流氷雪まつり (二)《又愛又恨 AsiaMiles》

既然已經有目標日期，加上希望盡用假期，當然想盡早訂機票。農曆新年超級旺季機票當然緊張，再加上近年香港經濟暢旺，遲訂真係有錢都無機位。於是一心打算利用 AsiaMiles 去換香港直航札幌機票，以為用 35,000分 (現在降至 30,000) 去換價值最少 HK$6000-7000 之機票係精明選擇。後備亦打算用 50,000分換 Business Class 來回。

當然香港人又有邊個唔係精明? 早在 2007年2月我們已經狂打去 AsiaMiles，在最早可以 redeem 當日足足 onhold 兩個小時之久，可惜亦只能入 waiting list。要知道我們所訂的日子只不過是年廿六，究竟 Cathay Pacific 每班機有幾多 Standard Awards 位可以用 AsiaMiles redeem? 我估計只有幾個。

之後每幾天打去查詢，無論去程回程、改日期、Business Class 都無辦法。又無理由比多一倍 mileage 換 Priority Awards。距離出發尚有一年時間，我們決定排 waiting list。

如是者到了 4、5月，經過多次的追問依然杳無喜訊。剛巧有天看見 CX Holidays 出了新一年的 package，不過普通的直航加三晚 Keio Plaza 也過萬....... 正想放棄之際給我發現假若乘 Business class 加三晚 JR Tower 也不過是 HK$15,000 左右，相比之下似乎相對地可以接受。把心一橫豪一豪，怎料得到的答覆一樣是 waiting list.......

到了 7月已經開始焦慮，亦同時計劃其他方法。不幸地無論 JAL 或 ANA 皆未有任何 package，對於缺乏 flexibility 的我們簡直如鍋上螞蟻。退而求其次可以先買東京機票再加內陸機(那時港龍還未公佈重開仙台線)，而最壞的打算是使用 JR Pass 搭夜車上北海道。

當時看見 Priceline 有售 CX 東京來回，14天機票 ~HK$5000 + tax。由於日子可以吻合假期，最早去及最遲返的航班亦有位。雖然價錢不算超值但亦是合理，於是在 7月尾成功出了機票。