2015年4月17日

京都薩摩﹝七﹞ Day 7 簡報:鹿児島 ⇒ 指宿

酒店包半自助早餐,見到有豚丼當然不會錯過,即點即烤一大碗吃得飽飽。


是日行程會南下到指宿住一晚,早上天氣預報全日下雨,所以吃過早餐便先在天文館附近走走。那裡有歷史悠久的山形屋老舗百貨店,巡例也去八卦一下。薩摩錫器十分獨特,另外無底再開了孔的酒杯實在有趣。

之後在平民店看到超平的草苺,買了一些後便回酒店 check out 駕車出發。


沿途雨越下越大,知道觀光行程可以放棄了。經過一間 Daiei 超市便衝入去殺時間,甚麼?あまおう DX 398円 ?! 水尾質素低一些、定價也太平了吧,一於溝貨。


通常時間鬆動,每每經過道の駅也會停一停。在『道の駅 喜入』見到有當地產的 紅はるか,另外有售賣烤熟的、也買一個來試試。不過糖化度始終也不及安納芋,所以吃過便算。


下一個『道の駅 いぶすき』人更多,裡頭的新鮮蔬果更吸引。指宿產的超巨大蠶豆、長崎鼻的 Passion fruit,又平又靚。


這裡更有限定味道的 soft cream,也是必吃之選。不過怎麼說來到指宿雨停了,更有少許藍天陽光。於是也決定繼續去那兩個景點。


上年去過 JR最北端的稚内駅,今年來到最南端的西大山駅。不過「開聞岳」被厚雲遮蓋,可惜。


最後去長崎鼻燈塔,龍宮神社這邊有藍天、但開聞岳始終不肯露面。匆匆到此一遊後也要趕去旅館。


旅館距離市中心不遠,只是其獨特位置有點與世界隔絕感覺,服務方面亦很用心。


旅館佔地廣,設有不同風格的客室。選了離母屋最遠的薩摩 Villa,起初還擔心南國風格有點似去了東南亞。


但正正是貪這裡除了平常的温泉之外,更有一個使用温泉水的暖水泳池。


整個花園比預期大得多,全開揚的環境、遠眺鹿児島湾。置身其中的確可以放鬆下來,這個 bonus 的藍天下午實在難得。要是下雨的話根本不能好好享受。


夕食原先也知道很普通,但竟然是出奇地差,填飽肚皮快快忘記便算了。


雖然還未到夏天,但入夜後已經出現大量不知名昆蟲。趁天色還未轉差拍了一些月光,更幸運地看到少許星星,之後雨便滴滴答答下個不停了。


第七天完~

12 則留言:

lau2tang 說...

我未食過安納芋,但食過暫時我認為最好吃的鳴門金時,濃甜無渣,好吃。
呢間旅館,除了個景,其他的我覺得都唔係好啱你個style。

Stone 說...

睇樣都真係好唔得~

gio 說...

一個人食咁多草莓...

jokelib 說...

lau2tang,
鳴門金時都 okay 啦, 可能我未食到當造的, 糖化感覺唔明顯. 相反安納芋真係可以烤到半透明架.

咪就係得個 backyard 吸引, 真係好好 feel.

Stone,
啲飯呃我唔到, 應該係電飯煲煮完放落去的.

Gio,
兩個人食架.

CK鼠 說...

半自助早餐居然有即烤豚丼,好正o者!
士多啤梨食得咁刁鑽,要開邊食 ?

jokelib 說...

我都唔知道點解鹿児島會有豚丼做早餐架, 可能多人食黑豚.

切咗方便食嘛.

Unknown 說...

呢個晚餐真係唔太吸引,其實我好耐沒到過九州,睇你的相大部份九州旅館d食材都好似普普...

jokelib 說...

又唔係架,由布院水準都唔錯架。其他地方,要搵當地高級食材補上。九州同東北都係麻煩啲。

M 說...

突然先諗起,如果下雨,個溫泉水池咪變左做雨水池

jokelib 說...

全中, 當晚即刻落咗場大雨, 之後都無再用過.

M 說...

偷偷講你知,我唔中意露天風呂,至怕係同昆蟲一齊「你看著我我看著你~♪」,哈哈哈!

jokelib 說...

夏天森林特別恐怖, 係飛埋嚟陪你浸....

Related Posts Plugin for WordPress, Blogger...