2012年7月6日

京桜初見﹝七﹞增肥篇 与太呂本店

【関西風天婦羅発祥店 莫名其妙的二星體驗】

与太呂本店位於大阪市中央区高麗橋,是創業於大正 10年﹝1921﹞的天ぷら専門店。我們從梅田乘地下鐵過來也算方便。店子藏於商業及住宅區當中,沒有詳細地圖絕對不好找。

由於一早已經預約好時間及點了菜,只好乖乖準時抵達。到步正想拍一拍店舖外觀,店員看到我倆的身影已經急不及待開門迎接。
被安排坐到 counter 席,正好可以欣賞三代目大平徹さん的技巧。坐下不久,師傅已經開始製作天ぷら。
関西風天婦羅是創業者有感主流常用到芝麻油炸成的天婦羅比較油膩,經過反覆測試研究改用從綿花種子提煉而成的「綿実油」。淡黃色的綿実油炸出來的天婦羅入口沒有油膩感,可以突顯食材本身的味道,而淡薄的炸物亦比較適合関西人口味。每一鍋的油大約炸出十人前的份量後便要棄掉。
好了,理論歸理論,入口的感覺才是一切。先來兩件海老及蝦多士。不是說笑,這裡的蝦多士曾經被一些「食家」讚揚為〝只應天上有、人間那得幾回嘗〞的境界。
天婦羅的脆漿的確屬薄味的、而且是較腍身,海老對味、入口彈牙。不過這件蝦多士真的見面﹝入口﹞不如聞名!麵包吸了大量油份、雖然炸得香脆但真的普通到不行。

ふきのとう﹝蕗の薹﹞,即是春天蕗葉長出來的花茎,吃它的甘苦味。
穴子
長蔥,將蔥切好再炸。因為日本蔥煮熟比較甜,加上這個比較少機會吃到、不錯。
蕃薯,普通不太甜
蕗、再來甘苦與共
鱚、剛炸好的鱚魚肉特別嫩滑,這件算做當日吃到最出色的一件。
牛蒡、卷起來炸算是有點特別,夠爽。
炸蝦及蝦頭,和第一件沒有甚麼分別。
蓮根
ウド 独活
吃完天婦羅,其實一路吃下來也是失望的。唯有將期望放到另一名物去,這個名物亦是人人讚不絕口的。

這時剛好有一組客人來到,讓我們可以看到同時間大量製作的情景。老實說,不要胡亂吹噓是甚麼油溫控制技巧了,根本是大火一起炸、那一樣炸好便撈上來。當然我這個外行人是看不出深層次的隱藏技巧來... ...
土鍋でじっくり炊きあげた鯛ごはん
打開這個土鍋煮的鯛魚飯,魚香撲鼻。鯛魚是產自明石海峽的天然鯛,整尾放在米飯上面、用鰹節及高級昆布的出汁去煮。
起出來的魚肉比想像中少,充滿期望的送入口、一啖、兩啖、再來幾口,我倆頭上的問號已經跌滿一地。明明只是普通不過的一碗魚飯、不錯飯粒是吸收了鰹節及昆布的鮮味,但也不算出色吧。我在其他地方吃過更香甜的白米飯,要比這個吸引得多。最後這鍋飯不是我們太飽而吃不下,而是沒有添飯的意欲,只好外帶。
總結:絕對是我們不懂得欣賞的二星店,離開後我們花了半天亦想不到原因、深信只是不太認識関西風天婦羅罷了。

後話:當晚回到酒店拿出鯛魚飯來吃,出奇地放涼了的飯比起熱騰騰時更佳。即使是涼了的鯛魚亦沒有任何腥味,而且飯粒的粘性高了,包成飯團來吃相信效果更好。這個,確實是有點喜出望外的。

23 則留言:

Stone 說...

個"鑊"野感覺超行貨><

jokelib 說...

不過佢又真係唔貴, 咪當見識過就算.

natnatchow 說...

LEE兜飯我諗自已都應煮到~~平時我用じじみ整都好好味

小頭 說...

周不時我都遇上很多食家大讚,但自己吃不出個所以然的情況。我都常問是我不會吃,抑或真係好黑仔,我吃到的是例外!

jokelib 說...

natnatchow,

嘩咁堅, 幾時有得試? 講真我都唔係好有信心, 好難控制水份呢.

P.S. しじみ

jokelib 說...

小頭,

Well.... 咁我記得你好多時都做咗"明燈"的, 尤其係你去食西餐好多時都欠運氣.....

講返依間, 我只可以安慰自己佢收得唔算貴. 雖然我自己都未食過 20000yen+ 的天麩羅店, 但係与太呂真係唔啱食.... 我都係食番關東風算數.

匿名 說...

哎呀, 每日一雷?! ^.^
我諗都係期望太高啫.

joeyee

jokelib 說...

joeyee,

應該係, 感覺係比人老點咗.

紅叮 說...

某知名家大讚依度果鍋怎樣高超,打斜同打平睇唔出有咩分別~!只係平囉,

lau2tang 說...

我仲記得你食完呢餐,即刻發短訊畀我向我訴苦,話浪費咗一個quota,可想而知,你有幾失望呢!

lau2tang 說...

快啲寫埋不是地雷那幾篇啦!

jokelib 說...

紅叮兄,

嗰位知名作家(咁佢又真係出咗兩本書)講o既信一成好喇.... 我又分析一下, 打斜個鍋, 啲油咪一樣係水平? 點會有分別?

好, 當係熱力控制, 我假設平放可以將熱力集中(放射原理), 打斜就無咁熱. 但係我明明見佢有調整火力喎, 即係熱力油溫可以用火力控制.

我唯一覺得佢打斜的實際用途, 係方便炸長蔥....

我出發前啱啱睇到你篇食記, 即時打咗個突. 當時有想過放棄, 不過見佢平平地咪即管嘗試.....

jokelib 說...

lau2tang,

你可想而知我當時係幾無助, 一路行街一路想不到當中的奧秘.

我都係順序寫, 不過暫時要 plan 行程, 寫得好緩慢.

jokelib 說...

紅叮兄,

仲有, 作家話全部係"外皮薄而脆", 但係我食時明明係腍身的..... 係咪我地都去錯 A貨店.

紅叮 說...

我都係明明食到腍身,R爆頭~!我肯定不是A貨,貨真價實,所以抽個午飯黎試下,極之失望,信一成的確死,在香港食中伏不少次,

jokelib 說...

紅叮兄,

所以我認同你的食記多一些, 就當我地兩個都唔識食吧. 你都好啲, 食天茶, 我個鯛魚飯仲中伏 feel.

香港澳門我當佢係明燈, 佢都仲未醒覺自己食的係免費特別餐.

紅叮 說...

餐餐免費真係無咩想睇既動力,不過佢仲有好多FANS睇呢,

jokelib 說...

Give me 5!

最好笑係自己比$去食,冇特別安排通常都係一句"可以一試、可以更好"

我都係粉絲黎架!每日當一分鐘笑話睇。

貝拉 說...

做得好吃的天婦羅真的買少見少了....

jokelib 說...

又唔一定, 假如比得起一兩萬起跳的老店, 應該仲有好多.

紅叮 說...

食天婦羅一萬至二萬日圓左右差不多,總比吃壽司平

jokelib 說...

強烈推介去睇紅叮兄的日本食記, 好多都係非常出色的店子.

Stone 說...

哈哈...我都有睇開喎^^"

Related Posts Plugin for WordPress, Blogger...