時間回到四月頭的御殿場，雖然已經預留一天作後備，但連續幾日天陰只好對著海報自行幻想一下。
吃早餐的地方列出多條「外國人專用」規則，這個 List 究竟可以再加多少條呢？
在御殿場已經找不到地方值得去，即時買下早一點的巴士票回東京。
昨晚四處找尋餐廳時已經發現附近有多間超市，還車前先去買點東西。
巴士可以從御殿場直接回到東京駅，時間比 JR / 小田急電鐵差不多。大部分人也是搭新宿線，去東京的這班全車只有四名乘客．．．
午餐吃了好濃雞味又好濃蛋味的親子丼，C/P 值超高。
到大丸買點水果後又要拖著行李，本來打算乘的士到酒店。但看到的士站人龍後還是死死氣地慢慢步行去吧。
下午集中在銀座買物
為了看黃昏入黑的夜景，預約了六時最早的晚餐時段。
整晚的 Highlight 便是主菜的神戶牛
甜點亦出色
吃過晚餐還未到九時，又有 Metro pass，便到上野公園看夜桜。
回到酒店還有自己寄給自己的禮物
～第九天完～
23 則留言:
你又去蘇格蘭?
我都想呀, 但上年先去完歐洲, 如果我估到 GBP 會咁平就去咗啦.....
或者下年先去, 不過未 plan.
咁你做乜要進修蘇格蘭歷史
我份人, 唔係為咗食就係為咗飲架啦..... 你估咁誠心學習咩.
為咗飲應該要去吓喇，要實地學習先好嘛...
係朝聖多過學習, 不過啲島實在太遠, 我分分鐘懶得去留在倫敦算....
外國人專用的規條，寫到成幅牆都係都仲得，但寫幾多條寫幾大隻字都好，都有大把人睇唔到．．．
我真係第一次見咁長, 睇時又阻住後面排隊攞野食喎.
親子丼係邊間?
我有興趣呀.....
本來，我都打算出年暑假由倫敦一路玩上去蘇格蘭，但今朝德國又有槍擊，事發個商場我舊年先去過......
我都係要認真再考慮下先。
大丸東京店鶏繁, 買完野上去 12/F 退稅就會見到.
兩點幾都仲滿席咪試下.
其實上年去倫敦都有擔心過, 不過命運o既野, 自然會有安排.
我都bookmark依間先
好彩我啱啱復活節去咗德國，唔駛再去了
其實歐洲我仲有好多地方想去，不過最快都要明年
好多事情都唔擔心得咁多，唔去歐洲話驚恐襲
依家咁多人去日本，乜佢哋唔再驚幅射咩?
當佢係快餐好了、因為都好平。
德法英都要比人尋仇⋯⋯
日本幅射近期又高咗、擔心指數係同円成正比。
但我覺得宜家去日本嘅人只係擔心円高而唔係幅射高囉...
我都講到咁白....
円高自己唔捨得去, 就賴, 等其他人都去得唔安心.
円平, 幅射食落肚都會無事, 完.
不能同意更多，哈哈...
真係好鬼吸引GBP，不過應該出年先啦，啱啱去完16日日本。
仲想去北歐呢，但每次諗到歐洲啲嘢食就有少少卻步，又諗返家鄉。
今年夏天唔返家鄉？
係呀「肥鴨」都即刻覺得唔貴, 上年佢翻新無機會去食.
依家可以上網買下野先.
London 啲野食已經比想像中好了, 歐洲其他地方就唔多啱口味.
通知你睇我懶到咁遲先埋尾, 都知要趕收工.... XD
意大利嘢食都OK嘅。LONDON係因為metropolitan，有名廚，而唔係個度啲食材同煮法好。
個人係對英國有啲情意結嘅，不過都有好多年冇去過囉。。
都要積極PLAN吓，呢幾年都係返得太多鄉下。哈哈
等你遊記啊
我知啦.... 講食材日本贏晒.
遊記肯定無啦, 都係得啲簡報.
英鎊冧成咁，實在抵去！唔覺唔啲円貴咗成蚊幾，真係有啲肉赤㗎
依家訂機票差不多了
依家歐元英磅真係抵左好多，點都要行番轉...不過我覺得蘇格蘭又遠又沒乜野玩，留係倫敦近郊好過^o^
可能我仲係bb班程度，暫時都係覺得日本岩飲d，未識欣賞蘇格蘭的...
日本一拍埋 Scotch, C/P 輸到貼地。
Yen 又爆升、快D返 10啦。
發佈留言