2013年4月13日

伊勢志摩﹝三﹞住

除了在名古屋及空港住進的商務酒店,這次精挑細選的六間旅館也各有特色。編排行程時除了要考慮到移動路線之外,亦有顧慮到住宿感覺的高低起伏。慶幸結果亦是預計之內,兩間最出色的旅館各有令人再次前往的吸引力。雖然其餘旅館或者會給比下去,但要是來個比較去選出每一項的最佳,六間也各有各自優勝之處。
旅程中遇到天陰甚至大雨,每天也希望天氣預告是錯誤的。還好到尾段的幾天放晴,總算有點運氣。

旅館之一
原先計劃來個連泊但最後又放棄了。各方面也表現出色,客室的舒適度及景觀也是全程數一數二,服務水平無可挑剔。唯一的敗北便是泉水是循環消毒過濾,大大減低浸浴意欲。
旅館之二
景觀不算出色,翻新過的別邸依舊看到歷史痕跡。大浴場的露天風呂不錯,食物亦比預期出色得多,尤其是這裡豪邁地提供伊勢海老及當造的鯛魚。
旅館之三
天涯海角的人氣高級旅館,每處也氣派十足。環境、設備、用料,各方面也可感受到它的奢華。只可惜夕食有點美中不足,但如此有個性的旅館實在值得再訪。
旅館之四
建在島上的海邊旅館,出入也要乘船。這裡的料理混合中西煮法,又是另一種風味。
旅館之五
驚喜連連的旅館,擁有叫人讚嘆不絕的貸切風呂及超豪華 Lounge。夕食也是全程最滿意的,食材質素亦勝過其他旅館。再訪意欲極高。
旅館之六
在鳥羽只想找一處舒適的酒店,實際又比想像中好得多。朝食雖然是 buffet 但又非常合口味,性價比超高的大型酒店。
總結來說,這次的旅館全部也滿意。已經很久沒有遇到好旅館而即時有再訪的意欲了,三重県絕對值得再三而來。

12 則留言:

Manatree 說...

每次睇你介紹住宿都只能望而輕嘆,CHEAP嘢都應該有市場價值吧,1=1和2=2對我來說意義不大。

三重有再訪價值,三余庵會變成"明日黃花"嗎?

PS.3、5、6死圖,請跟進。

jokelib 說...

你唔好以為一定係貴, 其實都係中價旅館, 最平的一泊二食 15000yen 都有交易. 高級旅館我都係住低價客室, 好多時二三萬有交易.

三余庵依然有獨特的吸引力, 不過佢都應該要翻新一下, 先追得上其他對手.

Photos all checked.

lau2tang 說...

三重県食就一流;浸就......!
呢邊無靚泉呀!

jokelib 說...

再加好泉水、價錢又貴好多了

由莉詩 說...

有時循環過濾的溫泉冇咁好... 都係源泉溫泉最正呀...

jokelib 說...

由莉詩,

循環過濾我都接受到, 但係消毒味真係唔得....

P.S. 你幾時又出發呀?

Katie 說...

Hi Jackson,你鳥羽(水之星)夕食係邊個plan?好似好正wor!我都訂左呢間,不過d budget去晒地球度,呢間住平房only,睇下有沒得食你呢個plan^^

jokelib 說...

Katie,

但係我唔知你個 plan 係咪去「風姿花伝」食喎, 當時係"伊勢海老&松阪牛石焼きプラン".

如果你喜歡伊勢海老, 建議食"伊勢海老尽くしの伊勢海老会席プラン", 抵食到喊.

Jackson

Katie 說...

Jackson,我個plan係部屋食"伊勢海老&松阪牛",但係如果"伊勢海老会席"係未沒松阪牛呢?

我其實諗過呢間or潮路亭,不過呢間野食plan好d 同埋和地球近d^o^

jokelib 說...

松阪牛直接去松阪食好啲, 嗰頭都係集中攻伊勢海老. 依間最好就係第二日直接叫佢車你去地球, 唔駛又返鳥羽.

潮路亭個風呂幾好架, 不過唔平.

MEL MEL 說...

Jackson, 很喜歡睇你既blog...睇完先plan行程😆請問旅館2是悠季の里嗎?旅館6是鳥羽國際?還是朝路亭?因為座酒店望落去似朝路亭,但房間望去似鳥羽國際😆

另外,我已發現了旅館5係邊間。而家苦腦緊旅館5住一晚,定兩晚。因為怕住2晚野食會重複怕悶...你個時住幾多日?記唔記得野食會否完全相同?😄😄

謝謝🙏🏻 你的遊記寫得太好....

jokelib 說...

雖然依個 blog 都半荒廢, 難得仲有人睇. XD

啱呀, #2 同 #6 都無錯. 鳥羽國際可以行過去潮路亭去浸佢個珍珠湯.

#5 我當年好喜歡, 佢地啲貸切風呂係正到 O 嘴. 不過之後朋友入住就中伏, 夕食失手. 我住嗰時就好得, 尤其係個炸軟殼伊勢海老, 真係從未食過. 兩晚的話唔係唔好, 但食材變化唔多.

如果你有時間, 倒不如考慮一下新開的幾間:
THE HIRAMATSU HOTELS & RESORTS 賢島
AUBERGE YUSURA
至於 アマネム 我就感覺有少少離地了.





Related Posts Plugin for WordPress, Blogger...