( ̄▽ ̄)ノ 新加入: 精華 - 追星見學

2008年3月7日

流氷雪まつり (十)《北國到着》

為了要乘搭 06:55 的航班,今天一大早便要出發。5 點鐘起身應該天未光,揭開窗簾睇睇天氣。咦? 成地濕漉漉、莫非落緊雨? 望真一點,仲以為自己發夢、或者已經身在北海道也不知道? 係落雪,雖然只係濕雪但非常大。心想一會兒還要拉行李往品川駅,慶幸只是五分鐘的腳程。

晨早的京浜急行班次比較疏落,加上外面的環境,所以決定再早點出發。一踏出酒店大門發覺自己入了雪櫃! 幸好全身已經準備了今天的雪地戰衣,只好盡快往車站去。沿途除了大風之外還有迎面而來的濕雪,真是一個給我們提早實習的機會。

不消廿分鐘便到達羽田空港,看見 AirDo 及 ANA 的 check-in counter 大排長龍。由於我們要花時間寄行李以及託 ANA 宅空便,入閘檢查又非常熱鬧,全程也十分倉促。去到登機閘口才發現 AirDo 要乘接駁巴士,與一般的廉價航空公司一樣,目的也是為了降低成本罷。不知是天氣差(當時還在下雪)、還是實在太多航班要升降,苦候了半句鐘才起飛。

計劃中的早餐是買『とんかつ和幸』炸豬扒三文治,可是入閘前實在太趕,結果草草在 check-in counter 對面『和匠』買了〝ずわいがに寿司〞。加上昨晚買的新特別版 KitKat,成為今晨的輕食。



這程 AirDo 是在購票時即時劃位的,那時不顧 Exit row 也照揀可也。誰知空間比想像中還要寬敞,全機也只有大約半滿的乘客。空中服務員態度友善,第一次搭 AirDo 的經驗即給我們留下良好印象。

個多小時後我們已經抵達女満別上空,天氣與東京成強烈對比。雖然機長說當地正在下雪及氣溫只有 -11度,但是舉目可見滿地雪白、久違的蔚藍天空正在等候我們。

8 則留言:

jw88ming 說...

想問吓你有關宅空便的詳情 ,
我會係羽田飛釧路,想把行李托運去札幌酒店,請問是在羽田辦還是在釧路辦手續呢?費用會否不同?是否可指定日子送達?謝謝!!

jokelib 說...

Hi jw88ming,

宅空便: 由 airline (JAL/ANA)負責, 在羽田辦. 1000日圓一件

宅急便: 當地速遞公司經營, 到達釧路才辦. 費用使用 HxWxD 計, 不過通常貴過宅空便.

Jackson

匿名 說...

Hi 你好,

剛剛訂左明年2月去北海道機票, 就搵到你個blog, 資料好詳細好有用, 我哋諗緊租唔租車, 因為我哋完全冇雪地駕車經驗, 又聽過道東三湖一帶全是山路加上雪地, 自駕會好危險, 可否俾點意見?

Jackson 說...

Hi,

2月去北海道、雪地就無可避免,不過只要唔係大風雪,有普通雪胎就 okay. 若果比較少路面經驗,強烈建議租 4WD 車。雖然比較貴,但係物有所值。

其實道東三湖山路又唔係太高,我去當時天氣好好,所以好難比意見。一切都係睇個天~

Jackson

匿名 說...

多謝你意見, 想問多一樣, 道東三湖一帶山路會唔會好窄? 有冇防撞欄之類, 石屎路還是山路? 因為之前去另一地方旅遊, 試過晌森林入面行山路, 路窄之餘, 另一邊係峭壁, 諗番都有d驚 ><

Jackson 說...

放心,全部係石屎路+防撞欄! 仲有徐雪車作業。另外亦有大量交通消息電子路牌,警告等等。

Jackson

wjk 說...

想問一下宅空便的情況,是在air do check-in counter 可以辦妥還是要到ana 再做一次?

Jackson 說...

wjk,

AirDo 隔離的 ANA 就得. Check-in 時問問佢就會教你去.

Related Posts Plugin for WordPress, Blogger...