( ̄▽ ̄)ノ 新加入: 精華 - 追星見學

2012年8月11日

北国尋虹﹝四﹞ニセコ 積丹 余市 小樽 定山渓 札幌

Day 10
這天大霧,放棄了多個景點,直接前往二世古吃一頓悠閒午餐。天氣幻變,有幸一會羊蹄山。



Day 11
以為只是天陰,怎料來到積丹的海岸線便下大雨,甚麼積丹藍只有灰濛濛一片。去到重霧深鎖的神威岬停車場更加翻起風來,只有殘念敗走。慶幸可以吃到大量馬糞來填補心靈的失落。再前往余市蒸溜所參觀,晚上大口吃久違的炸雞。



Day 12
大早到北海道ワイン朝聖,又找到新的酒回來。之後到熱鬧非常的小樽,吃到非常出色的壽司。晚上去到第一次前往的定山渓温泉,愛死這間旅館的房間。



Day 13
抵達旅程最後的城市札幌,竟然又是第一次來到場外市場。五丈原的味噌沒有油脂,非常合口味。晚餐竟然重遇一位非常好客的經理,食物又有驚喜,過了一個難忘的晚上。



Day 14
這天在札幌購物,吃一點甜。晚餐體驗了用技巧將平凡食材變成驚喜連連的出色壽司店,希望下次能夠認真再試一回。



Day 15
回程竟然遇到 CX 罕見的機件故障,在機上一共呆坐大約四個小時。這班機的乘客大多以日本人為主,假如遇到甚麼甚麼旅行團,我相信又會發生甚麼事件,而我們亦不能在安靜的環境下耐心苦候。



20 則留言:

joeyee 說...

吾該就錦就完下華?!

小頭 說...

請問小樽邊間壽司咁正?

Jackson 說...

"吾該就錦就完" <-- 好好的提議, 我正有此意.

小頭, 直接貓我.

Manatree 說...

其實你食果間老店なると同出拔小路果間ニュ‐なると差幾遠呢?出拔果間我已經覺得好好食(不過已經係幾年前嘅事,唔知有無差到)。

Jackson 說...

上一代開的 "なると本店"我試過係不及 "ニュ‐なると"分店. 但係我今次係去第二代兩兄弟分開做的 "なると屋", 佢依家開咗幾間, 又做埋急凍外銷 (上次香港 Jusco 都有入過).

依次食, 水準好穩定, 我覺得好食過 なると本店. 我係去 "なると屋 朝里本店"

largeheadboy 說...

定山溪係邊間?

Jackson 說...

大頭, 在河童家族手湯附近.

lau2tang 說...

仲以為你會ko鶴雅添!
點知你揀食魷魚~~

Jackson 說...

森之歌 cottage 都啱 feel, 但係一定要食 buffet 就好唔啱 feel....

相信制霸無望

lau2tang 說...

咦!Buffet反而啱我喎~

Jackson 說...

好呀, 我下次請你去食お刺身食べ放題, 明益你啦.

Niseko2000 說...

森之歌 cottage 真係唔錯喎, 舊年團友住過, 不過buffet 唔及支芴湖那間, 你要求咁高, buffet 一定唔啱你, 那些星星先啱你

Jackson 說...

我都覺 cottage 幾好, 只係如果揀兩張床 + Living room, 有啲瞓閣樓 feel....

因為近年對 buffet 興趣大減, 食力有限. 不過朝食 buffet 除外.

星星我睇多過食...

Niseko2000 說...

上次團友2個人都比咗個cottage 有4張床, 所以冇訓閣樓, 訓樓下...唔知係咪個日冇人book...

Jackson 說...

我就係知道有兩種, 但係又想要個 living area hea。 不過最後都係無揀, buffet 都要近 30000yen 一個人, 我唔好住三xx...

lau2tang 說...

お刺身食べ放題無問題,我會帶定枝火鎗去。

匿名 說...

見到你住魷魚,之前也想訂コンセプトルーム這種房,不過又是不接待小朋友,最後我們放棄了定山溪因找不到其他心水!

期待你的遊記同介紹!

Bape Kids

Jackson 說...

Bape Kids,

定山溪雖然多旅館, 但小型又真係唔多選擇. 喜歡的寶亭留、俱樂部又貴, 真係好難搵.

匿名 說...

舊年住過寶亭留翠山亭,又想試其他,可惜俱樂部又不招待小孩

又見你之前住ホテルニドム, 好想試夕食,但fully booked, 唯有留番下次先住;)俾個借口再去!

Bape Kids

Jackson 說...

我嫌佢位置高但無乜 view, 而且翠山亭要住到好貴先有正正夕食 course.

ニドム夏天好多人去玩的, 價錢都唔平.

Related Posts Plugin for WordPress, Blogger...