2014年1月8日

北国尋虹﹝五十七﹞空港一天遊

十五天旅程始終會有完結的時候,最尾這天亦只有在兩個空港裡消磨。

早餐先解決水果及甜點,太陽のタマゴ 的味道真的與普通芒果截然不同。那種香與甜是從未嘗過的,就連沖縄產的亦不能及。

Furano Delice 菓子工房 macaron 應該會列入下次必吃的名單中。
九時多便乘車往新千歳空港,邊吃布丁邊向札幌說再見~
因為行李已經有不少夕張メロン及粟米,這次沒有再購買其他北海道〝恆常〞手信了。
倒是在 Calbee 被那些甚麼甚麼特別味道吸引了。
而且看到新鮮炸出來的薯條薯片,即使怎樣熱氣也要買來吃吧!
前往羽田的航機上見到復刻版的 Sky Time Kiwi 味,Lucky
午餐沒有計劃到,走到國際 terminal 行了一圈。選了這間『銀座 おぐ羅』羽田国際空港店,完全沒有期望之下這一餐又竟然不錯。穴子與 うなぎ雖然只有合格的水平,不過已經很久未吃過 ひつまぶし所以也吃得頗滿足。
這個時間出境的人不多,快閃過免稅商店後便上機、以為這次搭到 CX549 便可以早一點回家。
結果呢,四時上機、之後的兩個半小時也是這個畫面。
不錯,坐了足足 150分鐘,飛機依然未起飛!不幸地 mechanical problems 一個接一個地發生,以為 30分鐘、之後又變成一小時,所以直到 6:30pm 所有乘客也是坐在自己的座位呆等。假如問題在登機前發生,航班 delayed 的話、大家也可以好好在免稅店繼續血拼。我只能阿Q 地慶幸當日機上大部分也是日本乘客,否則換上一班沒有耐性而又燥底的香港同胞,歷史已經要改寫。
終於、無可奈何之下機長也讓乘客下機休息。我倆便逃到 Sky Lounge 去補給一下,有些人走到 Food Court 去吃東西。
最後直到 7:50pm 再次登機,但有些東西既然一不離二、便來個二不離三贈興一下... ... 最最最後,9:00pm 才正式 push out。
回到香港拍這張相已經是 00:25am。
之後的個多星期差不多每天也吃到完熟的北海道メロン,2012年的北国尋虹亦在一片的橙色當中完結。

2012北国尋虹
~完~

12 則留言:

コー 說...

非常榮幸看到完結篇。:)
謝謝分享星級美食。

3J 家庭 說...

終於大結局了...

唔知下個會係咩呢????

jokelib 說...

コーさん,
多謝支持, 可惜自己時間有限, 太多東西想寫但能力不及.....

3J,
我已經唔敢再開個頭了.... 你明啦.... 啲時間去晒 planing 方面, 仲邊得閒寫 review.

lau2tang 說...

終於追完呢章,好幸福!
國泰個甜品真係好搞嘢!落差太大,我就完全唔收貨囉!

Stone 說...

嘩....原來係2012架啦, 唔怪得好似好耐咁啦!^^
PS: 第一次見有豆腐花食哦~

jokelib 說...

lau2tang,
你咪話, 我寧願食豆腐花, 好過食佢啲乜乜甜品. 我記得有段時間係比金莎的, Haagen Dazs 就少見.

Stone,
依家係咪曲線話我寫得慢...... =_=;
豆腐花係特別餐先有架.

3J 家庭 說...

淨係寫美食及住宿囉...你唔寫無得參考嘛!!
我宜家搵緊箱根富士山住宿,你唔熟嗰頭架呵?

話時話我從未食過CX嘅特別餐,係咪會好食過正常嗰D呢?

jokelib 說...

3J 家庭,
其實我都有認真考慮過, 始終依家去日本的最重要目標都係旅館及美食.

不過近年在餐廳預約方面吃了太多檸檬, 唔係唔想介紹, 係怕又多一間自己喜歡的餐廳又改 policy 唔接受外國客人..... 好無耐.

箱根住宿有呀, 我 email 比你參考啦.

特別餐如果要水果餐最好食o羅...... >_<

3J 家庭 說...

收到,唔該哂

你唔講都唔知原來有D餐廳唔接受外國人預約,係溝通問題定係驚甩底唔出現? 又或者係其他原因

我好少會預約因為怕自己會臨時改行程到時要取消,所以我上次最後都無book到小樽間星星壽司店,點知真係改咗行程

jokelib 說...

多得太多不負責任的飛機友.

日本好多餐廳係要預先準備食物的, 你唔去, 人地就會蝕本. 好多人在自己地方習慣放飛機, 完全唔尊重人地的 cancellation policy.

餐廳方面試過幾次就會怕怕, 寧願唔做你地生意都唔想賠本. 反正招呼日本人都做唔切 (我講緊受歡迎嗰啲).

依家差不多全部都要一早預約好, 否則無得食, 無 plan 的就多數食拉麵.....

3J 家庭 說...

都估到十成十係放飛機個問題,正如嗰D失格旅人,book咗住宿又唔出現

無得食又唔駛話食拉麵,要求唔高都有其他選擇嘅

jokelib 說...

我最近在大阪有兩餐無 plan 到,結果都係食一蘭同一風堂,死未~

Related Posts Plugin for WordPress, Blogger...