( ̄▽ ̄)ノ 新加入: 精華 - 追星見學

2009年1月27日

続・氷雪湖川﹝五﹞慳得一円得一円 ─ 下

【商務酒店】
餘下的商務酒店,一心以為在函館/札幌/帯広這些比較大的城市一定會十分容易安排。誰知道酒店越多、選擇越多便越頭痛!

函館算是比較上容易,由於停留的時間有限,便選擇最近 JR 及函館朝市的『東横イン 函館駅前朝市』。貪其冬期料金一律 ¥7,140。不過尚未到入住 3個月前,便發覺函館的商務酒店比起其他城市要平得多,¥5,000-6,000 的價位其實有很多選擇。






最後揀了『コンフォートホテル函館』,除了位置好、正正在市電函館駅前;酒店亦是新建成,而冬季早割價格更只是 ¥6,000,比東横イン還要平。另外 Comfort Hotel 的無料朝食亦非常吸引,我最愛它的飯團、是便利店 ¥120一個的貨色;當然麵包多士果汁之類亦有提供。到後來從「北海道自覽遊 2009」知道東横イン提供額外 20% OFF,即是 ¥5,712!我還是保留原先的 booking,因為我覺得 Comfort Hotel 會比較方便乘搭函館市電來往五稜郭。

札幌的選擇真的有太多,加上每一個時段不同酒店亦不斷有新的 plan 推出,實在非常頭痛。我見很多網友也大讚札幌駅北口的東横イン,況且 ¥7,140亦十分化算。可惜在 3個月前亦沒有 Double房,只好暫時放棄。之後選擇我們心儀的『ホテルグレイスリー札幌』Gracery Hotel,早割 ¥9,000已經是最平的價格了。選它無非貪其連接札幌駅的地下街,大雪下亦不受影響,5分鐘內便可走到車站。

後來每天也到東横イン網站 check,希望有機會再慳那 ¥1,860差價。終於一次發現有房,二話不說先 book 了下來。不知道這是好是壞,雖然一心想慳住宿費,可是心裡其實偏袒 Gracery Hotel 多一點。一直拖到 12月,又發現在札幌駅旁的『ホテルクレスト札幌』Hotel Crest 推出限定〝Jalan新春 plan〞。原本 ¥13,500的 semi-double房﹝也有20㎡大﹞激減至 ¥7,000,check-in/out 時間比其他商務酒店好得多 ─ 12:00 IN / 11:00 OUT。衡量過地點後,最終還是選擇它。Book 了後隔天便看到這個特別 plan 已經全部沽清。

與函館的情況一樣,即使後期有自覽遊的 20% OFF,我們也沒有選東横イン。雖說 ¥5,712是極難得的機會,不過我覺得 Hotel Crest 的特割減幅更多。加上可以使用 Jalan 績分 ¥700,入住後亦有 ¥315回饋,分別也不是很大。﹝※ 東横イン也有住十送一,不過近年來 Jalan 的績分比較難用、不像以前每間酒店也可使用﹞其實最主要還是考慮到北口的東横イン始終距離札幌駅有幾分鐘步程,我也嘗試過使用 Google Map Street View 去〝試行〞,不竟要在室外走路免不了會受天氣影響。考慮到在酒店寄存行李的方便程度,距離北口幾十步的 Hotel Crest 當然更勝一籌。

帯広的酒店出奇地缺乏選擇,價格亦不似得函館那樣便宜。我喜愛的『リッチモンドホテル』Richmond Hotel 剛好於 2008年6月在帯広駅前開業,可是普通的雙人房也要 ¥10,000,結果只好選『東横イン 帯広駅前』。怎知道 12月時 Richmond Hotel 又推出甚麼開業感謝割引,同樣的雙人房只要 ¥8,000,於是寧願多付那 ¥860 也選擇它。雖然 Richmond Hotel 通常也不包括免費早餐,可是房內的設施絕對比東横イン好得多。

可是到了後來知道自覽遊的 20% OFF,¥8,000 vs ¥5,712 相對變得大。而且今次全程也沒有住進任何東横イン,反正也想加入其 International Membership,為了慳錢也只有放棄 Richmond Hotel。

其實訂酒店想慳錢必需極大的耐性,一些早割的 plan 當然越早 book 越好,不過 3-4 個月前通常很多酒店也未曾推出任何 plan。即使 book 了之後亦要不時留意有沒有新出的特價 plan。當然以自己的時間去換取那些只是〝有可能〞慳回的少量住宿費用,並不是每個人也覺得有價值。以我個人經驗,出發前最少每星期也會到酒店預約網站格價,看看有沒有更好的 plan。

最後提一提大家,當你決定放棄先前的 booking 時,記得要盡早去取消預約。不要白白去〝霸佔〞其他人的機會!

※ 完成這編長氣心得時剛好正身在帯広的東横イン... ...

コンフォートホテル函館
http://www.choice-hotels.jp/cfhako/

ホテルグレイスリー札幌
http://gracery-sapporo.com/

ホテルクレスト札幌 - HOTEL CREST SAPPORO
http://www.h-crest.co.jp/

リッチモンドホテル 帯広駅前
http://www.richmondhotel.jp/obihiro/

15 則留言:

mandy 說...

我也發現不每天去check酒店package好"sit"
我見到確雅出左一個1萬一個人的天河package時,已經太遲
星期六日早就full了!!我心痛到不得了,本來可以2個人賺回8千日圓呀....
好肉赤好心痛

反而我就很少會對普通酒店出手
格價有時都很累嘛

mandy 說...

我現在都選了hotel crest,都係7千
最主要原因都係...張床有160cm呀!
就算2個女仔一起睡都唔會覺得迫嘛

我之前book的那間是在crest的對面,8800
床只有140cm...但有免費早餐同埋浴場囉

Jackson 說...

Hotel Crest 幾好, 房間夠大, 又非常近北口. 我仲乘機利用酒店做免費 coin locker, 慳番不少金錢.

Route Inn 都幾好, 不過食免費早餐咪即係少左胃口食其他美食囉~

mandy 說...

是的~次次有free breakfast就會食到很飽,反而冇有冇o既好添!我可以11時就食一個早早的lunch,到下午3時又可以飲tea,晚上6時又去吃dinner....

我一向都把hotel當作free coin locker,一放就是1x天(以前)

Jackson 說...

我仲要出出入入放幾次, 都係因為 coin locker 依家太貴, 而且行過去 Crest Hotel 都只係一分鐘.

mandy 說...

不過,我最唔like都係成日要問佢拿key
通常某d時間連人影都冇個
要我按鐘先會有人出來...
如果出出入入幾次...真係會好唔方便

對了,想問一個非常重要的問題
絕對只有你才會答到我
請問間房開唔開到窗!!!!!!!!!!
我一向習慣off左個暖氣,開少少窗架
否則我會皮膚問題透唔到氣架....

Jackson 說...

咩 Key? 入房 keycard? 已經唔係用鎖匙喇, 自己 keep 住張卡就得.

Crest Hotel 真係好似唔開得窗喎....

mandy 說...

唔係化~~~我死喇...
今次真係omg,那我要去100日圓店子買埋冰貼貼在頭上喇
(降溫用)

我住親都係用key...好鬼少有card...

貝拉 說...

選酒店都好煩,不過又有另番樂趣.... 我鍾意札幌個間 ^^

Jackson 說...

我估你係指 Gracery Hotel? 可惜太貴又無乜減價。所以揀了 Hotel Crest.

貝拉 說...

其實最鍾意睇你選酒店的過程,可以學到好多野,似乎帶広無咩選擇!

Jackson 說...

帯広 Richmond Hotel 一定係最正o既 Business Hotel,不過唔包早餐,位置一流,房又大,Double bed 係 154cm。

另外 2009年7月24日新開 コンフォートホテル帯広,地點又好又包 Comfort 早餐,不過 Double bed 只有 140cm.

東橫 INN 真係遠o左少少,我去o個日 -14 度,成地都係冰,要行 10分鐘。

貝拉 說...

哈哈!選酒店你是專家,我已mark底左,去得成一定跟你。唔駛唸,我個段時間不是冰天雪地,應該好d

匿名 說...

請問Crest相比Gracery同Hotel Fino係咪較舊但房較大, 我去果段時間, Crest/Gracery都只係7000yen左右, Hotel Fino就8000, 心多多唔知點揀好.

Jackson 說...

三間如果價錢差不多, 緊係連接地下街的 Gracery 優勝. Fino 係比 Gracery 新, 不過要0係北口行幾分鐘, 房間亦比較細.

如果係冬季期間, 我一定揀 Gracery, 避免雪地拉喼.

Related Posts Plugin for WordPress, Blogger...