2016年2月16日

北陸京都﹝五﹞ Day 5 簡報:草津 ⇒ 宇治 ⇒ 間人

早上先到宇治,直接到丸久小山園工場入貨買手信。

將全部戰利品通通宅急便去最尾一晚的酒店,方便至極。

再到附近專售賣綠茶粉的森半,又多一箱。

本來安排了去天橋立吃午餐,但早上大家也為了下一年的旅程忙了些時間,只有跳過午餐直接到丹後半島。多得上年新開通一段的京都縱貫自動車道,還有時間在途中買點食物充饑。很多時當地的地消食品質素也相當高呢。

難得這次有車,於是繞道去間人港朝聖一下。竟然可以親眼目睹這五大間人港天王!

之後又來到這裡,新改建後 Lobby 亦完全不同了。

二樓唯一加建的新房,奈何只有一間。躺在床上亦可以望到海。

如果可以將其他客室逐步改建便多好

參觀同行豚友的特別室,在冬季加上間人蟹的料金對我來說實在是天文數字。

之前要屈在和室吃晚飯,現在可以到新改建的食事處。

再戰間人蟹

爆膏的香蟹箱,這裡還可以挑戰生吃蟹味噌。

主角出場,記得兩年前第一次來,最大衝擊的便是這一杯煮蟹。

不過一邊吃、為什麼沒有了那種感覺?蟹肉好像有點過熟,少了點水份。味道比起先前吃到的三国港還差一點點,開始有點擔心中伏及連累同行豚友。

集中在食事處的好處便是近料理長的廚房,炭火燒交給他、應該比仲居さん處理得好一些。

幸好半杯的炭火燒即時反彈起來,鮮度明顯提升了不少。還有燒蟹味噌的罪惡感,每一口也是甜度大爆炸。

最後只剩下半杯來 しゃぶしゃぶ

再次無言以對!剛熟的蟹肉無論肉質及味道也是最高,入口感受到一絲又一絲甘霖。

覺得最初那一杯煮蟹好像浪費了,炭燒及 しゃぶしゃぶ各半杯兩個人分享的確有點意猶未盡。當時的確有打算隔天到附近多吃一次間人蟹午餐。

到外面行了一圈,想了一會、為何不現在直接追加?這班瘋狂豚友當然沒有反對,於是加點了一杯特大蟹來。

對不起了

這一杯絕對絕對絕對絕對絕對絕對是近年吃到最好最大的 ズワイガニ,相信往後亦很難再遇到如此高質的一杯。大家也吃得非常滿足盡興。

宵夜便隨意一些

還有星空,這夜實在難忘。

~第五天完~

27 則留言:

joeyee 說...

這個住宿plan不是特大蟹嗎?
追加的一杯是和豚友們分享嗎?

jokelib 說...

本來的 plan 有大蟹亦有特大蟹, 特大蟹個蟹蓋超過 14cm以上, 最長蟹足一節有 17cm. 無論肉質及鮮味都勝過大蟹.

最後追加的一杯當然是大家分享了, 否則邊有可能食得晒.

P.S. 唔好問我幾錢

joeyee 說...

一人一杯都食吾晒, 無能力追加, 價錢與我無干. ^^

jokelib 說...

一人一杯特大的話應該無難度, 如果狀態好啲一人一杯半都可以招架.

食量細的話可以放棄蟹身.

Unknown 說...

本來book左0.5茹0.5活,睇左你呢篇,難道要轉活蟹plan?偷偷問,隻特大蟹幾錢?諗緊兩人share一隻大蟹再加一隻特大...

jokelib 說...

每次經驗都會唔同, 所以我第一次就二人三杯, 試飽佢為止.
建議都係 1茹 0.5炭 0.5しゃぶ 試晒佢好啲.

海鮮價日日唔同, 總之係合理.

如果未練過神功, 應該未必對付到 3隻.

Unknown 說...

我仲係練功階段,神功未成,上次xx樓1人1隻越前都食唔晒...問下可唔可以轉1隻特大先,其實1隻大1隻特大我地都可能食唔晒,又沒得打包^o^

jokelib 說...

點會架? 你係咪食 中+獻上 先食唔晒咋, 嗰日我好快就 K.O. 全部野了, 只係鍋蟹飯食唔晒.

如果食唔晒就將個蟹身啲肉拆落嚟先啦, 可以當宵夜.

Unknown 說...

你神功果然深不可測,我食中+大only,到後面真係飽到上心口,再食唔落啦!不過有時食運好奇怪,平時應該大既好食好多,上次我中蟹反而好食過隻大既,又可能係煮的問題...

jokelib 說...

拆黃 tag 蟹係同時間作戰、最緊要襯熱拆得快食得快。每隻蟹質素都會有參差,運氣佔多。

啱啱依次 lunch 就煮蟹好D,炭燒其後。

Unknown 說...

Blog 主你好,我而家plan 緊年底去間人炭平XDD

想問下"活" 同 "茹" 其實有咩分別?? Thx~~

jokelib 說...

Vincent,

"活" 即係未煮, 咁你可以用來 1)生食 2)炭燒 3)しゃぶしゃぶ
"茹" 原隻煮熟, 保留原味.

記得 9月前後就要開始 book, 否則未必 book 到心儀房及日子.

jokelib 說...

已經出咗來季 plan, 不過一睇即時 O咀.
除咗加價係意料之內,佢好衰格咁改咗,如下:
【蟹】間人蟹 特大蟹(サイズ:約1.2kg)+中蟹(サイズ:約0.8kg)

即係就算你 book 特大蟹 plan, 只有一隻係特大蟹.... 無言.

Unknown 說...

本來心思思下年再食特大,點知岩岩睇左價錢,簡直加到離晒譜...今年我一人一隻特大都平過來年特大+中蟹...呢個價錢實在另人卻步=o=

jokelib 說...

我 6月時睇到, 亦已經 post 咗上來, 依味野真係早食早享受, 遲食貴幾舊....

特大你覺得點?

Unknown 說...

唔知係米三月尾係水尾,我隻特大又沒想像中甘大,炭燒好好食,好juicy,反而shabu shabu淡味左少少...想試下冬天會唔會好d,不過呢個價太貴lu...反而壽海亭加得合理d...

岩岩係冰島返來,著手搞緊下年北海道雪祭,諗左又諗坐忘林都係太貴=o=

jokelib 說...

水尾以前佢會減價引人去食添.... 不過都係隻隻唔同啦, 睇運.

坐忘林一年只有 3,4個月合理價.

Unknown 說...

坐忘林再正都justify唔到我俾呢口價,依家諗住試下翠山亭俱樂部和杢之抄...不過鶴雅集團既真係要睇運

jokelib 說...

杢之抄之前唔多得, 夕食又唔掂, 網上評價好差.
後來調咗個料理長就好啲, 不過依個集團, 都係周圍救火將啲叻人調來調去, 睇你到時好唔好彩了.
翠山亭俱樂部一樣, 料理長都係得個名.

Unknown 說...

原來係甘!唔怪得呢個集團d評價甘參差,好似我以前住過鄙之座覺得唔多ok,不過有朋友上年住左又話唔錯,話夕食都幾好...

jokelib 說...

鄙之座我住過一次連泊, 都已經唔想又提多次, 極無 heart 冷冰冰無靈魂的食物, 呃唔到人. 佢最大問題係少房, 集團唔會放個叻人落去.

水之歌我上次就好彩遇到, 之後佢就過咗杢之抄, 到我想住時佢又走咗...

3J 家庭 說...

今年個plan暫時我見到最大都係得0.8kg,咁係咩size

jokelib 說...

3J, 無謂浪費彈藥去進貢佢不斷裝修吧, 老細已經去到失控的地步.

過隔離仲買人開嗰間, 800-900g 但係價錢貼地好多.

3J 家庭 說...

乜唔係第一次要食依間咩...

jokelib 說...

都要睇價錢, 每年加幾十 % 仲點會盲目.

Unknown 說...

唔好意思, 想問你你話過隔離仲買人開嗰間, 800-900g 但係價錢貼地好多. 是指那間呢? 可以話我知嗎? 因為 Plan 緊今年, 想去炭平, 今年價錢係 800 - 900g 要 190000 (2人). 謝謝.

jokelib 說...

http://www.maisiejackson.com/2015/12/day-6.html

XX亭, 再唔清楚就 email 我.

炭平你睇清楚係咪全部間人蟹, 如果兩隻 190000 真係唔建議...... 過隔離應該勉強住到兩次.

Related Posts Plugin for WordPress, Blogger...