2011年7月5日

九州東北﹝二﹞兩個合併的旅程

正如前一篇所說,這個放任的二合一貪心行程,合共 21日。基本上是一個 10天的北九州、另加一個 11天的東北新潟旅程。當然這種 open-jaw ticket,亦全靠 AsiaMiles 才能成事。

2008年第一次到九州,只是蜻蜓點水式的快閃遊湯布院。覺得那裡確是個不錯的溫泉區,所以今次便安排多些時間去留宿。不過御三家又實在有點貴,還是留待日後有機會才再相遇。另外也利用北九州 JR Pass 順道遊覽長崎及熊本兩個大城市,品嚐當地的特色美食。最後自駕遊阿蘇一帶,希望有機會一睹阿蘇中岳大噴火口。

東北部分基本上是往年東北夏祭的精華 encore ─ 米沢牛、一連兩晚的長岡花火大会、及青森ねぶた祭。當中最後兩日的青森ねぶた祭包括日與夜的所有大型ねぶた運行,還有最尾一晚的青森花火大会・ねぶた海上運行。而這次終於有時間到十和田湖,主要走走奥入瀬渓流。其間又貪心的追加銀山温泉和遠刈田温泉。

以下便是這次旅程的走線:

D1【香港】国際空港→【日本】福岡空港→【博多】
D2【博多】
D3【博多】→【長崎】
D4【長崎】→【熊本】
D5【熊本】→【由布院】
D6【由布院】
D7【由布院】→【九重】→【黑川溫泉】→【瀬の本高原】
D8【瀬の本高原】→【阿蘇】→【南阿蘇】
D9【南阿蘇】→【高千穂】→【由布院】
D10【由布院】→【福岡空港】→【仙台空港】→【遠刈田温泉】
D11【遠刈田温泉】→【蔵王エコーライン】→【仙台】
D12【仙台】→【新庄】→【大石田】→【銀山温泉】
D13【銀山温泉】→【大石田】→【米沢】→【湯の沢温泉】
D14【湯の沢温泉】→【米沢】→【長岡】花火大会
D15【長岡】→【新潟】→【長岡】花火大会
D16【長岡】→【大宮】→【八戸】→【十和田湖】
D17【十和田湖】→【奥入瀬渓流】→【十和田湖】
D18【十和田湖】→【青森】青森ねぶた祭
D19【青森】青森ねぶた祭
D20【青森】→【青森空港】→【羽田空港】→【御徒町】
D21【御徒町】→【成田空港】→【香港】国際空港

12 則留言:

匿名 說...

想問問你由布院你會住邊間,我上次因時間關係好怱忙咁經過,今次會去多次,打算坐ゆふいんの森去,慢慢行然後住一晚,第二日先走。

3J家庭

jokelib 說...

3J家庭, 真係好難揀~ 御三家之中口碑最好的玉之湯, 價錢都可以接受, 不過我就唔係好喜歡舊式的和室. 無量塔啲房就好得, 但係價錢就無朋友做.....

2008 住過 御宿 由布乃庄 (不過唔係由布院). 今次揀咗乜, 不如去完返嚟先答你. 因為都唔知道值唔值得推介, 只可以話你知全部係經濟旅館. (每人 8000~14000yen)

匿名 說...

其實我亦唔打算住好貴,風呂附客室更加唔需要,3個人嘛...不過我就比較想近車站,因為唔係自駕又加上冬天(可能會落雪),上過Jalan睇過未搵到啱心水,OK..等你返嚟再諗諗,唔該。

3J家庭

jokelib 說...

唔駛住得近 JR 喎, 九成都有接送服務.

以下係一啲我都有 shortlisted 的:

由布の彩 YADOYA おおはし 
由布の癒 友里 
由布院ユウベルホテル
御宿 仙壽
吉祥開運亭 無尽蔵

Jackson

匿名 說...

我冇留意迎送服務添...等我有時間慢慢研究吓你shortlisted 嗰幾間,thanks.

3J家庭

largeheadboy 說...

21 日,真係好羨慕
我最長都只係去過 15 日咋~

jokelib 說...

我都係呀~ 最長 2005年一次 15日.

匿名 說...

你呢個行程真係執到無得頂!
但點解第二日留一整日係博多呢?有特別節目?
長崎去熊本,係咪會由島原坐船穿過有明海呢?

lau2tang

jokelib 說...

劉鄧,

你幾時出個北海道行程睇睇?
Day 2 全日博多, 只係四周行吓食吓, 上次去只留咗一晚. 新開的 Hakata City 好鬼多好野食呢~
緊係懶得坐船啦, JR Pass 長崎→新鳥栖→熊本, 有新幹線つばめ,依家快咗啦.

Jackson

匿名 說...

哈..我都會有一整日留响博多,記得返嚟話我知Hakata City有咩正嘢食喎!

3J家庭

匿名 說...

我21/7出發。
因為呢排好忙,又要趕晒手頭的工作,又要溫書應付呢個禮拜日ge大考,等下個星期一、二先有時間再執過個得個框框ge行程。

劉鄧

jokelib 說...

劉鄧, 加油~ 考完試有 3日咁多, 夠你 plan 啦~

Related Posts Plugin for WordPress, Blogger...