( ̄▽ ̄)ノ 新加入: 精華 - 追星見學

2011年9月22日

九州東北﹝二十一﹞東北最難忘 仙台空港

※※※※※※ 警告 ※※※※※※

以下片段可能會令人感到情緒不安,心情不佳者絕對不適宜閱讀。請按此處離開。

考慮了許久究竟應不應該寫這一篇,但無可否認當我們從九州前往東北的航班,正正是降落於一個受到 311海嘯嚴重破壞的地點 ─ 仙台空港。而在東北第一站所看到的映像,絕對叫我們難以忘記。

盡管我們不想再去憶起只是短短四個多月前、在電視機前所看到的一幕幕心酸映像;

即使剛剛在九州渡過了愉快的九天之旅、今早還在由布院吃過早餐;

況且我們也沒有直接走到任何受災地區的勇氣;

可是當這班 JL3535在仙台空港的上空作了個 180度的盤旋、機內乘客一同望向窗外的景象;

各人的心情也突然沉重下來,單憑眼睛也可以深深感受到無情海嘯的巨大威力。

※※※※※※ 最後警告 ※※※※※※

以下片段可能會令人感到情緒不安,心情不佳者絕對不適宜閱讀。請按此處離開。
留意到海邊的樹木嗎?差不多全部被海嘯的衝擊力弄到 90度倒地枯萎。
空港的海邊已經變成這個樣子
當時國內定期航線才剛剛重開幾天,跑道與停機坪已經回復運作。不過 Terminal 內部還未完全修復。
本來在空港附近的租車公司,當然無一幸免,要轉到 20分鐘車程外的「名取市」取車。仙台空港アクセス鉄道那時仍然運休。
在離開空港的幾分鐘車程裡,我們所看到的便是一幕幕叫人痛心的痕跡。走在還未復修好的斷裂、凹陷道路,清理運作中的作業車,被破壞了的建築物等等。
不過看到離開空港兩三公里外的住宅區完好無缺,心情亦慢慢平復過來。取過車後便開始我們的東北之旅。

14 則留言:

Manatree 說...

係藍天白雲襯托下,被海嘯摧毀過的地區,特別大落差,但人總要向前望,傷口總有一天會好的~

Jackson 說...

所以咪照原定計劃去東北支持一下當地旅遊業, 今次比起四月去立山時已經好好多, 多咗好多日本人出遊.

匿名 說...

同意,所以我同老公6月時已經決定計劃不變,不過今次行程只有半天時間及會住一晚仙台,所以打算淨係去outlet行吓。

3J家庭

Jackson 說...

咁去 outlet 又唔好淨係行吓咁簡單, 買多啲啦哈哈哈哈~

匿名 說...

哈...要駛錢,有幾難? ok, 一定會....買多D

3J家庭

largeheadboy 說...

我記得我坐新幹線由新青森回東京時,經過一個地方放滿堆得亂七八糟的汽車,然後沿途看到不少破損的房屋,那一刻心很酸。

Manatree 說...

我成日都覺得,除咗啲人驚輻射之外,個匯價都好大問題,如果個價去番8幾,大把敢死隊去日本~

Jackson 說...

依家機票咁平都無乜人去啦. 如果嫌日圓貴, 過去兩三年都係得個等字..... 倒不如慳慳哋去番轉覆診, 唔係積埋積埋變大病, 到時想醫就唔平. eg. 放血病 or 住高級旅館病

Manatree 說...

近兩三年我地最貴果次係9幾算,已經覺得好貴,去到就住使又唔可以盡慶,唔就住又會好金,講真有邊個唔想去,但呢幾年枕住去復興日本經濟,自己經濟就愈來愈差,或者都要學吓三杉幾年先去一轉,又或者我啲潛艇升番上水面先算~

Yan 說...

一幕幕的確令人難過……
復興需要時間,我想,以日本人的堅毅本性,再過些時間,情況一定會變好的,只要天災不要再出現便是了…

都同意Jackson所講,日本不可不去,唔去覆診會出事O架!

Jackson 說...

睇電視同親身去感受係完全唔同(雖然我唔係特登去).

今個月已經打咗兩次超強颱風, 唉.....

Yan 說...

日本今年又真係幾慘,連颱風都唔放過佢哋,兩個風都係好強嗰種,破壞嚴重,又有人命傷亡…只好祝福佢哋能捱過!

3J家庭 說...

真係要講句"屋漏偏逢連夜雨",日本今年真黑仔,希望佢D衰氣快D過去,等我哋可以去日本玩得開開心心。

Jackson 說...

但願如此~

Related Posts Plugin for WordPress, Blogger...