( ̄▽ ̄)ノ 新加入: 精華 - 追星見學

2014年2月22日

伊豆秋田﹝三﹞先睹為快②來自伊豆的名宿

這次到伊豆的目的完全是為了去拜訪幾間心儀的旅館,當大家有了期望自然會有落差的機會。但既然花了不低的成本、這也是無可厚非吧。時間及預算有限,並不能全部入住、唯有想辦法去參觀朝聖一下。

源泉と離れのお宿 月

静岡県伊東市富戸にある温泉旅館

全館只有三棟兩層的 離れ・メゾネット,剛好配合我們入住。景觀不俗、服務也到位貼心,只可惜自家源泉的溫度過低,入住當日又比較冷,有點不是味兒。旅館方面的設施亦有老化失修的現象,理應好好翻新一下。始終它的定位及價格屬於高級水平,希望不會一路退步下去。

ペンション マリンメイツ

西伊豆恋人岬

西伊豆大家當然也想入住『富岳群青』,但以每位六萬的入場券又實在有點過分。於是來個天堂地獄去挑戰 Pension,全館最可取的應該是那個貸切風呂。最有趣的是此 Pension 主打一對對 sweet sweet 客人,於是晚餐及早餐也強制安排我們分開一對對坐,製造談心時間增進感情。(・_・)❤(-_-)

強羅花壇﹝參觀﹞

神奈川県足柄下郡箱根町強羅

花了近四個小時車程,不惜翻過又霧又雨的山路,專程也要來吃個懐石料理午餐及順道滔一點光。不過花壇走的路線似乎也與我們格格不入,至少我還未去到那個層次。

伊豆 オーベルジュ 高級旅館 arcana izu

静岡県伊豆市 湯ヶ島

隱藏在中伊豆的 Auberge,經常也在大家的住宿 wish list 頭兩位,對它引以為傲的夕食更是期待已久。最後當然又是一個〝期望越高失望越大〞的 deja vu,始終也難逃這個宿命。可能舌頭早幾天在東京已被寵壞了,但現在回想、那個近兩萬円的晚餐又真的不應如此平淡。至於好的方面,服務及設施也算有水準;設備並沒有走奓華路線,而是溶入環境的舒適簡約。餐廳在早午晚也能帶給我們不同的氣氛,可以好好享受用餐時間。


熱海 ふふ﹝入浴﹞

熱海温泉旅館

熱海 ふふ這間也在原先的 shortlisted 當中,但考慮到欠缺景觀及 C/P 值不高、所以也放棄了。這天過來浸浴順道參觀一下環境,卻原來旅館竟然位於熱海的住宅區。但當你走入旅館之後便好像通過隨意門一樣,轉眼已截然不同,感覺像是到了一個溫泉區。

ATAMI 海峯楼

静岡県熱海市春日町

伊豆之旅的高潮絕對屬於最後一晚入住的海峯楼。雖然我在網絡上已經看過不少日本人的宿泊紀錄及大量相片,難得的是這次能夠親身走遍旅館的每個角落﹝當然限於住客範圍﹞,隈研吾的 Water Balcony 更是看得如癡如醉。
這次我倆住到樓下的普通洋室『尚山』。特此鳴謝各豚友開放他們的房間給我參觀拍照,同一天看到不同客室實在大開眼界。
尤其是 Luxury Suite『誠波』的海天一色實在叫人難忘。

24 則留言:

小肥 說...

好。。。誇!! ^.^ 上唔到車 :P

Jackson 說...

小肥, 我都係靠挽車邊的.... =_=;

Katie 說...

嘩!海峰樓果然超正,好想住啊!

Jackson 說...

Katie, 咁就要 book 誠波了, 否則無得去 Water Balcony 食飯.

CK鼠 說...

簡直令我大開眼界!尤其是海峰樓,但是否仍有秋田的秘景茅屋未出?

Jackson 說...

CK鼠, 依篇叫做"來自伊豆的名宿", 秋田等下一篇啦哈哈~~~ 相片有待整理.

3J 家庭 說...

原本嚟近5月都有打算住一晚伊豆,可惜富士五湖周邊太多景點要去,唔夠時間去伊豆
我都係對海峰樓最感興趣,除咗住誠波可以去Water Balcony食飯外,食事內容同其他客房有無分別,唔响嗰處食飯,又可唔可以行過去參觀呢...

CK鼠 說...

我對秋田有興趣O的嘛,所以比較心急,睇下有冇機會試試 :P

Jackson 說...

3J, 個人意見, 集中在富士五湖, 頂多去箱根住靚旅館. 無理由要山長水遠過伊豆住一晚.

兩間 Luxury Suite 的夕食會有少少唔同, 當時我地都有加錢 upgrade dinner.

Water Balcony 除咗食飯時間以外都會開放比住客參觀.

Jackson 說...

CK鼠,

可能會令你失望, 在秋田唔係咩秘景, 只係一間旅館.... >_<

Katie 說...

誠波價位太貴啦,哈哈^o^我都開始諗緊7月個trip住邊,都有諗海峰樓or諧暢樓,其實想住富岳群青,不過out budget la=o=
又真係估唔到izu個夕食會普通wor,畢竟佢咁出名

Jackson 說...

Katie,

咁緊係諧暢樓啦!佢啲評分高到震,我都想去見識一下.
如果你去開,唔該住埋新開的悠湯里庵,早排 JPTIME 都有去拍,好似幾吸引.

arcana 只係我個人感受,個別例子並不能代表事實之全部,你都係要去住過先得.

Niseko2000 說...

Water Balcony 好吸引, 之前係FB見到已經另我大開眼界.......

Jackson 說...

在 Water Balcony 食晚飯同早餐都幾好 feel 架~

Katie 說...

哈哈個邊沒乜野玩,住一晚食埋水澤烏冬夠晒lu,等你快d去住完再放毒!

諧暢樓我都係比d評分吸引想住下,而且我住過福一覺得ok,所以想試下諧暢樓呢個別館^o^真係要講一句想住的旅館太多而銀根又太少...

jokelib 說...

水沢うどん 都唔錯的, 大部分都係用山水整.

唔知點解関東嗰邊我都未有咩動力去, 雖則都係唔錯的旅館, 可能未有美食吸引到我.

旅館開的速度密過我去日本, 永遠都追唔完.

TwinSister 說...

熱海的海峰樓間酒店好靚, 尤其個Water Balcony 及房間設計日本少有的, 有D泰feel. 另外, 我的blogspot已搬遷完成及私友化, 現誠意邀請你加入成為好友, 只要你用gmail發電郵到我的queeniesks@gmail.com , 我便可以發邀請函給你接納.

jokelib 說...

TwinSister,

其實隈研吾的風格都好類似, 不過在海峯樓就集中用玻璃及水依兩種元素。

匿名 說...

2月尾想去東伊豆, 之後順便睇埋河津櫻, 有冇推介溫泉酒店呀? ^ ^ thanksss! mi

jokelib 說...

Hi Mi,

東伊豆太多選擇了, 睇你想住海邊吖, 和食洋食吖, modern 定 traditional.

匿名 說...

就係好多好難揀...問你最好喇.
UM....和食吖, modern吖, 最主要有私人風呂係房, OR 貸切風呂都得!! HAHA...唔該你...mi

jokelib 說...

如果係東伊豆唔係伊東, 我地曾經有考慮過 御宿 風月無辺. 貪佢係 2012年12月開, 有海景, 全客室露天風呂付.

佢最得意有 golf cart 同 monorail 搭, 房係簡約 modern 不過無乜特別設計可言.

食物方面就唔清楚了, 我記得價位都算幾平的.

當然我無住過, 以上都係睇各大 website 估的, 參考一下好了. 旅館依樣野真係各人喜好不同.

匿名 說...

仲有冇多一間揀下? :P

jokelib 說...

中伊豆 雲風々 料理應該好啲, 但無 view.

錢多的話西伊豆 富岳群青

Related Posts Plugin for WordPress, Blogger...