2012年3月28日

京桜初見﹝一﹞春定番観光

今年的春季旅行差點便要告吹,機票遲遲也未能確認。幸好一月時發現 AsiaMiles 突然放了一些關西的機位,雖然航班時間是最差的晚去早返、但總算能確定有一個 8天的旅程。也沒有計劃想到甚麼地方去,便先行出了機票再作打算。

我這個“偽北海道人”原來自從十多年前去過一次京都之後,便從來沒有再踏足過。其實即使是大阪,上次到訪已經是五年前了。可能我這個懶人每次看到繁複的京都交通路線圖,加上古都數不清的寺社,便把我完全 K.O. 繼而放棄。今次既然只 book 了關西空港出入,便再沒有藉口、唯有認真地去查資料及到網絡取經。
因為預計四月頭會是賞櫻的超旺季,在一月中出發到北海道前便迅速鎖定京都的住宿、先預約好幾天的酒店及旅館。當時已經覺得那段時間的住宿計劃已經比較貴。怎料高處未算高,到後期同樣的日期及房類、價錢可以來個 double 亦照樣爆滿。大阪亦好不到那裡,兩個星期六的酒店簡直貴得有點過份,幸好早一點落手搶到〝正常〞點的價格。
近年看過不少富貴達人的京料理網誌,雖然有興趣一試但每當看到價錢後便一次又一次的暈倒。考慮到性價比後自己亦花了不少時間去找尋合適的食店,也只不過是一些入門版的大路料亭。這次便先淺嘗一下,星星名店還是留待下次有多餘彈藥再去挑戰。話雖如此,今次亦大早預訂了共七間食店,因為不想到時滿席而撲個空。其間既要遷就觀光方面的行程時間、又要考慮到各食店的定休日、有些一早爆滿的又要改日期等等,真的花了不少心力。除了早餐之外,其餘的昼夕兩食已經編排好,不知食力是否足夠應付。只可惜打算拜師修煉的『黑洞神功』,多年亦未能入門。

今次的目標:


Day 1:【香港】国際空港→【日本】関西空港→【心斎橋】
Day 2:【心斎橋】→【なんば】
Day 3:【心斎橋】→【梅田】→【神戸】→【梅田】
Day 4:【大阪】
Day 5:【大阪】→【京都】
Day 6:【京都】祇園、東山
Day 7:【京都】清水寺、哲学の道
Day 8:【京都】嵐山
Day 9:【京都】→【心斎橋】
Day 10:【心斎橋】→【関西空港】→【香港】

22 則留言:

Niseko2000 說...

北海道唔寫? Too bad 喎....相中的房間幾正, 遲d又有美食睇喇....

jokelib 說...

暫時唔夠時間寫埋最尾嗰 5篇..... 四月通常都係唔寫的, 哈哈~

largeheadboy 說...

正呀京都春天
我仲未有機會去京都睇櫻花~

jokelib 說...

我驚人頭多過櫻花呢~

3J 家庭 說...

星期六大阪酒店貴成一倍,無辦法住,最終要住神戶,瞓一覺啫,唔值俾咁貴囉..

jokelib 說...

係啦嗰日都唔知搞咩, 貴到癲咗.

本來都有考慮住神戶食牛牛, 後來又懶得轉酒店.

joeyee 說...

你...好...乞...人...憎...呀))))))

3J 家庭 說...

我仲諗緊食唔食神戶牛,有冇D唔太貴又OK嘅地方可以介紹呢?

jokelib 說...

joeyee, 依家知道都唔算遲.

3J 家庭, 有:
http://www.kobe-plaisir.jp
http://r.tabelog.com/hyogo/A2801/A280101/28008218/

zason 2T 說...

剛剛在3J那邊問神戶牛,原來J少都開了新topic。我們可能會在京都相遇喎!

jokelib 說...

zason 2T,

係? 我會認住兩位大小姐~

zason 2T 說...

兩位小姐大個好多, 考你眼力啦! 有一天她們會穿和服呀! 我見你要訂定食事, 我都訂了其中一天等回覆!明天要睇吓食的安排lu! 雖然都唔會好講究,但點都要有一,兩餐好少少俾大少食,唔係唔肯倍我們去睇花花就大件事啦...哈...

jokelib 說...

哈哈, 希望認到啦~ 邊日會有機會撞到你地呀?

唔訂我驚無位呀, 有幾間我去的食店得 10個位..... 仲要只做 dinner.

你訂京料理?

zason 2T 說...

我9-11號都在京都。景點真係太多,真係要再三諗吓點行會好些,要全團人都happy好高難度呀!我唔訂京料理啦,小團友唔會欣賞,我訂Westin的自助餐咋!其他食事研究中,我揀食邊間係要順路,花不起時間專程去食啊! http://www.kyoto-okoshiyasu.com/eat/torataro/
呢間又好似幾好...

jokelib 說...

10/4 - 13/4 我住京都, 暫時行程都應該係重點算數. 去食野都要花唔少時間呢~

我已經無得再加插食店了, 最後都要放棄幾間想食的, 下次啦.

櫻花好似無乜機, 冬咗好多搞到遲晒.

匿名 說...

好羡慕呀、又出發(^-^)
mi

lau2tang 說...

連你都出埋個行程la~
我仲係踱緊步咋~
睇黎都要放棄去追櫻。

jokelib 說...

你有 Pass 在手, 每日朝早先決定行程都得啦.

櫻花似乎無咩機會了, 不過你可以過九州追吓.

lau2tang 說...

真係有諗過架!
不過落得九州,我又想去吓由布院,計過唔夠時間呀!
京都的花未開,你咪疊埋心水去慢慢嘆好嘢囉~

jokelib 說...

由布院? 去熊本有新幹線仲快啦, 又有花睇.

已經預咗花最多時間去食野, 唔駛趕景點.

lau2tang 說...

熊本去過了!
無乜要再去ge理由囉~
今日東京的櫻花開始開囉,但京都就......
希望櫻花可以趕到係十五號前滿開啦~

jokelib 說...

都唔知啲夜櫻會唔會 extend, 好多原本係 8/4 finish. 我都係 15/4 KIX 回港.

Related Posts Plugin for WordPress, Blogger...