係中潮,仲要10:10 先係滿潮的話, 即係係咪前後1個半小時, 都最大機會睇到呢?

jokelib 說...

由莉詩,

睇我地農曆可靠啲. 中潮好可能去到只見到白頭浪, 要有心理準備.

Jackson

由莉詩 說...

謝謝你 ! 咁我可能淨係去渦之道行下算lu, 吾去遊船河.

jokelib 說...

最好就先上渦之道,當你望到認為有料到,先落去碼頭搭船.反正佢個滿潮 window 都好耐,我當日都係咁.

小貝 說...

我也打算去坐呢... ^_^

小貝 說...

我上星期去左睇, 真的很正.....

jokelib 說...

咁就好~
只要夾到大潮去就正.

Related Posts Plugin for WordPress, Blogger...