晨早的京浜急行班次比較疏落,加上外面的環境,所以決定再早點出發。一踏出酒店大門發覺自己入了雪櫃! 幸好全身已經準備了今天的雪地戰衣,只好盡快往車站去。沿途除了大風之外還有迎面而來的濕雪,真是一個給我們提早實習的機會。
不消廿分鐘便到達羽田空港,看見 AirDo 及 ANA 的 check-in counter 大排長龍。由於我們要花時間寄行李以及託 ANA 宅空便,入閘檢查又非常熱鬧,全程也十分倉促。去到登機閘口才發現 AirDo 要乘接駁巴士,與一般的廉價航空公司一樣,目的也是為了降低成本罷。不知是天氣差(當時還在下雪)、還是實在太多航班要升降,苦候了半句鐘才起飛。





個多小時後我們已經抵達女満別上空,天氣與東京成強烈對比。雖然機長說當地正在下雪及氣溫只有 -11度,但是舉目可見滿地雪白、久違的蔚藍天空正在等候我們。

8 則留言:
想問吓你有關宅空便的詳情 ,
我會係羽田飛釧路,想把行李托運去札幌酒店,請問是在羽田辦還是在釧路辦手續呢?費用會否不同?是否可指定日子送達?謝謝!!
Hi jw88ming,
宅空便: 由 airline (JAL/ANA)負責, 在羽田辦. 1000日圓一件
宅急便: 當地速遞公司經營, 到達釧路才辦. 費用使用 HxWxD 計, 不過通常貴過宅空便.
Jackson
Hi 你好,
剛剛訂左明年2月去北海道機票, 就搵到你個blog, 資料好詳細好有用, 我哋諗緊租唔租車, 因為我哋完全冇雪地駕車經驗, 又聽過道東三湖一帶全是山路加上雪地, 自駕會好危險, 可否俾點意見?
Hi,
2月去北海道、雪地就無可避免,不過只要唔係大風雪,有普通雪胎就 okay. 若果比較少路面經驗,強烈建議租 4WD 車。雖然比較貴,但係物有所值。
其實道東三湖山路又唔係太高,我去當時天氣好好,所以好難比意見。一切都係睇個天~
Jackson
多謝你意見, 想問多一樣, 道東三湖一帶山路會唔會好窄? 有冇防撞欄之類, 石屎路還是山路? 因為之前去另一地方旅遊, 試過晌森林入面行山路, 路窄之餘, 另一邊係峭壁, 諗番都有d驚 ><
放心,全部係石屎路+防撞欄! 仲有徐雪車作業。另外亦有大量交通消息電子路牌,警告等等。
Jackson
想問一下宅空便的情況,是在air do check-in counter 可以辦妥還是要到ana 再做一次?
wjk,
AirDo 隔離的 ANA 就得. Check-in 時問問佢就會教你去.
發佈留言