( ̄▽ ̄)ノ 新加入: 精華 - 追星見學

2009年4月25日

流氷雪まつり (八十四)《淺草橋 冰封兩小時》

站在本應是十分浪漫的小樽運河前,明明只有零下兩三度不算太低的溫度,半小時後我的手腳已經僵硬了。而運河的景況依然沒有太大改變。雖然其他拍友還未有任何動靜,我已經不能再漫無止境的呆等,開始每一分鐘便按一次快門。


17:15 各位開始準備,紛紛亮出各自的攝影機。天色亦漸漸暗下來,我也不甘示弱去調效光圈快門,準備迎接 magic moment。當時大家已經不去理會其他遊客,只顧能夠拍到自己心裡滿意的影像,一排攝影人牆就這樣堵塞在淺草橋前。遊客要是在這段時間來訪,肯定滿不是味兒。

當天色越昏暗,快門的聲響便越頻密。街燈與河上的燈光亦漸漸變得明亮起來。接著短短的 20分鐘便是我個人認為最美的 magic moment,天空由淺藍轉灰色再變化成蔚藍。
又要嚗光又要等,20分鐘真是不夠用。例如曝光 30秒便要等候相機 process 30秒,最少便花一分鐘。另外又要同時保護我那個〝弱質纖纖〞的腳架,因為好幾次嚗光途中慘被其他人碰撞,白白浪費寶貴時間。

幸好還有一兩張滿意之作。
17:50 天空已經轉黑,呆在同一個位置個多小時。我們決定到運河的另一邊去,慘痛回憶才過了大半而且。

10 則留言:

Wendy 說...

想請教你是如何知道要曝光30秒的?

憑經驗還是什麼的?

那兩張滿意之作都是曝了30秒嗎?

變了問題中年, 唔好意思.

Jackson 說...

因為我只開細光圈 (10 以上),ISO 又只用 80 (少noise),最少要 30秒先夠。當然我只係用 DC,唔係單反,仲要係第一次用部 Ricoh GX100。試得多幾次咪知要 30秒,我覺得最靚幾張都係 15 or 30秒。

貝拉 說...

真係好靚,我隔離個個一影夜景就巔,我已等慣了。我都見佢有爆光的!

Jackson 說...

我就真係無心機影..... 如無記錯、你另一半影煙花好堅。

貝拉 說...

嘩!你咁都記得,無錯,佢係煙花王子,攞過下獎!不過佢剩係鍾意影煙花同旅行相,所以平時好少影相的,呀!動物佢都鍾意!

mandy 說...

對不起~~我笑了出來!!!"煙花王子"!!我也是在hk勁少拿起相機,但去旅行時就會好似上身咁,影得好開心!(雖然我架相機只係普通dc仔,但我都好專業拿住個腳架影相架~十足傻婆一名)

Jackson 說...

我就係有些少印象、唔記得曾經o係邊度睇過澳門煙花相。o甘順理成章都應該係你個 Blog..... 希望你到時去阿寒湖影煙花,可以影到隻"單頂鶴"煙花啦~

貝拉 說...

Mandy及jackson: 哈哈!自己睇番一次都好笑,所以我自己都揸一部傻瓜機同埋cam,咁樣會無咁悶,不過我影相無天份,尤其唔識構圖,都係plan行程適合我多d。

mandy 說...

Plan行程...真係幾辛苦架~~所以才會參考別人的!!!jackson兄那些係天書來呢

Jackson 說...

唔好玩啦、我全部行程咪又係o係網上抄番黎...... 都係要按自己喜好加加減減之嘛

Related Posts Plugin for WordPress, Blogger...