半年來每天也將大部分私人時間用在看新聞、追看 Facebook Live。莫說是寫新旅程的簡報，就連整理相片也提不起勁。以往在旅行途中也經常在 FB 呃嬲，但近期連 share photos 也沒有幾個 feed。
早陣子收到一位讀者的 email，我也十分抱歉，一路沒有在這裡作任何交代。這個多事的 2019年，盡管心情或多或少亦受到影響、偏偏出遊次數破了紀錄，旅程大多也是一年前計劃好的。
因為貪心用 AsiaMiles 的新玩法，結果分別在一月、六月及八月去了三次台北的 weekend trip。
新年的道南及三月的伊豆也寫過了，之後佛誕假期與豚友門去了東京四天。
夏天在道東遊走一個星期，只可惜連續多天濃霧。
慶幸還可以化悲憤為食量作心靈補償
上星期去了離島快閃，本來冬天已經不是合適季節，可惜連續幾天也是暴風+斷斷續續落雨+黑雲滿天。
不知還有沒有動力去經營這個 Blog，但願還可繼續貼相片吧。
37 則留言:
呢半年相信好多人心情都不會好過，有時想喺呢度重拾平行時空，但係寫完睇完又要回到眼寃的現實。
無錯，追 Live 追到好心痛，好多時就算在外地都不斷 loop 新聞。
趁年尾來個總結都好呀
仲以為我依個閒人今年去得多，原來你都唔少，weekend快閃都幾次
朋友，日子總要過，痛過後便要放鬆
去旅行要專心去玩去食去享受，唔開心嘅嘢儘量唔好睇唔好理
我係架，去旅行會將所有煩惱事都拋諸腦後，有時間先會望下，然後會响FB share D開心事
聖誕快到了，幾時出發?
我嗰啲快閃真係 3日2夜, 同埋都係台北o者. 換飛剩的豬頭骨.
7-11月跟得好貼, 每晚都係一邊睇 Live 一邊睇 news/評論, 仲有 YouTube. 區選之後好返啲, 盡量唔咁上心.
Christmas 都係去 10日, 之後好快又農曆年.
10日差唔多喇，等你開心分享，我會俾like你，enjoy!
我都係一直追開你的posts, 為plan行程帶來不同概念，亦因此開始追求美食之旅 - 蜜瓜、海膽、松葉蟹、牛牛
今年是多事之秋，但都係出trip之多
願之後可以和氣
我明年夏天換了機票去道東 （雖然突然有東奧馬拉松.....), 想知多點美食和住宿，可以分享多一點嗎？
Uncle Bobo,
謝謝支持, 大家都係互相參考去發掘自己喜歡的東西.
其實 2017夏天都去咗道東14日, 玩咗網走/知床/羅臼/中標津/弟子屈/阿寒/札幌, 不過我好似完全無提過....
2019 道東13日, 羅臼/中標津/根室/厚岸/釧路/積丹/定山渓/札幌
道東住宿你都知無乜揀，都只有普通旅館，勝在夠平，唔可以有太多要求。都係集中火力狂食，depends 你去邊頭?
嘩，原來去咗咁多次，等你Xmas update.
Christmas ？ 好快又到新年、我怕趕唔切
同大家打下招呼先。
莫講話今年，我前年嘅遊記都已爛尾，下星期嘅trip都只係諗住見步行步。
今年又啲確比往年飛更多。去咗一轉巴西出差，好攰但都大開眼界。
預祝大家聖誕快樂，2020去舊迎新。
Business trip 咁好, 不過去工作心態始終唔同, 有苦自己知.
你應該每年除夕都係日本過.....
嘩，好好記性呀！今年好彩換到飛，雖然晏機去早機返...
我有睇架，每年都有紅白添
Hi, 好耐無見~
我都有日日追住你個blog架，總之，有心情就寫啦，唔好有壓力，加油~~
自從無得用 iOS Blogger App 之後, 更加懶惰....
想問9月初去北海道食屎係咪過時
日本海側正常係 5-8月, 即係小樽積丹嗰頭啲屎. 9月頭的話, 要嗰年好大造先得.
出乎意料 2018 同 2019 都好多屎, 價錢仲平過 2017. 如果真係想食靚仔鮮橙色馬屎, 8月頭至中.
不過無理由改日期啦, 照 plan 9月, 到時有咩食咩. 北紫都好出色, 放心.
因我想避開暑假旺季，同埋宜家可以換到9月初機票(經東京)，想去利尻及礼文，換咗飛先plan
何止係旺季, 8月係 2020東京奧運 XD
不過我見北海道都唔算貴, 係得東京癲咗, 3-4倍價錢仲要 prepaid no refund.
如果去最北, 啲屎就唔好勉強, 只係產量少又多人識先食到貴晒.
東京我唔諗，熱死辣辣，即係9月初只得小樽積丹可能得，最北就算5-8都未必得
我同你既心情一樣, 雖然個bloｇ 只為個人與趣, 但呢幾年都唔係幾上心去打埋
但又唔想Close 左佢.
相信大部份真正的港人都有同樣感受，只能説ㄧ句加油!
遊記嘅嘢，真係要有心情同時間先寫到，有心唔怕遲，慢慢再寫返，你有觀眾，而且重點係記錄低自己的回憶
更新得咁慢又冇寫新文章係好慚愧，有時候好想轉去 FB/IG 放相片，起碼可以在旅行途中 post。
或者有一日 Google Blogger 收檔就會逼自己去改變。
我都有喺 FB放相，始終放得唔太多相覺得都幾雜亂唔及 blog 咁有系統，同埋blog 少啲人睇 FB 放嘢講嘢都要好小心。
我每個trip都放幾百張响fb，不過係for自己睇，記低自己去邊。
Fb App upload 相好唔 friendly, 除非用 Desktop
日日 upload 還好、否則一過了同樣好難追返。
正是，行到邊，up到邊，打埋卡。家下入境一萬人，無嘢做又upload下飛機餐😁
近年就連 delete 相都冇乜時間、邊有咁奢侈。
平日在whatsapp同朋友討論睇新聞已經夠心up，Blog當俾自己一個平行時空平衡下自己心情。
我以為你夏天唔會食蟹只會食海膽添
可惜好困難先可以有心情進入依個平行時空。
夏天根室有花咲蟹食架，仲要係活
我見話7月至9月先有得食，如果7月頭去食會唔會未夠肥，無咁抵？剛剛7月頭會去十幾日
7-8月開始肥, 9月最好, 你到時點都會見到.
雖然好老土, 但價錢完全反映質素, 500/1000/1500/2500/5000 我都試過.
乜花咲蟹捕捉期唔係8-10月咩?
個人覺得肉質較實，相比北海道其他種類的蟹，喜歡鱈場蟹及毛蟹多D
第二晚嗰餐，因為太多蠔，隻蟹食咗一半就放棄咗
食過就算，應該唔會encore
好亂呀⋯⋯我冇 check 清楚架
開頭食幾隻都冇乜特別，後尾去到市場食游水貨先改觀。尤其係爆膏雌蟹，D肉有層橙色蛋白 cream，絕對唔會輸比タラバ。
o no，到底花咲蟹7-9月定8-10月XD (我隨便睇左幾個網站話7-9)
機票7月3-7月14東京未決定邊日內陸機上去，根室我想頭站但無蟹未必去，
btw，5k一隻有幾重呢
Around 1kg
如果公蟹只要 3000-4000yen, 活的.
你都係放棄唔駛理, 我無記錯.
https://www.youtube.com/watch?v=RoHJE-ZhpFg
發佈留言