( ̄▽ ̄)ノ 新加入: 精華 - 追星見學

2014年2月20日

伊豆秋田﹝二﹞先睹為快①來自東京的星星

東京雖然只是這次旅程的一個中轉站,盡管逗留的時間不多,但花在餐廳的時間卻比預期長了許多。一頓午餐花掉三個小時,晚餐更是吃它四至五個小時亦在所不惜。為了虛榮的星星美食,千方百計去預約、不論時間機會成本去吃、耗盡積蓄亦要去挑戰以下那些仰慕已久的名店。

*** 新日本料理 龍吟

到步第一晚便來拜會 山本征治的『龍吟』,上年在香港已經試過其大弟子的『天空龍吟』。當然本店的菜色無論技巧及精緻度也更勝一疇,況且食材更是香港無法可比的。從傳統的日本料理演變出來的風格,喜歡與否絕對是個人口味問題。說到底餐廳的定價只能反映它對自家出品的信心,這一類食店已經不是取決於成本或利潤的計算,所以很難用是否〝物有所值〞去衡量。精彩之處還是要自己親身去體驗。

** イノベーティブ Narisawa

一向喜歡新派料理的我倆當然也要來朝聖一下。因為主廚 成澤由浩想食客能夠吃到他認為最出色的 Signature dish,從 2013年開始更大膽地將午餐的菜單改為與晚餐近乎一樣的 Tasting menu。好些菜色的製作方法及賣相絕對是自成一格,我相信第一次來而又從未在網上看過其他人介紹的話一定會驚喜連連。這一餐吃得滿足,但假如有機會再來、那幾道 Signature 同樣不變的話,評價又會如何。

*** 現代風フランス料理 カンテサンス

多得豚友的努力才有機會吃到這一餐,更難得的是附設「拍照許可」金牌,否則以我的退化記憶肯定已經將當晚的菜色忘掉。雖然不是每一道菜入口也帶來驚嘆的味覺衝擊,但有好幾道菜的食材組合叫人意想不到。豈止從未聽聞、就連想也沒有想過。這些當然全是 chef 岸田周三的功力,實在是不可多得的法國菜奇才。

*** 日本料理 石かわ

最後回歸傳統,吃到能夠發揮當造食材最美好一面的日本料理,看似平凡但卻吃到其細膩之處。這裡無論服務、以致整個會席的時間流程控制,縱使坐到個室的我倆亦只能由衷佩服,任何細節之處也是完美無暇的頂級水平。唯一有少許失望的便是菜單比較短,不過食事的一鍋白米飯實在太精彩了、回味無窮。

18 則留言:

3J 家庭 說...

正! 雖然我的飲食方面還未到依個層次,味蕾亦未必懂得欣賞,但睇咗你D相及文字介紹,已經眼界大開

Jackson 說...

毒癮只會愈陷愈深,同住旅館一樣,只係遲早問題..... >_<

3J 家庭 說...

絕對認同,所以近幾年我對旅館的要求亦逐漸提高,已經開始感覺到好難番轉頭,主要多得你嘅好介紹,哈哈...

Niseko2000 說...

嘩, 我都係未識欣賞, 最主要係無$$去欣賞, 第二無時間去欣賞, 食過lunch要3個鐘....>_<

Jackson 說...

3J, 我會繼續散播病毒,大家努力工作搵旅費吧~

Niseko2000, 唔駛識架, 放入口咪得, 每個人對食物的感覺都唔同. 午餐 3hrs 差不多啦, 好多都最少要 2hrs.

Niseko2000 說...

我想睇旅館, 無得去都等我羨慕吓.

Jackson 說...

Book 就有得去架喇~

joeyee 說...

你個前言洗吾洗咁誇呀!!!!

Jackson 說...

時間? 真係食咗咁耐架.

小肥 說...

頂唔住,要揾張行程望多次。。。中毒中 ^.^" 爆

Jackson 說...

小肥, 你都快啲放流冰相毒吓大家~

Katie 說...

呢d星星餐廳除了銀兩,book位都係大問題=o=

Jackson 說...

Katie, 依個問題煩過 book 旅館 100倍.

CK鼠 說...

Narisawa 的食物佈局十足十盤景咁靚

Jackson 說...

CK鼠, 老實說他的午餐價位也並非高不可攀, 兌回港幣絕對超值, 下次到東京可以考慮一下.

Katie 說...

絕對認同!尤其太多人book位之後no show,令到更多餐廳唔想做我地booking=o=
Quintessence見你寫到好ok,我3月trip都係失敗,不過我會繼續努力,7月trip再book過!

Jackson 說...

Katie, 哈哈~ 啱唔啱食真係睇運氣, 小心期望越大失望越大.

kaykay 說...

好毒呀,正到爆!

Related Posts Plugin for WordPress, Blogger...