2014年1月22日

伊豆秋田﹝一﹞預告

轉眼又到了 2014的年度大旅行,目的地及行程早在 2013年頭都已經定了下來。斷斷續續的篩選旅館、選擇各不同的住宿計劃等等,直到 2013年尾終也大功告成。雖然大家只有四晚的旅館住宿同行,但也花了我們不少心機時間去好好分配。慶幸日圓打了個 75折,住宿預算才可以提高一些,入住到大家心儀的好旅館。

此行同樣是以旅館及美食為大前提,行程走線根本只是順從各旅館而成,甚麼觀光景點完全欠奉。景觀、環境、設備、食物、溫泉等等也是叫人期待。












之後我倆會北上,短暫逗留兩天去賞雪。順道尋回上年錯過了的茅屋。


另一間旅館的績雪在 1月 18日已經到了這個地步


其餘時間便是留在東京去吃星星,這次預約餐廳實在遇到太多障礙、吃了一個又一個的酸檸檬。現在預約餐廳實在一年比一年困難,出名的食店訂枱固然難、但一間又一間不歡迎外國人直接預訂的食店究竟又是甚麼理由?我只希望各大〝失格的旅人〞能高檯貴手,拜託不要再在日本人面前丟架。大城市東京已經弄到如斯田地,好些地方現在有不少食店更是完全不招待外國人。閣下以為自己的不負責任沒有構成損失,相反餐廳方面預備了食物既是營運成本的損失、但最大的損失卻是對我們的信任。當一次、兩次、三次之後,他們還有選擇餘地嗎?

幾經努力,總算有機會到以下幾間名店去挑戰一下自己的味蕾。

新日本料理



Innovative



現代風フランス料理



又是否只是一場數字遊戲呢?但願各豚友的食力小宇宙能夠好好燃燒~~~









44 則留言:

Niseko2000 說...

今次唔會只寫一篇?
無得去都好想睇吓旅館+美食的介紹.....

jokelib 說...

咁應該都仲有多一篇完結篇啩!?
(^_^;)

CK鼠 說...

靚旅館我好少機會住 …… 所以呢個旅程要詳盡啲介紹吓,等我見識見識!

jokelib 說...

CK鼠, 唔識好過識, 越識越窮........ (住到窮)

小肥 說...

唉,失格的。。。對小肥呢D連講,睇日文都唔掂嘅影響就更大 。。。繼續等 [看] ^.^

jokelib 說...

小肥, 真係好討厭的, 有位唔比你 book 不知幾痛苦.

lau2tang 說...

又要人玩看圖估答案遊戲!^__^
的失格旅人咁搞法︳遲早,外國人訂房都要先付費了!

3J 家庭 說...

拭目以待!

哈哈..我暫時都係以睇景第一,住宿排第二,食有時都會有要求,但又未至於要食星星店,當然唔駛book而又順路都會一試,始終唔係好想一早book定,因為恐怕到時會改行程或狀態唔好,要取消又麻煩,夾硬去食又唔想囉...

jokelib 說...

lau2tang, 其實有啲地方去完都唔敢開名, 自己睇得出就算, 真係有興趣的會直接問我.

今次已經有旅館係要比 deposit 的了..... >_<

jokelib 說...

3J 家庭, 星星係一個 reference, 但唔多可靠. 我食過好普通的 3星店, 亦試過幾可是地雷的 2星店. 所以都會去日本開飯網睇吓食評, 多一個參考. 最重要都係菜色啱自己口味.

依啲地方唔 book 就一定無得食, 啲位係好快就比人搶晒. 到時唔去都要比全費.

3J 家庭 說...

嘩...唔去都要比全費
好彩在食方面我仲未到依種層次,慳番...

如果旅館要俾deposit,我未必會住,驚會有變數咁就麻煩,情願揀過等二間

今次睇啱咗河口湖一間旅館,Jalan度book要俾予約金,上去官網book以為唔駛俾,點知外國人要俾credit card online payment,最終都無book到

我試過有D旅館一收到外國人嘅booking,便會好緊張咁send個cofirmation email嚟問依樣嗰樣,仲要入住前一兩日再send嚟問你幾點會到,好似好驚你唔出現,其實佢哋有依種擔心我係好理解嘅

jokelib 說...

3J 家庭, book 咗嗰啲全部都係無得揀食咩, chef menu 人地都要預備好晒, 客人去唔去食佢地都要收全費. 當然你在 cancellation deadline 前取消就可以, 不過要大早通知.

你可以話咁樣無晒 flexibility, 但係當嗰餐飯係全日的主要(甚至唯一) 節目, 就點都會安排到時間.

旅館都係一樣, 佢地有本事收 deposit, 就係因為佢有料到! 既然已經難 book, 就唔想臨時比客人取消.

Unknown 說...

是arcana Izu 和ATAMI 海峯楼吧.

jokelib 說...

CF Lee,

其實我 post 得嗰兩張相同開咗名都無咩分別.
^_^
都係旅館的 signature, 你又認為如何呢?

Unknown 說...

對上一次到伊豆已經是6-7年前了, 當時沒有住這一個級數的酒店啦. Arcana一直是心中其中一個target,希望盡快有機會試試. 而Atami就未有打算去, 不太合口味. 不過2014的旅行表已經暫時定好了,去伊豆的機會很低了.

期待你的最終回~~

jokelib 說...

CF Lee,

嗰區的好旅館實在太多, 閒閒地十間八間都好有興趣入住. 不過日子有限, 唯有住咗大家都喜歡的幾間先.

arcana 主要為咗食, 海峯楼就係去睇隈研吾的設計及海景.

Unknown 說...

黎緊4月日本旅遊, 我都會第4次住隈研吾的旅館, 很期待~

jokelib 說...

佢設計的旅館真係好有味道。
你有冇 website 分享架?

Katie 說...

ATAMI係我其中一間wish list^o^等你返來介紹!

啱啱去完箱根我都住左間不太滿意的旅館,雖然係一休plus,不過各方面都麻麻,有時感受真係好個人^^

仲有可能我黑仔,繼上次2星天婦羅後今次又中2星法國菜地雷...

Unknown 說...

無啦. 忙到死, 完全無時間同心機寫Blog...

Unknown 說...

我覺得海峯楼個design完全唔似隈研氏風格, 太金碧輝煌了.
Katie, 你去了那一間? 分享下希望下次唔好中招. 不過箱根又係十年八載無去過了.

Katie 說...

箱根我住了翠松園呀,不過可能純是個人感受,等於上次我去完地球也覺得沒有再去的意欲,呵呵!

jokelib 說...

Katie,

海峯楼我都只係跟人去住架咋, 我住普通房 only..... 要睇 Suite 的介紹應該無了.....

翠松園同集團架喎, 而且又唔平. 有時旅館無一讓野 hit 中你又的確會感覺平平無奇.

2星法國地雷一定要開名喎....

地球我欣賞佢四周的位置景觀, 不過如果唔係食 dinner 時有位好用心的 staff, 我都覺得佢無咩吸引力叫人再去.

jokelib 說...

CF Lee,

海峯楼因為放咗其他 designer 的作品, 所以破壞咗隈研吾的簡約和諧. 但係 Water Balcony 同玻璃樓梯我真係好想去見識一下.

Katie 說...

哈哈,海峰樓普通房都有50m,夠住lu,當然Suite個無敵玻璃大海景的確好吸引...不過我有興趣知他的料理多d

係呀,翠松園我唔可以話唔好,房靚,但係服務平平、野食平平,成間旅館感覺冷冰冰甘,有少小似上次地球,不過地球個絕景位置就堅得,反而我地球之後一日去左潮路亭,我又好鍾意wor,野食得、服務得、仲有件好正的cheese cake做welcome,係房差左d,所以我都覺呢d感受好個人^o^

2星法國菜我講緊"tateruyoshino芝",呢間堅平,而且我食lunch only,有可能dinner好d,不過個main course好唔得,個鴨肉有筋好趙唔到,甜品都麻麻,所以我唔會再試dinner haha

jokelib 說...

Katie,

普通房個 dinner 原來係唔同架, 不過今次我都係"黐"人地上去 Water Balcony 食. 料理個 menu 好短, 我睇人地啲 blog 就話唔錯, 到時食過先知.

其實除咗個人感受, 我認為運氣同際遇都會大大影響住宿體驗. 太多因素會令唔同人住有唔同評價, 一間旅館 hit 唔 hit 中你真係太難講. 就算同一間旅館, 我唔同季節去住兩次都好有機會係 180度唔同的. 但假如你 feel 到旅館的誠意, 好多時都會抵消佢其他方面的缺點. 依樣就睇你當日遇到邊位 staff 了.....

東京法國菜都有唔少地雷, 食べログ 仲要咁高分, 有冇搞錯! 不過我醒起上年我地食咗間新鮮 2星 dinner, 又唔平又普通都爆, 遲啲寫埋佢出嚟先得.




Katie 說...

Jackson,等你開名呀!等我3月再去時唔好中招^o^其實就算惠比壽盧布松我都係覺得平平,個人口味香港Amber好食好多!我一直wish list係Quintessence,不過幾難book...

好彩今次我食神仲未離開晒,之後係赤坂吃左間庶民米芝蓮的海膽意粉,好好食,叫做補番間法國菜地雷...

我都覺一個好staff絕對可以為旅館加分!3月我會去北海道係最standard的三余庵+鄙之座,都好期待哈哈!

jokelib 說...

Katie,

當年 book 嗰陣未公佈 Tokyo 2013的, 後來一出就變咗 2星的 エスキス.

Robuchon 我無上過 2/F 食, 只係食過 1/F. 可能平平地我又覺得 okay. 真係各人口味唔同啦. カンテサンス.... 我試完話你知得唔得啦. ^_^

三余庵+鄙之座都唔錯, 3月又係淡季. 希望你係鄙之座先,否則..... >_<



Unknown 說...

地球無去過, 同集團果兩間就住過, 果陣重未有地球....

コー 說...

J少,你deposit點俾?因為有D“專登”要收「銀行振込」,一般外國人俾唔到。

jokelib 說...

コーさん, 旅館? 預訂時即刻 full paid.

コー 說...

這個full paid的誠意金,旅館當然欣然接受。:)

jokelib 說...

係必定去住又無得改行程的決心!

其實只要在旅館的 cancellation policy 下, 係可以改期的.

Katie 說...

Jackson,哈哈,等你返來話我知!想問下你係未都係電話打去book?我試過2次想book,都話full,唔知關唔關我用英文溝通呢?

其實我覺得期望值都幾緊要,Robuchon一d都唔平,我有expectation,c/p值太低,所以就幾失望,有時沒乜期望,又反而有驚喜!

我真係住鄙之座先呀!不過兩間都係住普通房only^^

jokelib 說...

係有朋友好勤力打電話去先成功。

性價比永遠都會影響個人感受,好多星星的確出色但價位太難接受(起碼對我來說),有時食完只感到平穩。

普通房@鄙之座? 佢得房間叫做有啲吸引力,最少要湖景好喎!3月靚房貴咩?

Katie 說...

Jackson,唔怪得啦,好期待你的食評!

我book左霞之座,都叫有湖景,不過間房細過天之座...都貴幾千yen一個人,你上次住邊種房?我都十五十六添...

jokelib 說...

食咗四個半鐘

上次住湖之座、同天之座同方向,有大湖景。可以睇返我之前寫過的介紹。

SeeWide特搜網 說...

Jackson你好,

首先祝你新年快樂, 馬上得意! : )

SeeWide特搜網是一個全新互動生活分享平台,集齊各地遊山玩水好去處及講玩講食,讓大家分享不同生活體驗

你的網誌十分切合我們網站的主題,內容及相片也很有質素,請問可否讓我們轉載網誌內的相片及內容?(會注明出處及不作改動)

我們的目的,是盡力網羅優質的相片及內容,建立一個講玩講生活的平台,並分享給一眾志同道合的網友

希望你能成為我們平台的一份子,助我們更有效地集結不同好玩好食之處!

另外,我們設有「稿費」制度,文章獲得本地瀏覽量,即可兌換稿費!

迎新推廣,每100本地瀏覽量,可獲高達HK$1稿費;我們亦可以你的名義,將稿費捐到香港宣明會,或你指定的慈善機構
詳情可參閱:http://www.seewide.com/space.php?do=help&essay_id=22#001
如有任何查詢, 歡迎電郵至: info@seewide.com

小小 說...

好羡慕jackson大人, 每次旅行都以最佳食及宿為前提, 小小呢啲窮鬼姑寒鬼, 只有想的份, 實在唔捨得住咁貴食咁貴

jokelib 說...

小小, 大家花在唔同地方o者, 各有所好.

只要揀自己喜歡的旅館就最好.

M 說...

好多人係本地Book左枱No Show兼且電話都唔會打,點可能要求佢地去到外地會守規矩..

jokelib 說...

所以我希望佢地唔好再 book, 完~

Katie 說...

Jackson,我依家係三余庵,果然先住鄙之座係岩,野食真係麻麻地,反而三余庵個夕食好精彩,除左間房要翻新下,d staff 英文麻麻都好努力想介紹,good ar!

jokelib 說...

雖然口味好個人, 食運都好緊要, 可能咁啱有你喜歡的食材, 好好享受~

我有一年就係三余庵接住連泊鄙之座, 中晒計.

Related Posts Plugin for WordPress, Blogger...