2015年11月26日

道南春旅﹝五﹞湯の川温泉 望楼NOGUCHI函館

嘗試補寫 2014年道南春旅的幾間旅館,上次只寫了簡短的總評。那一次一連五晚連續拜訪幾間心儀旅館,從函館湯の川温泉的「望楼NOGUCHI函館」開始。

單從外表看只是一間大型旅館,但其實內裡每一處設計也夠我花掉所有入住時間去欣賞。尤其是 1/F 的燈光、線條、水、石,巧妙的空間佈局,令我留下深刻記憶。
利用光+線便能營造各區的空間,置身當中便能感受到每處的變化。
小點
只有三款不同設計的客室,當然首選 120㎡ メゾネット Suite 了。旅館設計有點特別,例如我們住到的 9/F 其實只是屬於入口層,分別通往 10/F 或 8/F 的主客室。10/F 基本上是不能直達的,空間全屬 Suite Room。
Suite Room 又分 Type A/B/C,這次住到是入口在下層、有一間和室,樓梯往上便是 Living + bedroom + toilet + bath。個人比較住這類,要利用的空間全部集中在上層。
和室正好用來放行李
房內有個不小的風呂,只可惜旅館並非近海邊。
大浴場在頂層,有趣的是湯の川温泉附近便是函館空港,在這裡有列出航班升降時間。
當然你看到飛機之時,機上乘客亦可以看到赤裸裸的你。
這架應該是長榮的 Hello Kitty 塗裝。
休息室


24 則留言:

Unknown 說...

J少,望樓函館d service得唔得呢?我覺得登別個間的服務算係數一數二甘差(仲衰過地球),見函館呢間硬件好得,睇下值唔值得下次來一轉^o^

jokelib 說...

琦子餅,

我記得服務都係 okay 的, 但唔係貼心嗰種. 啲 staff 都係經常企埋一邊等你叫佢, 唔會主動走出來.

用餐 service 都係普通介紹, 唔似平時啲旅館咁會同你吹吓水, 不過我覺得係佢地走的 style. 其他我要求的 service 都有幫手, 另一半就話佢地啲馬殺雞好得.

如果唔係中山氏設計, 我都唔會捨得去住.

登別嗰間我未去過住, 你講到咁差我都怕怕....



Unknown 說...

可能係我甘岩得甘蹺,又可能係佢地的style係比較高冷,由一開始沒人介紹間酒店設施(淨係比左張地圖我地),之後亦沒人帶我地上房介紹,到晚餐簡直可以用滾水淥腳黎形容,我自問唔算食得超慢,都可以未食就上另一道course,高峰同一時間有三碟餸係面前,又刺身又燒物,我地兩個o晒咀,只有密密食,竟然一個鐘多d就食晒dinner=o=

J少都要試下既!可能你住果日又ok呢^o^

不過我都得個恨字,除左星期六出發九州玩幾日,有排都未有得玩日本(我竟然都book左別邸樹,沒辦法,今次係經濟團)

3J 家庭 說...

你專登响宜家出依篇俾我睇架..
我無指定room type,你認為需要嗎?

你嚟緊又去九州?

jokelib 說...

琦子餅,

你講開我又好似無人介紹, 不過我未去都已經 study 晒所以都無留意, 有時太熱情嗰啲仲阻我時間......
帶上房就有, 都係例行介紹. 入住嗰日我覺得好少人住, 我估都唔多過 10組, 除咗食飯有"聽"到其他人之外, 都無見到.

晚餐開頭係有啲急, 因為頭幾道都係整好的, 之後先開始調節返. 我食野係出名慢, 影完相要研究一輪先起動.

我想住坐忘林多啲o羅..... XD

樹呢.... 人夾人o羅, no comment. U_U

jokelib 說...

3J,

當然唔係啦, 好大機會你去完, 出晒遊記, 我都未寫完依 5間旅館呀....

其實我住嗰次在 website 都搵唔到個一樣 floor plan 的, 都唔知係 Type A or C.
9/F 入口有一半係會落 8/F 先到主客室. 除咗 Type B 個風呂唔同層比較麻煩之外, 我覺得其他都無所謂.

點解我有講過九州咩? 今年去咗兩次喇喎.

jokelib 說...

3J,

你都可以參考 Niseko2000, 佢就為咗安全揀 Type B.
http://niseko2000.blogspot.hk/2015/02/2014-day-5-part-ii.html

我個人就 prefer bedroom, toilet, bathroom 一齊, 因為用得最多. Living are 都無咩點坐過張 sofa.

3J 家庭 說...

兩個大人唔駛考慮安全,你間Type C用起上嚟我都覺得方便D,唔知Type A係咪一樣

你上面講"除左星期六出發九州玩幾日",又話"book左別邸樹",唔係去九州咩?

3J 家庭 說...

Sorry, 再睇清楚係人哋講

jokelib 說...

Type A 只係無咗間和室, 差不多.

星期六出發? 琦子餅網友寫架, 11月我發夢就有....

Niseko2000 說...

J少講得無錯, Type C 應該方便好多, Type B 比較麻煩, 行上行落, 做左好多運動, 但有小朋友無辦法啦....

Unknown 說...

我睇左你個blog,一早已經打晒底,今次純粹係貪平,因為比起其他出名的樹的確平一截,不過佢個超簡短的menu(仲要我唔食牛)的確令我沒任何expectation...

原來J少11月唔可以旅行?甘我影多d紅葉相俾你睇,哈哈

jokelib 說...

琦子餅,

都係要講運空, 有朋友住過兩晚好 okay, 不過後來佢話可能係支配人 on duty 所以完全唔同. 我地住嗰次係完全比人 hea service. 其實佢唔同風格的獨立客室都幾有吸引力架.

你一向只有四大旺季出發, 紅葉銀杏我都有睇過架!!!!

(地下啲落葉..........)

3J 家庭 說...

咁我試下request Type C
BTW,我今次會住埋登別嗰間

jokelib 說...

上次我就係怕同一個 trip 住會重複, 兩間太似.

3J 家庭 說...

其實我又無咩所謂,想住就住,今次唔住,下次唔知幾時再有機會住

Unknown 說...

明明睇過係見頃,點知我都睇唔到紅葉,黃葉就大把=o=

樹的service和dinner真係麻麻,得6個course,第一個course仲要得一粒鮟康魚肝,不過個早餐,尤其係d麵包又真係幾唔錯...

jokelib 說...

據聞今年無咩料到, 唔知係咪凍得唔夠快?

當時我地講, 如果有一泊朝食就好了, 夜晚可以去玉之湯食.

Unknown 說...

只有別邸樹個度有好疏落的紅葉,其他一塊都見唔到...

可能係我黑仔,試過好多次追紅葉失敗,唯有下年試下京都會唔會好d,順便試下翠嵐,好似幾唔錯

jokelib 說...

有冇咁 sad, 咁我分分鐘都見得多紅葉過你.

翠嵐好呀, 普通 double room 素泊都要一個人 4字頭, 最好住埋 Ritz Carlton.

Unknown 說...

我呢d草根,緊係諗住住最平的房啦,不過我都係base on依家5字頭一泊二食,如果再貴d應該沒錢住啦=o=ritz carlton呢d土豪酒店我先唔會住(因為沒錢=o=)

你幾時住坐忘林?呢間係我其中一個wish list,等你住左出遊記先

jokelib 說...

你咩季節去咁平? 不過普通房真係無咩特色喎.

坐忘林想去住的時候就 120000-130000, 有啲月份就低見 77000-8xxxx, 完全接受唔到o羅. 中山氏都無面比呀, 啲價亂咁嚟.

Unknown 說...

我諗住住普通47平米個間,乜都沒的月份around 112,000yen兩個人(5字頭一個人),不過如果紅葉未必係呢個價,再貴應該沒得住,間房其實真係沒乜特式,係貪新酒店同周圍環境唔錯

因為我一向唔旺季旅行,所以之前check坐忘林around 4萬一人,又ok wor!你要旺季梗係貴好多啦^o^

jokelib 說...

112000 我接受唔到、你去 SPG 格下價,我見過有 special.

坐忘林一定唔會衰,你參考下日本人 blog, 夕食幾吸引。

Related Posts Plugin for WordPress, Blogger...