2010年9月11日

東北夏祭﹝四﹞數字摘要

多得 JR East Pass,這次乘搭了數千公里的鐵路。我們在上野駅花了個多小時去兌換 Pass、及換取在網上預訂的所有指定席車票。

到磐梯高原,用個半小時完走 3.6公里的『五色沼自然探勝路』。

在人山人海的『大內宿』遇到上千的遊人。

乘坐了三個多小時也不感覺沉悶的『SLばんえつ物語』,走過磐越西線。

在兩個多小時內踏單車快閃遊「村上」多個景點。

在「長岡」,與 450,000人一同觀賞最震撼的花火大會。

在「弘前」,看到最多、及最大的紀念印。

搭乘『リゾートしらかみ』行走全程 147.2km、美不勝收的『五能線』。

33度高溫日曬下浸 42度的『黄金崎不老ふ死温泉』露天風呂。

盛夏的正午登上『山寺』千級階段,比想像中來得容易。

當然還有這次旅程的重點,走訪東北六大夏祭。

兩個星期內所流的無數汗水,絕對比在香港全年的要多。

17 則留言:

mandy 說...

睇你咁樣...haha好似總結完成喎^^

largeheadboy 說...

好厲害啊!
好想搭一次 SL 啊,邊度都得~

jokelib 說...

Mandy, BINGO.

大頭, 快 D 搵機會搭啦~ 秋冬最多呢, 全日本周圍都有.

紅米奇 說...

我都好想&鍾意係日本踏單車遊覽, 可惜仲未試過, 鬼叫自己多數冬天至去咩~

jokelib 說...

紅米奇, 我地去弘前都有借免費單車, 超方便. 你都知如果行去弘前城係幾遠架啦.....

匿名 說...

嘩!的相好靚、好綠呀~
SL火車係咪要係香港預先訂定架?

劉鄧

jokelib 說...

劉鄧, 我都係去到日本先 book, 其實打後成個月都仲有位.

Ellen老師 說...

嗯~~~有興趣夏天去1次!

jokelib 說...

老師, 咁下年東北見啦~

Niseko2000 說...

我都未試過在日本踏單車, 又係因為大多數冬天去, 咁點解JR有免費單車出租? 仲有咁熱浸温泉感覺如何? BTW, 有時搭火車仲好過揸車, 不過要一早做功課編好d時間。

小頭 說...

用個半小時完走 3.6公里的『五色沼自然探勝路』。 -- 咁快行完,我真係有可能去米澤吃多一次午餐噃!

33度高溫日曬下浸 42度的『黄金崎不老ふ死温泉』露天風呂... 為何不在日落時份浸,仲可以看住個鹹蛋黃慢慢下沉

jokelib 說...

Niseko2000, JR單車唔係免費架~ 要錢租架~
不過弘前觀光案內就真係免費有得借(全日)
之前我真係花咗好多時間去睇 JR 時刻表, plan 咗唔少時間.

小頭, 個半小時喎, 唔係半個小時. 途中都有不斷影相, 又唔算行得快.

至於不老ふ死温泉, 因為我地連住一晚都無時間..... 即日要去秋田睇竿燈, 所以只係日歸.....

小頭 說...

哎呀,係喎,係1.5 小時不是 0.5 小時!

Sammie 說...

佩服佩服!我發現,錢不是大問題、天氣也不是大問題,最大問題是假期,哈哈﹗

jokelib 說...

Sammie, 唔係喎, 錢(budget)都幾大影響架. 如何在有限的 budget 住最理想的酒店/旅館先大問題.

Unknown 說...

不老不死溫泉看上去像有馬的金湯

jokelib 說...

查一查,應該都係一樣,兩個都係 Sodium 塩化物.
只係不老ふ死多咗 Magnesium~

有馬金湯
含鉄ナトリウム塩化物強塩高温泉

不老ふ死温泉のお湯
含鉄ナトリウム-マグネシウム-塩化物強塩泉

Related Posts Plugin for WordPress, Blogger...