2011年1月22日

道東湯巡﹝二﹞行程最終定案


這次旅程的 AsiaMiles 免費機票可謂一波三折。雖然早在 2010年 3月已經確認機位並且出了電子機票,到 2010年中時被大減內陸線的日航取消了一程重要的 connection,打亂了我原先計劃的走線。後來從新再計劃一次,可是那時根本上沒有可能再找到機位。最後經日航的幫助才能勉強預約到札幌經羽田,再由成田回香港的回程機位。

因為我們極不願意回程的一天由羽田空港自行乘車到成田,所以整套機票遲遲亦沒有 confirm ﹝因為出了機票後再改路線便要 US$100 的費用﹞。之後不斷的打電話去嘗試更改,希望可以在羽田乘 CX 回香港,又或是 book 到札幌往成田的 JAL 機位。直到 2011年 1月頭,已經打算遲早也要出票才能成行,感覺回程當日到新千歲機場去做 standby 札幌往成田的機會最大。

不過奇蹟又再次出現,那班 JAL3042 札幌千歳 > 東京成田,居然又給我們預約成功。當時在電話聽到有位,簡直不能相信,因為前後 check 了多次也落空。這令我回想起三年前的雪祭旅程,亦是千辛萬苦為了這班 JAL3042 ﹝※ 詳見流氷雪まつり-四﹞。

如無意外,這個應該是 Final 的行程表。

【香港】国際空港【日本】成田空港【上野】

上野

【上野御徒町】【羽田空港】【帯広空港】【十勝川温泉】

十勝川温泉

【十勝川温泉】【帯広】【十勝川温泉】

十勝川温泉

【十勝川温泉】【帯広】【阿寒湖】阿寒湖氷上フェスティバル

阿寒湖

【阿寒湖】あいすランド阿寒

阿寒湖

【阿寒湖】【網走】【網走湖】

網走湖

【網走湖】【網走】【サロマ湖】

サロマ湖

【サロマ湖】【紋別】流氷砕氷船ガリンコ号

紋別

【紋別】【札幌】

札幌

10

【札幌】第62回さっぽろ雪まつり

札幌

11

【札幌】【新千歳空港】【成田空港】【香港】


在餘下的一個星期還要再努力去整理裡頭的細節。至於旅館方面還在作最後的修訂/優化中,實在很少會在出發前的一星期還在更改呢... ...。

29 則留言:

largeheadboy 說...

好幸運啊!之後旅程都會順順利利啊!
好想試下冬天去北海道呀!

jokelib 說...

依家最擔心天氣, 希望唔會太凍~

Niseko2000 說...

You are so lucky, 咁都比你wait 到。 咦, 可以坐JAL 新logo的機喎!

jokelib 說...

唔係 wait 架! JAL 無得 wait, 係要不斷打去 check 有冇機位.

新 Logo (or 舊 logo) 邊有咁快呢~

小zoo 說...

酒店仲改緊呀?

jokelib 說...

無錯, 心大心細呢~

小zop 說...

我都係改緊!

jokelib 說...

小Zoo, 快啲轉三余庵啦~ 哈哈~

stone 說...

三余大使出沒, 請留意!!!哈哈

lau2tang 說...

我都用咗asiamiles換暑假飛北海道的機位,去程好順利換到國泰凌晨機飛成田,再駁日航飛新千歲,回程話訂唔到囉,唯有退而求其次,揀咗新千歲飛名古屋中部空港,再轉國泰返香港,就係貪唔使拎住一袋二袋出出入入機場。

jokelib 說...

劉鄧, 根據我以往換免費機票的經驗, 四大旺季的難易度順序係 CNY > Christmas > Summer > Easter.

你又去幾多日呢? 我都好想再一次夏天去北海道, 不過近年夏天都會去其他地方. 搞到剩下冬季比北海道.

lau2tang 說...

我反而覺得暑假最容易換到,因為個假期夠長,只要唔好揀星期六、日出發或回程,多數都換到。
今次暫定22/7出發,1/8回程,到時睇吓仲可唔可以提早多一兩日咁。
翻查紀錄,原來我有七年無去過北海道囉,真係唔多覺。
冬天的北海道,真係要好捱得冷先好去,我記得有一年係零下十六度氣溫,係札幌街頭搵路返酒店,真係凍到人都癲,對大肶直情變雪條。

jokelib 說...

7月尾啱啱放假, 通常都好難攞位.

翻查紀錄, 嚟緊係第七次去....

我夠知冬天凍啦, 唔係都唔會連去住六晚旅館浸溫泉~

小zoo 說...

hmhm!!(高八度) 小妹會去享受下~

jokelib 說...

哈哈~ 希望唔會令你失望啦~

lau2tang 說...

哈哈~
又幫你搵到個藉口解釋,點解要住足六晚溫泉添。
話時話,想問,以房同溫泉計,知床第一酒店的好啲,定係知床Grand Hotel好啲?

jokelib 說...

因為我自己無住過知床第一, 所以都唔識答你. 不過我感覺知床Grand Hotel 的服務幾好, 露天風呂又係全 open 的, 望到海, 只係細咗啲.

2008年房間我住 renew 咗的洋室, 都幾好.
http://www.maisiejackson.com/2008/06/blog-post.html

lau2tang 說...

既然係咁,我就睇吓到時邊間平,就揀邊間啦。
謝謝你呀。

mi 說...

hi jackson,


你好丫.... 最近日日都追睇你的遊記, 真係太正了.

搞到我都想去北海道雪祭, 但我有個問題, 諗左好多日都唔知點揀好. 以你經驗, 你會點決定?
我地日航miles 和asiamiles 都係下年2012/1月
到期~~, 唔知換咩機票好:

方案一:
我和老公分別各自換北海道機票 (日航miles - 老公, asiamiles - 我) , 包2程內陸機.


方案二:
日航miles 換2個人的2程內陸機 + 自己比錢買去東京的機票.

謝謝你...!!!
mi

mi 說...

方案一:
會唔會好危險呢? 一個換到, 另外一個換唔到...
好擔心...

jokelib 說...

Hi mi,

首先要多謝你留言支持.

如果要去睇 2012 雪祭, 今次雖然可以避開 CNY, 但係機票依然緊張. 我有個朋友 2012 去, 今年一月已經搶好位, 同你一樣係一張 JAL, 一張 CX. 每個人四程機票都係一齊.

我唔清楚你出發的日子仲有冇位, 可以上 CX website check.

不過我唔建議方案二, 因為 JAL 換 domestic 要成 10000miles 一程? 來回咪兩個人共 40000miles?? (有錯請指正). 假如買機票, 一定係出一套 package 抵好多. ANA 藍天假期早幾日出咗 CNY 價錢, 可以去參考一下. 2012年1月27日後出發係完全無機票旺季附加費.

http://www.anaskyholiday.com.hk/file/regular/Sep2011/hokkaido_c.pdf

Jackson

mi 說...

其實, 我打算換2013年的雪祭期間機票...
知道你都係一年前就會plan 定行程.
所以我而家要開始睇定有關資料.

既然,你朋友都可以換到一張jal, 一張cx, 我年尾都試下先. 謝謝你..

mi

jokelib 說...

Oh! 2013年, 但係雪祭就會撞正 CNY, 真係要好勤力打電話先得喇....

Jackson

mi 說...

係唔係會好難呀?? 還是改去立山呢?
感覺容易少少??

jokelib 說...

CNY 去唔到立山黑部架, 因為冬季會封山.

其實最困難係要去搶到 HK > Narita/Haneda 機位, 要知道個個都想嗰幾日出發. 但係每班機只有幾個位 for AsiaMiles + JMB, 你話難唔難? 就算 CX 一日有幾班機去東京, 都要爭餐死啦.

Jackson

mi 說...

我都明好難...見你每年都換得好苦...

改四月開山先去立山....!??

jokelib 說...

我換得好難係因為出發日期受到工作限制,偏偏係最旺的日子.如果你可以避開旺季,相信唔會太難.

或者你可以先 check 2012年4月飛去中部的機位? 不過 JAL 就無得換喇.

Jackson

mi 說...

咁我都要努力D 打電話去先得啦...
如果唔OK 就轉去立山之旅.

BTW,剛剛CHECK 了JAL web site, 其實21000 MILES就可以換到JMB Partner Airlines - CX 的機票(HK --> NAGOYA).

^ ^"

jokelib 說...

Good luck~
相信名古屋唔會太難換啦~

Related Posts Plugin for WordPress, Blogger...