( ̄▽ ̄)ノ 新加入: 精華 - 追星見學

2012年5月11日

道東湯巡﹝三十一﹞Sapporo Sweets Cafe

匆匆看過雪祭後,餘下的半天便在札幌市內例行吃喝購物。

先去到 Sapporo Sweets Cafe 來個 Midday tea set,花多眼亂實在很難去作決擇。
最後揀了這兩件,一吃難忘、層次感豐富。
意猶未盡,再追加多兩件。
由於這裡每次的出張店會定期更新,每次來亦會試到新創作的甜點,絕對是甜點愛好者的必到地方。

只過了一個小時,外面又變成這樣、幸好我們不是這個時候去看雪祭。
走到二条市場買點東西,冷冷清清的市場但這間超難吃勁搵笨的『どんぶり茶屋』竟然其門如市!這個謎團我是永遠也解不開的,多謝各大旅遊書的編輯吧。
回酒店又經過時計台,見有點餓、便順道來幾件壽司。
最好吃的始終是即開的ホタテ
最後還看到人肉搏鬥章魚

28 則留言:

Stone 說...

証明旅遊書既力量何其大呢^^

Jackson 說...

我記得第一次去食係 2006年夏天, 以當年的口味都覺得難食. 可想而知以今時今日的要求, 應該入唔到口..... 最慘佢又唔平呢!!!

Manatree 說...

呢間我都有印象幫襯過,以我地級數嘅味覺又唔覺難食,但又貴又唔抵食就真係事實....

Jackson 說...

咁可能我當年去無咩人, 啲魚唔夠新鮮, 依家已經好轉都唔定.

natnatchow 說...

我都係06年去時食佢,超唔好食wo..

nat

Manatree 說...

我05年去食(當時都好少人),早你地一年應該唔會有太大差別...,但你地都係06年時話好難食,咁應該真係好難食...,不過呢類店點都係只會踩一次地雷(當自我安慰)。

Jackson 說...

我只係想帶出一個 message,就係寫旅遊書嗰啲應該負責任,唔好成日違背良心去唱好啲自己未食過但係都讚不絕口的食店.

知唔知道咁樣會害咗幾多人,浪費幾多旅費.

Manatree 說...

咁你又講得啱呀,好多年前網上資訊未咁發達時,真係好多人都係靠旅遊書,但係啲旅遊書又良莠不齊,真係好易踩地雷,雖然而家上網搵料都唔代表唔會中招,但起碼唔使浪費買書錢,中咗招都無咁谷氣~

Jackson 說...

多咗我依啲老點人的 Blog, 你去完中計都無得投訴, 我又無錢收, 哈哈哈哈~

所以可以繼續不負責任亂寫一通.

Manatree 說...

J少你老點人個"或然輪"係零喎,比我就...如果去咗地雷店,就一於寫到好好,等其他人都中地雷(黑心MODE開動),平衡吓自己中招嘅不平衡心理,不過就算我係咁都唔會有太多人中招,因為我個"台"收視率實在太低啦~XD

Jackson 說...

咁讀者都識得自己過濾下, 搵差不多口味的網主去睇咪得.

我有介紹過啲食店, 人地食完唔 like 架.

lau2tang 說...

Jackson,
你講得好啱!口味,真係好個人。好似我咁,我唔食魚生這類生鮮物的,最鮮美的魚生放在我面前,我都唔會欣賞!如果你介紹那間餐廳,那天的菜式剛巧以生鮮物為主打,又或者用上紅蘿蔔和刀豆做配菜,咁我就一定比個dislike,所以咪有食運呢樣嘢囉!

Jackson 說...

e? 咁好? 等我跟住你去住旅館, 食鬼晒你啲刺身先.

lau2tang 說...

我多數都會request走魚生,而旅館都會轉其他熟食畀我。我記得有次係白浜,間餐廳仲專登焗咗個用魚做餡、鹹味芝士梳乎厘,不知幾好味!其他人無得食架。

Jackson 說...

唔駛咁麻煩啦,料理長好忙架.直接叫佢送過嚟比我就得.

lau2tang 說...

好啦!就咁辦啦!
下次,你畀定的資料,我速遞全家分量ge魚生畀你!

largeheadboy 說...

我 05 年食どんぶり茶屋
淨係覺得份量好少囉
係貪佢有 coupon 有小食送
之後去到函館朝市食得痛快好多

Jackson 說...

兩個市場真係天堂與地獄的分別....

匿名 說...

Hi Jackson ,
請問間壽司店叫什麼名?

Jackson 說...

不要期望太高,說到底只是一般的迴轉壽司價錢:

http://www.maisiejackson.com/2009/02/blog-post_08.html

コーさん 說...

哦,諗住睇甜品,原來熱烈討論どんぶり茶屋。
初時仲諗住慳時間唔去場外,去二条算數添⋯⋯

jokelib 說...

你想去食咩先? 海鮮丼? 講真依啲野就唔好去做遊客喇, 認認真真去餐廳食啦.

コーさん 說...

有時間食lunch,同埋買啲乾貨俾阿媽(上年佢去到無時間買)。

jokelib 說...

難得夏天去, 食餐好的馬屎啦.

コーさん 說...

我係話場外市場。

コーさん 說...

要去積丹?諗諗先。
我老婆うに都一般,唔好話食屎。

jokelib 說...

又唔駛, 不過唔好的話就免喇~
場外市場我見人食都唔錯, 點都好過二条.

順便買幾個 Melon 返香港啦.

コーさん 說...

係呀,我正正想寄幾個melon去羽田。

Related Posts Plugin for WordPress, Blogger...