2017年10月23日

北陸中部﹝四﹞Day 4:輪島 ⇒ 珠洲

這天不用趕路,早上可以慢慢吃個早餐才出發。



來到輪島,怎樣也要去行一下朝市。雖然都知道這些〝名勝〞伏味甚濃,但冬季在街上營業的攤檔又確實欠缺吸引力。還好兩旁商店有不少輪島塗珍品,看到不少寶物。

來回行了一遍,只有少許收鑊。物資也沒有補給過,便離開輪島。

白天再來到白米千枚田

時間多的是、於是便下去梯田行一圈

一直走到海邊,這時剛好有片藍天陪襯一下。當然回頭要上去停車場便知味道了.....

逗留了一個小時,其實這時已經是午飯時間,可惜離開『道の駅千枚田ポケットパーク』時大家還未覺悟.....

經過『窓岩』、根據我們手上的資料沿途應該還有幾處地方有食店。不過可能是星期日,不是休息便是不做生意..... 結果一直來到能登半島最北端的『道の駅狼煙』,沿途連任何商店也看不到。

以為道の駅怎樣也有一點東西可買來吃,在已經沒有選擇餘地當中,竟然也沒有甚麼可吃..... 只有可憐的 mini donut......

街上還有甚麼?不遠處還有一間昭和年代的民芸茶屋。

當時在 Facebook post 了這張〝有圖有真相〞出來,竟然沒有人相信。其實我又不覺得是甚麼一回事,現實世界更懷舊的地方我也光顧過不少。

更不用說那時差不多是絕望之際還有這間食店可以吃到熱食,要值得感恩才對。

專程來到這裡,當然是為了 K.O. 這間講了十年還未入住的旅館。

先在停車場的空中展望台 スカイバード 玩一下

聖域の岬 青の洞窟

來到這裡又沒有雪又欠缺藍天,完全感受不到有甚麼特別可言。論絕景秘景真是隨意可數出十間旅館更勝這處。

有風呂付的客室價格離地,我們全部只選了最平一類和室。

先去浸一下貸切風呂,將全部窗推開、吹吹海風感覺不錯。

男湯的露天風呂差不多是全開放式,女湯便有個洞穴包起來。

入黑前還徒步上回去展望台,為的只是一張夜景照。

之前收到探子回報的小道消息,要做足心理準備才好去吃晚餐。當日食運已經跌到谷底,大家也欣然去面對挑戰。

開頭的前菜碗物還出奇地對版,刺身也比預期好得多了。

因為不肯定昨天在市場會否吃到加能蟹,這裡在預約時又可以追加,便訂了來試。鑒於只訂了細隻的,甜度當然有所不及。最大問題是吃活蟹是要與時間競賽的,稍為放涼了水份鮮味便流失,這裡的溫度便有所不及。

如果不計追加的加能蟹,夕食份量好像有點少,之後的幾道也是小小一口似的。

又不是這麼差,或多或少可能是午餐吃了平民飯堂餓壞了也不定。

物資短缺,是夜便要配給一下。但豚友各人心中已開始燃燒起復仇的決心... .... 我也在睡前多找幾處補給站好讓他們明天能夠有機會發洩一下。

~第四天完~

11 則留言:

3J 家庭 說...

我食到海鮮丼喎...
不過冬天可能真係差D
探子? 我?
住過還咗心願咪算囉...

jokelib 說...

輪島都有野食,係唔知道一離開了連便利店都再見唔到一間。

你經常都比貼士我架啦,打定針好啲。

其實有啲旅館 miss 咗個 moment都唔應該勉強,無幸福。

3J 家庭 說...

咁啱我早你一步住先啫...

十年前對各方面要求都唔同嘅,當你住過D更好的,便會比較

我個人較硬頸,想要去要做要得到嘅都會儘量去滿足自己,可能最終會失望,但唔試過係唔死心囉...
仲記唔記得我嗰金句"明知搵笨都要做一次蠢人"哈哈!

jokelib 說...

時代唔同, 住宿費都其次, 最大成本係交通時間.
堅持還堅持, 有啲卡係要放棄打的......

Niseko2000 說...

J少, 你要求越黎越高, 好難合你心意.....
呢間風呂幾好呀.....

3J 家庭 說...

我唔似你哋,基本上甚少會為咗旅館或者食而去某個地方,通常係plan咗行程先去搵,上次都係去開北陸先去住
始終我宜家去旅行目的都係以睇景為先,無論係咩季節

jokelib 說...

可能講得唔清楚, 住依度就唔會期望有咩靚房呀靚設備之類, 食得飽就 okay. 只係天氣唔好, 又唔覺佢位置好特別, 只係隔涉, 起在海邊咁. 個 view 又不是特別靚, 唯一好係有個全露天風呂.

3J 家庭 說...

我好奇想知係得你一個人有咁嘅感覺抑或全團人都覺得係呢?

jokelib 說...

灰色又無雪, 大家意見也差不多.

Fai&The City 說...

哎吔。你哋都咁講,我要認真考慮係咪去幫襯先得。但個景真係無得彈。

jokelib 說...

我唔好彩唔代表你一樣喎,你 Google 一下,個個讚不絕口....

但係個景,其實有咩特別呢?

Related Posts Plugin for WordPress, Blogger...